أضف سؤال أو موضوع جديد          

هل يتم تغير زيت القير تورس 2021 او لا ؟

up 1 down 0
استغفرالله 350 3
قبل سنه و 2 شهر



هل يتم تغير زيت القير او لا







إبلاغ إبلاغ



سيارات للبيع

الردود


سيارتي تو دخلت 30 الف هل يتغير الزيت او ما اقربه نهائياً


up 0 down 0
استغفرالله 350 3
قبل سنه و 2 شهر



صراحه وعن تجربه لا تغيير عندي كاديلاك اخذته اصفار وبعته ماشي 280 الف وشريت كامري وبعتها وماشيه في بحر ال 200 واخذت سيارات كثيره ولا عمري فكرة اغير الزيت والسيارات ماشيه
زي الحلوه معاي في يوم كان عندي جمس دينالي موديل 2016 من حبي فيه والمحافظه عليه غيرت زيت فرامل وقال الفني في الشركه ضروري تغيير زيت الجير قلت في نفسي ما خسرت شي يستاهل
ومن بعدها مشيت والوضع طيب في البدايه بعدين بدات المشكله تبديل النمر القير يحشر نمر احس في دق في الجير والوضع صار صعب صراحه رجعت الوكاله وومشاكل وزارة تجاره علي
حماية مستهلك وارفع ايميل لشركة جينرل موتر وموال وسيارتي واقفه اكثر من شهرين عندهم في الاخير رحت عند واحد فني ممتاز فك شريحة القير او مخ القير وبدله المهم دخلت في موال
طويل جدا وكنت افكر ان الموتر ماشي زي الحلوه معي ليش تلقفت وغيرت الزيت اذا تبغا وجع الراس سوي الي انا سويته مع العلم في بعضهم يغير ولا شي لكن من باب انك تريح نفسك خليه لا تقربه
بذات التورس كلها مشاكل من سارت صيني والناس تشتكي وبالتوفيق



up 1 down 0
next999 1
قبل سنه و 2 شهر



صاحب التعليق الأول صادق 
ما قد سمعت أحد اشتكى من عدم تغيير زيت القير مقابل شكاوى كثيرة ومشاكل تبدأ من بعد تغيير الزيت 
بعدين حتى كتالوج الوكالة يحرص على تغيير الزيوت حرص مبالغ فيه حتى لو السيارة واقفة وحتى زيت الفرامل والدكسون اللي حنا ما نغيره 
يقول غيره بعد سنتين حتى لو إن السيارة ما تحركت من مكانها إلا زيت القير
ما يحرص على تغييره ويقول إلا في حالات إستثنائية أوأن السيارة غمرها الماء
وبعدين هو ليس زيت بمعنى زيت كزيت القير العادي مهمته الأولى التزييت
لا هذا ليس كذلك واسمه الحقيقي في الكتالوج سائل القير
لأن عمله في الأساس هيدروليكي وهو في دائرة مغلقة بعيد عن الحرق والتبخر كما يحدث لزيت المكينة.
 



up 0 down 0
مصعب بن متعب 34
قبل سنه و 2 شهر



ما عليك من السواليف
انا شريت 2020 تورس والوكاله غيرت الزيت على ممشى 48 الف حسب دليل الصيانه
سالفة انك ماتغير الزيت ابدا هاذي شيلها من راسك اذا تبي تحافظ على القير



up 2 down 0
al-bshre 102
قبل سنه و 2 شهر



يقول أبو السواليف
غيرت الزيت على ممشى 48 ألف حسب دليل الصيانة 
لا يوجد في دليل صيانة التورس تغيير زيت القير على ممشى 48 ألف
أبداً
إلا إذا كان تورسك قير عايدي


up 0 down 0
مصعب بن متعب 34
قبل سنه و 2 شهر



القير فيه احتكاك الكلتشات تولد حرارة وهذا اللي يحرق الزيت ويصير اسود فلازم يتغير بدري عشان تحافظ عليه واذا ركبت رديتر تبريد للقير بحكم المنطقة حارة في الصيف يكون افضل للقير وللمكينة


up 0 down 0
rakanmazen
قبل سنه و 2 شهر



اذا السيارة وكالة تعرف ممشاها الحقيقي
بشكل عام قير الاوتو المعروف تبترونك
يتغير على ممشى ٧٠ الف و بعدها على نفس الممشى
من تجربة مع سيارتي الراف فور
و الافضل بالوكاله او مركز صيانة معتمد
قير الCVT لا تتعدى ممشى ٥٠ الف و لازم يتغير
باقي القيور مدري عنها


up 0 down 0
مثقف سيارات 1154
قبل سنه و 2 شهر