أضف سؤال أو موضوع جديد          

تجربتي تورس 2014 لمتيد

up 21 down 10
الرفاعي33 13898
قبل 2 أسبوع و يوم



السلام عليكم ورحمة الله وبركاته

مساء الخير اعضاء منتدى حراج

موضوعي اليوم تجربتي
مع تورس استخدام امريكي 2014 لمتيد
في البدايه
هاذا الموتر الثاني تورس ولله الحمد ثاني تجربه ناجحه وموفقه

كثرة الاسئله حول التورس
هل يصرف بنزين
هل اعطاله كثيره
هل تخرب طرمبة المويه
وحاب اقولكم ماواجهت اي شي مما ذكر
بالعكس سياره مريحه وكد ومد
وصرفيتها معقوله للخطوط الطويله
خاصه فئة اللمتيد فيها مواصفات جباره
منها قزاز دبل. وشاشه سوني
و7 الوان للداخليه والتشغيل الذكي
والتتبريد والتسخين
وجنوط 19 ومواصفات كثيره

نجي للتجربه
تم شراء الموتر في شهر 1 الي راح
كالعاده. اول ماشريت السياره بطاقه جمرك
وقتها الممشى 108 الف ميل
طلعتها اول يوم
وتوجهت على الوكاله
وشريت الاتي:
6 علب للقير برقم الهيكل
وجالون موية موتر كرافت اصلي للرديتر
وفلتر هواء وفلتر مكيف وفلتر مكينه
وفحمات امامي
والحمدلله القطع رخيصه جدا ومعقوله
توجهت بكل قطعه الى المختص الي فاهم فيها
تم التغيير
والحمدلله قير مكينه حراره ثابته في اقسى الضروف
عشره على عشره
ولا واجهت اي مشكله
بالنسبه لزيت المكينه
5W20 موتر كرافت فورد الزيت الموصى لها
واغيره كل 8000 كيلو
ولانقص ولا غيره
صرفية البنزين
فل اخضر 92 ريال
يمشيني خط طويل 700 بالراحه دعسه ثابته
داخل البلد يوصل 550 كيلو
الموتر جبار ومريح وفي قمة الروعه
وعزله ونظامه ممتاز
وانصح بالي ناوي عليه يتوكل على الله
الى الان من شهر واحد لم اواجه اي عطل

هاذي تجربتي للمهتم في التورس

ويعطيكم العافيه.











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله تبارك الله الله يبارك لك فيه
بغيت أسألك عن الكامري الأمريكي موديلات 2014و 2015
ماهي موجوده بالصالات اش السبب


up 0 down 0
سلطان عصره 15
قبل أسبوع و يوم



الله يطعمك خيره ويكفيك شره...الموتر ماعليه خلاف تبارك الله...لكن نصيحه غير زيت 5w30 افضل ولزوجه احسن


up 0 down 0
عــديل الــروح -4
قبل 5 يوم و 20 ساعه