السواق صدم شخص وثبت على السواق 100

الله يعينك ويعوضكم خير هو على كفالتك

لا حول ولا قوة الا بالله العلي العظيم 
نسأل الله ان يعوضكم خير ..
النظام راح يحملك انت المسؤوليه
لأنه انت صاحب العمل
وينص على استخراج رخصة قياده للسائق
وان يتم عمل تامين للسائق وان تكون الاستمارة ساريه
وكل هذا على حساب صاحب العمل
واذا سألت ليش ما يتحملها العامل
راح يردو عليك ببساطه ليش ماعملت تأمين 

هنا اهمية التامين تفكك من ذي المواقف

الحمدلله على السلامة وان شاء الله انها دفعة بلاء
عشان كذا التأمين مهم حتى لو كان سعره مرتفع وزين ان الدولة خلته الزامي
الشوارع مالها امان مهما كنت سواق والواحد ما يدري وش ممكن يصدم
ممكن تصدم سيارة قيمتها فوق المليون وتعوض راعيها بقيمتها او تصلحها بمية ولا ميتين الف
حتى السيارات العادية الحين تصليحها صار يكلف 
التأمين بعد الله يفكك من البلاوي هذي مقابل 1000 ريال بالكثير بالسنة

حدث العاقل بما لايعقل فان صدق فلاعقل له طبعا الكلام ليس لصاحب الموضوع الكلام عل اللي قدر قيمه الايرباق ب ٦٠ الف هذي قيمه سياره مو منطق ولايدخل العقل لا ومسوي ذيب المتضرر منزل ال ٤٥ الف...الموضوع فيه تلاعب وعمليه نصب لو السياره رولز ممكن ( اقول ممكن) يكون ب ٦٠ الف.... جد والله... من انتم
(صاحب الموضوع... اتوقع في مؤامره عليك)

الرد اللي فوق^
ترى بعض السيارات للاسف لو الصدمه من الباب الايمن مايطلع ايرباق الباب فقط تطلع الايرباقات كلها اليمين واليسار والأمام والخلف فممكن هذا سبب ان قيمة التعويض مرتفعه
لكن لو ايرباق واحد او اثنين اللي طلع صحيح مايوصل المبلغ لهذي القيمة

عن نفسي ما امشي يوم واحد و ماني مأمن على السيارة

عطوا الرجال حلول
اما تزبدونه غبنه ماله داعي
الشكوى لله ما أمن و السواق صدم و الحمدلله
محد مات و لا في اصابات

انا مالي خبرة بالامور هذي
لكن وش نوع سيارة الرجال و موديلها و قيمتها جديدة
لان التأمين ما يقبل تصليح سيارة تكلف اكثر من نصف قيمتها جديدة
تروح تالف و لا ادري بكم يحكم له تعويض بما انه ما في تأمين
استشير احد قانوني او محامي و اذا ما دبرت المبلغ وش يصير عليك و على السواق
لا تعتمد على ردود اراء مختلفة عن بعد

الله يعينك كان امنتها ب 700 او 800 كان فكتك من الخسائر

كلامك صحيح bmw في حاله انه الايرباقات كلها طالعه + سعرها بالوكاله (وهذي مهمه جدا)
اسعار الايرباقات في دبي ماتتجاوز ٣٠٠٠ الى ٤٠٠٠ ريال للحبه يعني ٦ ايرباقات تساوي حول ٢٤ الف بالكثير. ٦٠ الف جدا مبلغ رهيب...
ياليت يفيدنا صاحب الموضوع هل جميع الايرباقات طلعت رغم ان الصدمه خفيفه

الاخ مثقف
وين الزبده في الموضوع
بالعكس متعاطفين معه حيل. وانا قلت كلامي للي قيم السياره وليس لصاحب الموضوع.... ومالسر في انزال المبلغ ال ٤٥ الف... راجع كلامي الايرباقات واسعارها الحقيقيه ولعب الوكلاء

اقصد وين التزبيد

الله يعينك مبلغ كبير،، استشر محامي أو شيء المبلغ بقيمة سيارة سلامات

أول شيء اعترض على نسبة الخطأ اللي حطت على عاملك لازم تروح المحكمة وتطعن في هذه النسبة وأنها غير صحيحة وتطلب تكوين لجنة جديدة

قصدي ( تزيدونه ) غبنه
ما يحتاج تصحيح مفهومه
ما تجي تزبدونه و بعدها كلمه غبنه

الحمد لله على كل حال
شوف نوع السيارة وانت اطلبله الايرباج من الخارج

السلام عليكم ورحمة الله وبركاته



تقدر تعترض على نسبة الخطاء وايضا تقدر تعترض على الملبغ حولها لشيخ المعرض