قصتي مع المكدة أنواع الأفلام شاهدتها خلال ثلاثة أيام مكدة
36
8
إضغط هنا للإخفاء
بسم الله الرحمن الرحيم
ثالث العيد شمرت يدي وقلت على موقف الكدادين غيرت زيت الفورد وعلى الموقف
طبعا أنا وأخوية أنا معي الفورد وأخوية الأكسنت نزلنا الموقف ونلاقية فل كدادين والمرور
أشغل الكدادين ومقفل مداخل الموقف وقوة مخالفات المهم الزباين ما شاء الله واجدين
لكن الكدادين أكثر من الزباين ما يمديك تتفق مع زبون إلا جاء كداد وخرب سوقك وأجيكم
وأحمل 5 انفار في الفورد من 270 يبغون الرياض وأخوي حمل 4أنفار في الأكسنت ومشينا
سوا طبعا طلعنا من قبل نقطة الشميسي طريق الليث الطريق اللي ينزل الهدا على الكر
على أساس ما ندخل في زحمة مكة المهم ماشين على 130وقبل ما نوصل الكبري اللي ينزل
على وادي نعمان الكر أثاري فيه مطبين وناخذهم على سرعتنا طبعا الحمد لله الفورد أخذها
وما حسيت فيها لكن المصيبة أخوي بالأكسنت يقلي يوم أخذها الركاب صفقت رؤسهم في التندة
الله يجيركم ويطلع في موتر اخوي الاكسنت صوت أثاري قاعدة كرسي القير أنكسرت الله المستعان
مشينا شوي شوي على الموتر إلى المحطة اللي بعد النقطة ووقفنا عند بنشري هناك ونرفع السيارة
بالرافعة إلا وقاعدة كرسي القير مكسورة المهم دقينا على خوي لنا في مكة والرجال ما قصر وجانا واخذ
الركاب من اخوي وحملنا السيارة سطحة ونزلناها جدة والله ونكمل خط انا وخوينا الى الرياض وصلنا الرياض ونزلنا
الركاب واخذنا غرفة نمنا 5 ساعات ونزلنا الموقف حصلت 4 زباين على المدينة من 150 واحملهم وخويي حصل 3 على
جدة من 200 وحملهم والله وادعس على المدينة ويدعس خوينا على جدة وصلت المدينة ونزلت الركاب طبعا ركب معي واحد
سعودي وأنواع الفقش طول الطريق لسانه ما وقف يصرف من الرخيص وأنا جالس أسلك له .
بعد ما وقفت بموقف المدينة أصوت جده جده والموقف مليان كدادين وزباين لكن سوق جده مضروب
يحملون على 50 والله وأحمل 5 يمنه من 50 على جده وصلت جدة وأنا مهلوك تعبان نمت ويوم صحيت
مريت أخوية يقلي ما لقي القطعة بمحلات قطع الغيار وراح الوكالة وحصلهم مقفلين ما يداومون الا الاحد
فودى القطعة مخرطة ولحمها وركبها والرجال قافلة أخلاقة من الاكسنت يقول ما عاد يبيها بيبيعها وبسراحه
ما ينلام مديلها 2014 ومن مطب تفلت العافيه سراحة الكوري ما عنده سالفة إسم الله عليها الفورد أكلت المطب
زي الحلاوة ما جاها شئ وسلامتكم .
اللي استنتجته خلال الثلاثة الايام في الموقف قابلت ناس واضح عليهم الاستخدام يجيك واحد بموقف الرياض ويصوت
الرياض الرياض وشوي يقول خميس مشيط خميس مشيط وشوي يقول الدمام الدمام الوزنية عنده مو مزبوطة الله لا يبلانا
الشئ الثاني المكدة تعب وإرهاق إلى درجة ما تتصورونها أسأل الله أن يعين الكدادين
الشئ الثالث المرور أمتحن الكدادين ما خلاهم يترزقون الله قوة قسايم ومضايقات من المرور
الشئ الرابع الزباين اللي يركبون معك انواع واشكال فيهم الصاحي والمجنون والمريض
والملجلج ....الخ
اليوم قلت بانزل وبطلت جمعت لي كم قرشين تكفيني إلى الراتب والله يغنينا وإياكم بحلالة
عن حرامة وسلامتكم حبين أنقل لكم تجربتي مع الكداده خلال الثلاثة ايام .
إبلاغ
الردود
0
0
قبل 7 سنه