أضف سؤال أو موضوع جديد          

مشاكل مراكز فحص السيارات

up 3 down 0
عمران00 34
قبل 2 أسبوع و 6 يوم



حابب اناقش معكم موقف او حادثه حصلت معي
مع مراكز فحص السيارات
كنت عارض سياره للبيع والموتر استخدام الوالد حشمه وما فيه اي عيوب تحت الاستخدام
عرضناه للبيع بسبب ظروف
وجانا عده اشخاص وشافو الموتر الين اتفق الوالد مع رجال وطبعا احنا عارفين الموتر ان مافيه الا الخير
والوالد شرط الموتر على الفحص وفي حال اختلف الكلام عن وصف السياره تكاليف الفحص علينا
وطبعا راحو واحد من المراكز المشهوره في معارض النسيم ويعتبر 5 نجوم
وفحصو الموتر وتبين مع الفحص بلاوي القير فيه حنه والمكينه فيها صوت وعده اموره اخرى بسيطه
والي فحص الموتر صار يقول للي بيشتري انها بتكلف واجدوطبعا الرجال الي بيشتري صرف نظر والوالد تحمل قيمه الفحص
بعدها فحصنا الموتر عند ميكانيكي وقال ما فيها شي واحنا ما لاحظنا على الموتر لا اصوات لا ملاحظات
والموتر ممشاه 170 موديل 2012 يعني ممشاه طبيعي وبودي وكاله
المهم عدى حول شهر او شهرين مو متاكد وجانا شاري جديد واخذ الموتر عند مركز ثاني وفحص الموتر
ما طلع فيه اي مشاكل مجرد امور بسيطه مسمار توازن وميزان ونصح الرجال ياخذ الموتر بحكم اننا خفضنا سعرالموتر وان سعره مناسب
والرجال شرى الموتر الله يباركله فيه
الي صار يا اخوان ان الوالد لا بغى يبيع سياره ما عاد يشرطها على الفحص ويقول ان الموتر تحت الاستخدام والفحص على المشتري
خوفا من تكرر الموقف والاحراج الي حصل
اعطونا رايكم وتجاربكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مع الاسف بعض الناس يتفق مع مراكز الصيانة علشان يطلعون بلاوي في السيارة وخسف السعر واذا مانزل البايع تحمل تكلفة الفحص
ولا يسوي العكس في حال السيارة للبايع نفسه مايطلعون مشاكل السيارة ( قد حصلت لي ) واذا شريتها تورطت
كله شغل شريطية
خاصة محلات الفحص الي في المعارض



up 3 down 0
salehhd 898
قبل 2 أسبوع و 6 يوم



اذا جيت تبيع اشرط الفحص فالوكالة فقط، اما مراكز الفحص اغلبها شريطية


up 3 down 1
0abo_waleed0 126
قبل 2 أسبوع و 6 يوم



صارتلي و انحرجت من المشتري لانه فعلا ماكنت اعرف بحكم السيارة للوالد ونادرا ما اطلع عليها..
والفحص طالع قائمة طويلة عريضة مع أن السيارة باعتقادي كانت حالتها 85 بالمية ..
عرضت على المشتري التكفل بعملية الاصلاح لكنه لم يقبل
و اتفقنا على تناصف قيمة الفحص لانه فحص عند مركز اعتقد هو الاغلى من بين المراكز
و في الاخير بعناها بعد اصلاح بعض الاشياء على شخص آخر الله يبارك له


up 1 down 0
qefari2 50
قبل 2 أسبوع و 6 يوم



الشراي هو الي يشيك السياره واذا عجبتة يروح فيها ل اي مركز فحص يكون قريب او نفس المدينة
بعد الفحص طلع فيها شي ما يبيها او طلب تخفيض المبلغ هو يتحمل الفحص
في ناس غريبين يجي المكان الي انت فية ويطلب ان تروح ل مدينة اخري عشان يفحص الزبدة في ناس طلباتها واجد لما تشتري واصلا يكون هذا النوع متردد حتي لو فحص في وكالة طلع الف عيب كل همة يبي ينزل السعر ومهما تنزل السعر ما يرضي


up 3 down 0
الشرقية ماركت 140
قبل 2 أسبوع و 4 يوم



بعضهم  بس  يجيب  زباين  لمركز الفحص ولا هو بشراي  
 بس يعذربون  الموتر  علشان ياخذون  حق الفحص   والشرط  اربعون .  
 المفترض  اللي بيبيع سيارته  ويقله الشاري  بفحص  البايع يختار الورشه  حتى لو بعيده .  



up 1 down 0
ali400ali 211
قبل 2 أسبوع و 2 يوم