كيف نعرف ممشى السيارة الحقيقي .؟

إذا تم العبث بممشى السيارة قبل صيانتها في الوكالة والمراكز المعتمدة
وقبل دخولها الفحص الدوري أو أن مالكها لا يذهب للصيانة في هذه المراكز
لغلاء سعرها ولم يسجل عليها حادث عند نجم والمرور 
فيستحيل معرفة ممشاها الحقيقي لا عن طريق تقارير موجز ولا عن طريق
كمبيوتر السيارة كما يدعي البعض.
ولاكن يبقى الحدس والتخمين فقط 
مثلاً لقيت سيارة مسخدمة نص عمرها2010 
ماشية 70 ألف فقط هنا سوف أتأكد أن الممشى غير حقيقي 
وفي نفس الوقت لن أستطيع معرفة ممشاها الحقيقي.

انا لما جيت بشتري سياره مستعمله اخذت رقم اللوحه ورحت لبترومين قلت للعامل طلع لي جدول الصيانه حق هالسياره وطلع لي الجدول كامل 3سنوات صيانه مثل تغييرات زيت المكينه والقير والخ وكل صيانه مكتوب فيها ممشى العداد
فأنت جرب هالطريقه يمكن تلاقيه مسوي صيانه عند بترومين
وكمان لو تاخذ رقم الهيكل وتروح لوكيل السياره تقوله انا اشتريتها مستعمله ولا ادري وش آخر صيانه سواها المستخدم السابق ويطلعون لك آخر صيانه وعداد الكيلو مثلاً آخر صيانه تغيير زيت القير سنه 2019 ممشى العداد 180الف...

الأخ bmw z4 
ليت الناس مثلك يبذل قليل من الوقت والمال قبل أن يشتري السيارة المستخدمة
ويستشير ويستخير ويتوكل على الله 
كان ارتحنا من الدعاوي والشكاوي
أحياناً أحياناً معرفة العيب أو العطل الذي يكتشفه المشتري 
لا يكون سبب للإحجام عن الشراء 
ولكن يمكن المشتري من المساومة على سعر السيارة النهائي

عندك اادركسون عصا القير بطن السياره وجهه ااسياره
مثلا حصلت موتر ماشي ٥٠ الف وتشوف الاشياء الي ذكرتها بحالة سيئة اعرف ان العداد مرجع

عن طريق موجز وان شاء الله تكون كافه المعلومات متوفره فيه من ناحيه ممشى وحوادث وملاك

مافيه طريقة مضمونة 100٪ لكن انت عليك تسوي كل شي تقدر عليه 
اللي هو تطلب تقرير موجز وتشوف جداول الصيانة اذا كانت السيارة صيانتها بالوكالة
او بمراكز معتمدة 
وبالنسبة لنظافة السيارة او مقارنة الممشى مع الموديل اشوفه غير صحيح
فيه سيارات تحصلها لها 10 سنوات وممشاها ممشى سيارة لها سنتين لان بعض المستخدمين ما يطلع فيها كثير 
او انه يستخدمها باوقات محددة مثل الويكند او المناسبات وتحصلها نظيفة لانه محافظ عليها 
والعكس صحيح فيه سيارات تطلع من الوكالة ما تاخذ سنة الا هي طاقة الـ100 الف كيلو لان راعيها يمسك فيها خطوط او راعي سفريات 
واذا وقفت قدام السيارة تحسها موديل 2000 من كثر ماهي متهربدة وصاحبها مهملها 

أولاً : تقرير موجز مايكلف 70 ريال . . . .

ثانياً : حالة السيارة بشكل عام . . . . فالسيارة اللي ماشيه واجد تلاحظ عليها تأثرها بالممشى بالنقاط التالية :

1- اللون باهت , وبالذات عند المرايا والكبوت ونهاية القزاز الخلفي من حرارة الهواء من كثر الممشى . . . .

2- تشوف انها بحاجة لوزنية مساعدات وأذرعة , يعني حتى لو راعيها مسوي فيها ذاهنة ويغيرهن . . . . .

سبحان الله على طول تخرب . . . . لأنها لن تكون كمساعداتها وأذرعتها ووزنيتها وقت ماطلعت من المصنع . . . . .

3- حرارتها الطالعة من كبوتها عند الإقتراب منها , مرتفعة يحس فيها من يمر بجانبها . . . .

4 - صوت المكينة عند التشغيل والإطفاء , يعني صوت المكينة عند التشغيل يرتفع مزعج والكل يسمعه تحس إنها تصرخ مو صوت تشغيل طبيعي . . . . .

وإذا جيت تطفيها كأن المكينة ارتاحت ويعم الهدوء المكان . . . . يعني واضحة إنها رايحة فيها . . . .

بهالنقاط قارن بينها وبين سيارة زيها ( أختها ) مع صديق أو قريب . . . . . في صوت المكينة عند التشغيل والإطفاء / الوقفة / اللون / الحرارة . . . . .

طبعاً قبل تقدر تشوف دعسة البنزين والديركسون باهت أو لا من كثر الدعس والمسك . . . لكن الآن انتبهوا لها هالغشاشين وصاروا يغيرونهن . . . .

بالتوفيق . . . . .

طبعا عند شراء سيارة مستعملة تعتمد اعتماد كبير على خبرة المشتري في فحص السيارة من الى لانه وجد بعض الحالات فيها غش وتنزيل عداد.

مثل ماقال الاخوة فوق شيك على بدي السيارة سواء من الامام و الخلف ولازم تشوف الفراغات بين الابواب و البدي و الكبوت مع الرفارف الخ حتى تتاكد من ان بدي السيارة نظيف وخالي من الحوادث.

داخليا لازم تشيك على المقود ودعاسات الفرامل والبنزين وعصا الجير وعصا المساحات والاشارات هل ممسوحة ام لا طبعا ممكن صاحبها يغير هذه القطع . مقعد السائق يعطيك اكثر معلومات

هل السيارة مستخدمة ومشت كثير ام لا وهل الممشى حقيقي ام لا.

بطن السيارة لابد تشيك عليه ايضا للاجزاء الميكانيكية و الكهربائية مع فحص كمبيوتر وطلب تقرير موجز. وبالتوفيق

افضل طريقة من اخر فحص دوري للسيارة وتحسب الفترة الى وقت فحصك للسيارة