هل يتم تغير زيت القير تورس 2021 او لا ؟

سيارتي تو دخلت 30 الف هل يتغير الزيت او ما اقربه نهائياً

صراحه وعن تجربه لا تغيير عندي كاديلاك اخذته اصفار وبعته ماشي 280 الف وشريت كامري وبعتها وماشيه في بحر ال 200 واخذت سيارات كثيره ولا عمري فكرة اغير الزيت والسيارات ماشيه
زي الحلوه معاي في يوم كان عندي جمس دينالي موديل 2016 من حبي فيه والمحافظه عليه غيرت زيت فرامل وقال الفني في الشركه ضروري تغيير زيت الجير قلت في نفسي ما خسرت شي يستاهل
ومن بعدها مشيت والوضع طيب في البدايه بعدين بدات المشكله تبديل النمر القير يحشر نمر احس في دق في الجير والوضع صار صعب صراحه رجعت الوكاله وومشاكل وزارة تجاره علي
حماية مستهلك وارفع ايميل لشركة جينرل موتر وموال وسيارتي واقفه اكثر من شهرين عندهم في الاخير رحت عند واحد فني ممتاز فك شريحة القير او مخ القير وبدله المهم دخلت في موال
طويل جدا وكنت افكر ان الموتر ماشي زي الحلوه معي ليش تلقفت وغيرت الزيت اذا تبغا وجع الراس سوي الي انا سويته مع العلم في بعضهم يغير ولا شي لكن من باب انك تريح نفسك خليه لا تقربه
بذات التورس كلها مشاكل من سارت صيني والناس تشتكي وبالتوفيق

صاحب التعليق الأول صادق 
ما قد سمعت أحد اشتكى من عدم تغيير زيت القير مقابل شكاوى كثيرة ومشاكل تبدأ من بعد تغيير الزيت 
بعدين حتى كتالوج الوكالة يحرص على تغيير الزيوت حرص مبالغ فيه حتى لو السيارة واقفة وحتى زيت الفرامل والدكسون اللي حنا ما نغيره 
يقول غيره بعد سنتين حتى لو إن السيارة ما تحركت من مكانها إلا زيت القير
ما يحرص على تغييره ويقول إلا في حالات إستثنائية أوأن السيارة غمرها الماء
وبعدين هو ليس زيت بمعنى زيت كزيت القير العادي مهمته الأولى التزييت
لا هذا ليس كذلك واسمه الحقيقي في الكتالوج سائل القير
لأن عمله في الأساس هيدروليكي وهو في دائرة مغلقة بعيد عن الحرق والتبخر كما يحدث لزيت المكينة.
 

ما عليك من السواليف
انا شريت 2020 تورس والوكاله غيرت الزيت على ممشى 48 الف حسب دليل الصيانه
سالفة انك ماتغير الزيت ابدا هاذي شيلها من راسك اذا تبي تحافظ على القير

يقول أبو السواليف
غيرت الزيت على ممشى 48 ألف حسب دليل الصيانة 
لا يوجد في دليل صيانة التورس تغيير زيت القير على ممشى 48 ألف
أبداً
إلا إذا كان تورسك قير عايدي

القير فيه احتكاك الكلتشات تولد حرارة وهذا اللي يحرق الزيت ويصير اسود فلازم يتغير بدري عشان تحافظ عليه واذا ركبت رديتر تبريد للقير بحكم المنطقة حارة في الصيف يكون افضل للقير وللمكينة

اذا السيارة وكالة تعرف ممشاها الحقيقي
بشكل عام قير الاوتو المعروف تبترونك
يتغير على ممشى ٧٠ الف و بعدها على نفس الممشى
من تجربة مع سيارتي الراف فور
و الافضل بالوكاله او مركز صيانة معتمد
قير الCVT لا تتعدى ممشى ٥٠ الف و لازم يتغير
باقي القيور مدري عنها