أضف سؤال أو موضوع جديد          

فورد تيريتوري 2023 دقة طقة عند التوقف؟

up 0 down 0
mohsam15
قبل 8 شهر و أسبوع



السلام عليكم و رحمة الله

عندي فورد تيريتوري 2023 على يدي ماخذه اصفار. في مشكلة و العلم عند الله من اول ما اخذت الموتر و انا احس و اسمع بصوت دقة طقة مع نتعة خفيفة من اسفل السيارة لمه اهدي لمطب او الوقوف الصوت جدا ملحوظ. رحت للوكيل عدة مرات يركب معاي مهندس الصيانة يسمع الصوت لكن يدعون الشي هذا طيبعي و يصرفوني بلقول اني موسوس و مافي حد غيري تشكى. بصراحة حاب الموتر لكن العطل كرهني فيه. ممشى اقل من 9000 كيلو. بصراحة محتار ولا عارف ايش الحل و لا ابي اتوهق بالورش يلعبون فيه و يروح الضمان. فكرت اودية محلات فحص السيارات يشخصون المشكلة او فعلا الشي هذا طبيعي لكن قلت انتظر شور اهل الخير اول. لو حد عنده خبره في هذا الموضوع رجاء الايفادة. نوع القير دبل كلتش. معلومه اخيرا جربت فضيت القير غلى N قبل الوقوف لكن برضو صوت الطقة يظهر.







إبلاغ إبلاغ



الردود


هذي النتعه معروفه باغلب سيارات فورد الجديده بالقير
لكن انت ابحث عن قروب بالتلقرام ملاك تيرتوري وشوف عندهم ولا لا
ولو انا مكانك راح اروح لفرع ثاني او افحص برى واجيب تقرير لهم دام السيارة على الضمان


up 0 down 0
abu-turki2
قبل 8 شهر و أسبوع



صدقني طبيعي بكل سيارات القير التماتيك وخصوصا بعد ما زادت الغيارات الحين بعض السيارات 10 غيارات او سرعات
اللي مهوب طبيعي اذا كان طقة قوية بحيث انك تفز من قوة الصوت او يكون فيها هزة او رجفة قوية بالموتر واضحة
سق سياراتك وانت مرتاح وعطها حقها بالتسارع وراح تضبط مع الوقت وزنية التغيرات


up 0 down 0
ابو سلمان89
قبل 7 شهر و أسبوع



عندي نفس المشكلة في تيرتوي قبل مااتوقف ولاادعس فرامل مسكة وحدة تطلع صوت طقه خفيفة ماكلمت الوكاله عنها بس عرفت ان هذا العيب طبيعي في قير دبل كلتش ومثل ماقال اخوي اللي فوق انها عادي يعني لاتقلق منها 


up 0 down 0
ابوسليمان1010
قبل 2 شهر و 3 أسبوع