أضف سؤال أو موضوع جديد          

عطل ثلاجة الماكينة ماركيز 2011 نداااء عاااجل يا اخوان

up 0 down 0
yasser alyasser 593
قبل شهر و أسبوع



تحياتي للجميع والله يسعد اوقاتكم بكل خير 


 بذكر لكم مشكلتي واوضح لكم قدر الامكان الله يجزاكم خير


عندي ماركيز 2011 ولي فترة اشم ريحة موية رديتر بعد اي مشوار المهم شيكت ولقيت تهريب بثلاجة الماكينة
ورحت الصناعية قبل اسبوع قال الميكانيكي ضروري تغيير الثلاجة 
والشغلة تكلف حول 1800 وتزيد شوي مع شغل اليد والقطع ( الثلاجة والوجه وموية رديتر وبلف حراره جميع القطع اصلي وكالة )

طبعا الوضع المادي وقتها مااكان يساعد اصلحها قلت له لو مشيت فيها لين اخر الشهر مع الراتب ارجع له ونزبطها وعسى الله يعين قال مو مشكله لا تروح مشاوير بعيده وحاول كل يوم تشيك ع موية الرديتر وزودها لو نقصت بمويه مقطره وراح تمشيك ان شاء الله

 المهم اليوم وانا راجع من الدوام ماشي تمام وفجأة حسيت بتفتفة بالسياره ولمبة الماكينة ولعت وطفت بالطبلون شوي وثم صارت لمبة الماكينة مولعه واستمرت ع التفتفة والتقطيع لين وصلت البيت وطفيت الموتر 


 بحثت باليوتيوب ولقيت حلول ومادري عن مدى نجاحها مثل صب نشارة خشب كمية بسيطه بالرديتر وع كلامه بتقفل التهريب او مكان التسريب وراح تنشف الموية من الكويلات والبواجي لو نزل عليها موية واللي يقول فك الثلاجة وشوف مكان تهريبها وحط سليكون ومدري وش 



 سؤالي الله يجزاكم خير لأهل الخبره او من حصل عليه نفس المشكله

 هل فعلاً للثلاجة حلول مؤقتة تمشي فترة لين اغيرها والا لا يوجد اي حل 



ثانيا مشكله التقطيع والتفتفة اكيد نزل موية ع البواجي او الكويلات هل لو تم حل المشكله ونشفنا البواجي او الكويلات راح تختفي التفتفة وترجع الامور طبيعي والا ضروري تغييرها 




 تكفون يا اخوان عندي دوام ومشاوير البيت والعيال وعطل السيارة مسبب مشكلة يشهد الله بالنسبة لي ومحتاج الاقي حل الله لا يحرمكم الاجر.




منتظر مشاركتكم لا عدمناكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اقوى مكينة قد مرت علي بحياتي مكينة فورد
ماتتخيل كم مره خربت ثلاجة المكينه وكم مرة ارتفعت الحرارة ووو بعد الاصلاح ترجع زي ماكانت
لاتهمل ثلاجة المكينة سارع بتغييرها
وزب ماقلت انت
الموية وصلت للكويلات والبواجي




up 2 down 0
شرقااووي1212 16
قبل شهر و أسبوع



شكرا لسرعه تفاعلك شرقاوي

طيب تتوقع الكويلات والبواجي لو انحلت المشكله ترجع تمام بعد التنشيف والا ضروري تتغير 
اعتقد الكويلات غالية الاصلية 


up 0 down 0
yasser alyasser 593
قبل شهر و أسبوع



الكويل مايخرب
اللي يخرب البوجي


up 0 down 2
شرقااووي1212 16
قبل شهر و أسبوع



الماركيز من ٢٠١٠ شهر ٦ الى ٢٠١٩ شهر ١٠ وانا اسوقها
شريتها ماشيه ٥٤ الف وعطيتها اخواني ماشيه ٨٣٠ الف


up 0 down 1
شرقااووي1212 16
قبل شهر و أسبوع



انتله تحط نشاره خشب اوالعلبه الي يجي فيها رايش حديد هذي بتقفل عليك مجاري المويه والرديتر ممكن تخسر المكينه بسبه هذا العطل البسيط 


up 2 down 0
k 6 4 i 1060
قبل شهر و أسبوع



بيض الله وجيهكم ع تفاعلكم جميعاً 
ع كلامكم النتيجة تغيير الثلاجة والله يسهل الامور 


ننتظر اذا احد مر عليه نفس العطل وش وضع الكويلات بعد تنشيفها وتغيير الثلاجة هل رجعت تمام والا ضروري تتغير  


up 0 down 0
yasser alyasser 593
قبل شهر و أسبوع



يا اخوي الثلاجة مهمة وهي كمن القطع النادر تغييرها في السيارة ركب مرة وانسى وان شاء الله ما تغيرها الا على المليون كم انت شف في التشاليح او تجاري اذا كان الاصلي متعبك في لسعر وتبي تمشي حالك وغير بواجي وكويلات ترا يبعون الطقم الكويلات هنا في موقع حراج ب 350 وانا شريت من عندهم وغيرت الكويلات مع البواجي مرة وحدة من اجل التجديد والكويلات جدا ممتازة كانت والبتوفيق عزيزي


up 1 down 0
المعتصم بالله 6519 454
قبل شهر و أسبوع



موضوعك شائع جدا في سيارات فورد

التفتفه بسبب وصول الماء للكويل

صلح الثلاجه لا تهملها... ممكن ترتفع عليك الحراره ولا تنتبه وتخصر مكينة لا قدر الله.


الكويل بما انه بدأ يتفتف... ما نقدر نقول انه خرب... اول شي نظفه ونشفه اذا ضبط كان بها والا غير العطلان فقط
البواجي ما تتاثر ان شاء الله... او تفك وتنظف وترجع جديدة... تتنظف ببنزين او نحوه


up 3 down 0
asalami 2167
قبل شهر و أسبوع



شاكر لكم تجاوبكم جميعا وكتب الله اجركم 


up 0 down 0
yasser alyasser 593
قبل شهر و أسبوع



راسلني على
0569477062


up 0 down 0
. .احمد..
قبل 2 أسبوع و 3 يوم



اظن من الحلول تلغي خط المكيف الحار ب٣٠ ريال



up 0 down 0
الأوضح 34
قبل 2 أسبوع