رايكم بالفورد اكسكرجين

سيارة قديمة
توقف انتاجها و غير عملية بالصرفيه
اذا كان و لابد تشوف لك يوكون او ممكن اكسبدشن قديم
و كل الثمان سلندر ابتعد عنه الا اذا مضطر تحتاج سيارة كبيرة
شوف سيارة ست سلندر لو فان كيا
او فان هونداي و اذا تقدر على الديزل ممتاز
بشرط ما ترتفع تسعيرته على ٢٠٢٢

لا انصح،، وبلاعة بنزين ،، 

السيارة قويه وكل شي بس .. مالها قطع 

منتازه وقويه وواسعه وكويسه للعائلات
بس ح تتعبك صرفية بنزين بزياده

فورد اكسكرجين تم صناعتها سنة 2000 وتوقفت سنه 2005 يعني سياره نادره ومالها قطع غيار متوفرة فليش تبهذلك نفس فيها
شوف اي سياره ثانيه مشهوره بالسوق وقطعها متوفرة

والله انا اشوف حتا وان كان نظيف ومخزن. وممشاه قليل بترتاح معاه فتره بسيطه وبعدها ممكن يطلب صيانه وقطع وتبلش فيه
وممكن بعد سعره اللحين غالي بتشتريه. فلذلك انا اشوف اذا تبغ لك موتر موديل 2008ونازل وسعر زين
خذلك اينوفا أو جمس أو ترل بليزر أو إكسبلور أو حتا جيب تيوتا موديل قديم بس نظيف
أو نيسان باترول

خذذلك شي مضمون افضلك
نصيحة من أخ

جزاکم الله خيرا على ارائكم المفيدة، ما شدني لها هو نظافتها وسعرها المناسب، خاصة وهي للاستخدام النادر، ولكن كما اوضحتم بارك الله فيكم خاصة وأن هناك بدائل مناسبة.