مهم لأصحاب الفورد الحرارة والمكيف مع دخول الصيف
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم ورحمة الله وبركاته
لكل من يعاني من حرارة الفورد او سوء التبريد سواء بالمشي او الوقوف
اليكم بعض النصائح بعد التجربة والنتيجة فوق الممتازة
اولا: مهم جدا تركيب مبرد قير منفصل 40الف وحدة النوع الكندي والغاء المبرد القديم, مهم تركيب ليات زيت اصلية
( سعره مع التركيب تقريبا 700 ريال )
ثانيا: تغيير ماء الرديتر بالكامل الى ماء موتور كرافت الأصفر الجالون تقريبا سعره 85 ريال
ثالثا: تركيب 2 مراوح نوع صيني على رديتر المكيف والتأكد انها مراوح سحب وليست طرد, مع كتاوت خاص فيها
والتاكد من الكتاوت يتحمل الواط للمرواح + تركيب فاصل لها داخل كبوت السيارة. طبعا تخلي المراوح تشتغل مع المكيف
*الفائده من الفاصل اذا كنت مسافر مثلا تفصلها*
(سعرها مع التركيب حدود 300 ريال)
*المراوح بتحس بعدها بتغيير جذري الصراحة فايدتها ملحووظة بشكل كبير*
رابعا: يفضل تودي السيارة لمختص فوردات ,, يلغي لك البوابة الخارجية للمكيف + يلغي هواء القزاز والارجل
فقط يخليه على الريش الامامية والخلفية.. الدفع راح يتحسن عندك بشكل كبير جدا
*تقدر تسويها بنفسك لو تابعت مقاطع باليوتيوب*
خامسا: اذا بتعبي فريون جديد نصيحة تعبيه عند بترومين جهازهم ممتاز جدا, لكن بشرط تاخذ معك علبة زيت كمبرسر موتوركرافت
العلبة تقريبا 30 ريال. تعبئة بترومين ب150 ريال
اخيرا: اذا كنت واقف عند اشارة او لاي سبب فوق نص دقيقة حط القير على الفاضي
لاتخليه على الدي
السبب ان نظام المكيف بالفورد اذا عشقت دي يبدا يشتغل ويطفي
اما اذا كان بالفاضي يبقى الكمبرسر شغال دون توقف
طبعا هذا الامر مع المراوح الاضافية صدقني ماودك تنزل من السيارة من قوة التبريد
الامور الي فوق كلها سويتها بموتري والحمدلله اتحدى اي سيارة من تويوتا او نيسان بكفاءة التبريد
ماشاء الله تبارك الله
![إبلاغ](https://montada.haraj.com.sa/images/alert.gif)
قبل 2 شهر و 2 أسبوع