تنصحوني اشتري موستنج 2005 الى2009 و فوق

للأمانة الموستنق بعد ما نزلوا له ماكينة الـ 5.0 صار القديم ماله قيمة 
لكن دام ميزانيتك محدودة خذ الموديل القديم اهم شي خذ شي نظيف 
لانك بتاخذ سيارة لها اكثر من 11 سنة اقل شي اذا ما اخذت شي نظيف بتجلس تتعب وانت تصلح 
واحسب حسابك حتى لو اخذت شي نظيف بتطلع اشياء صغيرة بتخرب بحكم ان السيارة قديمة
لكن بصفة عامة السيارة حلوة وتتحمل الكرف وقطعها مو غالية و الله يبارك لك مقدما

والله يا اخوي mr.bdtan متردد تنصحني في الموستنج ولا اشتري موتر ب٢٠ الف امريكي غير الموستنج لان رايكم يهمني اذا تعرف مواتر امريكية على حدود ٢٠ الف قولي علشان بستخدم في حال ما كتب الله اني اشتري موستنج مايهمني موديلها بس اهم شي تستحمل السفر و المشاوير حتى لو انها ٦ سلندر

والله يا اخوي mr.bdtan متردد تنصحني في الموستنج ولا اشتري موتر ب٢٠ الف امريكي غير الموستنج لان رايكم يهمني اذا تعرف مواتر امريكية على حدود ٢٠ الف قولي علشان بستخدم في حال ما كتب الله اني اشتري موستنج مايهمني موديلها بس اهم شي تستحمل السفر و المشاوير حتى لو انها ٦ سلندر

وعليكم السلام ورحمة الله وبركاته

السيارات الرياضية بصفة عامة غير مريحة في السفر والخطوط الطويلة

وسيارة مثل الموسنتج رح تتعبك في صرفية البنزين للاستخدام داخل المدينة

اذا تبي نصيحتي ابعد عنها موتر مر عليه فوق ١٠ سنين وفوق هذا رياضي يعني الي بياخذه بيكون حق مقاومات 
نصيحتي لك شفلك سياره موديل حديث من هذي الصغيرات اكسنت صني ويارس تحصل شي نظيف بمبلغ الي معك وممشى معقول 
بخصوص السفر اي سياره شيك على زيوتها وسولها صيانه وتوكل على الله 
اناكان معي نيسان صني ٢٠١٥ رحت عليها من الرياض على مكه ورحت عليها ينبع ورحت جده ماشاءالله بعتها ماتشكي من شي 

ما شاء الله يعطيك العافية اخوي على النصيحة افكر اشتري على كلامك موتر يباني او صيني وش تنصحني اشتري بلمبلغ الي معي زي ما انت عارف ابغا حق خطوط و مشاوير

لا انصح بهذه السيارة لانه موديلها قديم وممكن قيمة الصيانة تكون اعلى من قيمة السيارة . فالافصل انك تبحث بالسيارت الاعتمادية مثل هوندا اكورد او كامري او كورولا او صني

... الخ وبالتوفيق

اسمحولي صني اكسنت ماتنفع حق خطوط
ياغالي جمع اشوي وطلع لك كامري او سياره نفس حجمها كذا أفضل لك في الخطوط
بخصوص ألموستنق الموديلات الي ذكرتها غالبا تلقاها مكروفه دعس وكذا لأنها رياضيه شي طبيعي ونادر تلقى نظيف وبالذات الامريكي المستعمل اشوي قليل تحصل نظيف وان بغيت اهم شي افححص اول طلع امريكي جديد زي مثلا ماليبو مثال فقط والله يوفقك يارب ويرزقك بالموتر الطيب

اذا تبي موتر يكد معك ولا يشكي مواتر تويوتا كامري مثلا كورلا تكد معك ولا تشي الا قطع غيار استهلاكيه بإذن الله مع المحافظه

ولا تشي =ولا تغير

اذا مرة ملزم على الامريكي العشرين ممكن تحصل توروس ٢٠١٠
و ان كانت قطع الغيار و الصيانه شوي متعبه
او شف لك اكورد او التيما
مدري كامري منت محصل نظيف و موديل حديث ٢٠١٢
ما انصح باللي اقدم المكينه تنقص زيت
ممكن كورولا اذا ٢٠١٤ حليله او الكوري تحصل بميزانيتك
و الافضل موديلات ٢٠١٦ و فوق بالكوري اذا استاندر

من تجربة شخصية لسيارة خط تمشي الحال و ما تطلب قطع
شوي مريحة و مواصفات ممتازة بالاستاندر و موفرة بالبنزين
اللي هي التيما ( قير عادي ) و صيانتها سهلة و قطعها رخيصة
موديل ٢٠١٠ اشتريتها قبل ٤ سنوات ب٢٠ و بعتها ب١٠ مستعجل
كانت ماشيه ٢١٥ كملت معي الى حدود ٣٠٠ الف استخدام سنة و نص

ما تنفع استخدام يومي موديل قديم ورياضي ومستهلك النصيحة الاخويه شلها من راسك لوك مقتدر وعندك موتر ثاني وبتاخذ ذي ساعة صدر اقولك ما يخالف اما موتر أساس ومع احترامي الواضح ماعندك خبرة في الموستنق والسيارات الرياضية تراها أحيانا قروشه تبيلها واحد يفهم في الميكانيكا لانك مهب كل ورشة بيفهم لها ولا يعرف علتها يبيلك ورش متخصصة والقطع أحيانا تظطر طلبية الخ .......


لذلك دور لك موتر اقتصادي 4 سلندر حتى لو مهب مريح في الخط تعبر به لين يرزقك الله واشتر افضل منه وعلى قولت المثل تصبر بام شوشة لين تجيك لالمنقوشة

مثل هذة النوعية من السيارات اذا لم تشتريها جديدة لاتشتريها مستعملة

اذا انت راعي خطوط وميزانيتك 20الف فانصحك بالفورد فكتوريا مريحة و قطعها رخيصه بس دور النظيف ولاتستعجل بالشراء لازم تفحص مكينة وقير وبودي

عن تجربه كانت معاي جي تي كشف اللون اصفر ليموني فاتح مطفي أنا راشها فرن والجنوط نسيت مقاس كم بس كبيره ورائها اسود مطفي والله كانت مخققه العالم السياره هذيك اخر شي بعتها حلوه وكشخه وحقت مكده بس تصرف بنزين


أنا برئي الشخصي الموديلات هادي توافيق ف الوقت الحالي ادا حصلت نظيف خد راح تنبسط وتعيش اجوائك ادا ماحصلت لاتاخد دور لك سياره ماتصرف بنزين لراحتك وأنا ب النسبه لي نادر اشاور السياره الي داخله مزاجي اخدها احيانا تتلخبط من المشاوره وانت ادرى ب نفسك والله يوفقك ان شاء الله

بارك الله فيكم جميعا ما قصرتو