دعسة الفرامل تنزل للاخير

وعليكم السلام عندك مشكلة في علبة الفرامل او عندك تهريب زيت فرامل تأكد منها

ما في تهريب زيت ابد
واحد قال باكن مدري وشهو ذا الباكن
والثاني قال نسم هواء صراحه ما فهمت وش انسم هو واستحيت أسأله
وواحد ثالث قال غير اقمشه وواحد جارنا شغال طباخ بمطعم قال الزيت [مدري قصده
الزيت محروق ولا اغير بدل الزيت زبده وسمن] صراحه مافهمته بس هزيت رأسي بالايجاب
ولما حسيت اختلاف العلماء قلت بسألكم يهل الخبره

شف في البداية نسم للفرامل عند كل كفر بنفس كليبر الفرامل فيه مسمار تنسيم احتمال يكون فيه هواء طبعآ وقتها تزيد العلبه زيت جديد اذا ماضبط غير علبة الفرامل وتنتهي مشكلتك ان شاء الله

اما علبة فرامل او باكم الفرامل شيك عليهم الاول
الباكم اللي شكله دايري لونه اسود داخل المكينة

روح اي ورشه قوله عالمشكلة يسوي تنسيم لهواء الفرامل ماتاخذ منه الشغله ثلاث دقايق ولاتعطيه اكثر من 40ريال
طبعا هذا الحل المبدئي اذا ماضبط عاد الله يعينك تشوف باكم الفرامل (علبة الفرامل) تجي اسفل علبة زيت الفرامل

مشكورين يعطيكم الف عافيه
بجرب اغير الزيت والسيفون حسب نصيحتكم لعلها تزبط ان شاء الله

بنفسي جبت 3 علب زيت جديده اصلي وفرغت الزيت القديم من الاربع كفرات
وعبيت جديد ونسمت الهواء وزبطت معي معلومه الزيت يتغير كل سنتين تقريبا..
شكرا لـ أنا على مجهودي ويعطيني الف عافيه اتعبتني معي لا عدمتني