بخصوص انوار الفورد و جراند ماركيز

ركب عدسات او زنون في العالي فقط ,
لاكن بخصوص الواط ماينفع بتكون نفس قوه الاولى 
حتى لو w100 
لان كهرب السياره معمول  على شمعه محدده وقوه محدده . لاكن اشوف العدسات طيبه 
وسعرها بالشمعات  والتركيب ب 400 وتابعها بالاعلانات فيه عرض بيع للعدسات وراكبه على ماركيز 

^^^ 
وينه الي عدسات بالشمعات ب400  ريال العدسات لوحدها لاتقل عن 400 ريال والشمعات تجاري ب150 الشمعه انا مركب عدسات شوف اخوي انت تبي زنن مايجهر الخلق دور في المحلات زنن خطين انا كنت مركبه قبل العدسات ونوره حلوه تجي شمعات زنن مع ضفيره كامله اتش 13 اذا موديل فوردك من 2006 وفوق الضفيره يجي فيها كتاوت قد الاصبعين مكتوب عليه اتش 13 ومايحتاج لاقص ولا تاليف بالضفيره تقدر تركبه بنفسك سعرها 150 ريال الشمعات بضفيرتها والمحولات تاخذها تقريب 120 ريال واذا ميزانيتك تسمح ركب عدسات وعندك محمد السلطان افضل واحد يشتغل في العدسات وموجود في ابها  واذا منت بنفس المنطقه تشحن له الشمعات ويركب ويرسلها لك وعليك التركيب فقط في السياره
وهاذا منتداه
 http://hidsa.net/

ركب للانوار كتاوت وريح راسك مع تنظيف الشمعات والله غير تحس فرق 180 درجة

شوف اخوي الشمعات اللي كانت عندي h13 جربت ظفيرة صفراء وشمعات العالي 100 والواطي 80 صحيح قوي بس احرق علي الظفيرة الصفراء وشلتها وركبت زنن ولا عجبني وبالاخير ركبت حقت الوكالة وشلت العاكس اللي داخل الشمعه تحصلة بالنص قطعه تجي قدام الشمعه شلتها وزبط النور عندي

يعطيكم العااافية وماقصرتوا 
وبنسبة للعدسات والله يالربع ماحبيت شكلها احب الموتر على شكل وكالة 
انا اشوف فوردات مركبين زنون بس ماشاءالله هادي مو قوي في الواطي
 واخ برنس ياليت تعطيني اسم المحولات ونوع شمعات ولا تهووون 


وفي نفسس الوقت انا افكر بـ زنون حق تاون كار !!!
مايركب على الماركيز ؟؟

اتمنى من الاخوان الافادة 

ركبّ كتاوت للنور ( فيه ظفيره معها كتاوت .. لونها أصفر تايوانيه ) موجوده بمحلات الزينه بـ 45 ريال تقريبا أو 50 بالكثير .. بدون قطع أو جرح أسلاك .. فقط أفياش تركبها بأفياش الوكاله وتقدر تشيل الكتاوت متى ما بغيت

وركب شمعات 70WATT ألمانيه أصليه على الواطي

+ تنظيف و تلميع الأسطبات

وان شاء الله بتدعي لي

لازم تركب كتاوت عشان تستفيد من قوة شمعات النور + تحمي أسلاك وظفيرة السياره وأفياش نور الوكاله

ويصير الضغط والحراره على ظفيرة الكتاوت

مشكووور وماقصرت يالغالي

وان شاءالله بجربها لان فيه شمعات قوتها 70W

كرتونها اصفر وازرق مدري اخضر

المهم الحبة بـ ٦٥ ريال وشكلها الي تقصدها 

بعد التجربة بعطيكم خبر

اخوي لاتخسر نفسك تبي فرق 360 درجه ركب عدسات بس بتكلفك حدود 700-1200 ريال اما اذا تبي فرق بسيط ركب كتاوت ولمبات 70 واط المانيه ولمع الانوار اذا هي مشهبه

واضيف نقطه انتبه وثم انتبه تركب اللمبات الكوريه تحرق لك ام الاسلاك او جابت لي الصمرقع هههههه كل شوي اخير سلك اخرتها ركبت الماني ومشاء الله تبارك الله ضبطت

ياخوي شفت واحد مركب عدسات وماحبيتها صاير شكل بايخ 
فـ ماادري هي اللي تقصدونهاا ؟؟؟

اتمنى تضيفون صور للعدسات وشكرآ