أضف سؤال أو موضوع جديد          

فورد فكتوريا

up 2 down 0
ammar yasr 6
قبل 5 شهر و 3 أسبوع



ايش الفرق بين فورد فكتوريا 2011 و 2012
وكيف صرفيتها في المدن وكم الفل ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعتقد مافي فيكتوريا موديل 2012 اخر موديل تم تصنيعه 2011
يعني الموديلات الموجودة حاليا 2011 وتحت .....


up 1 down 1
reader2020 158
قبل 5 شهر و 3 أسبوع



مافي فرق بين الاثنين. 1-الشركة أعلنت توقفها في 2010 وانها اخر موديل.
2-طبعا عندهم نية مسبقة لكن مايقدروا يعلنوا علشان ما تنزل مبيعاتها, حالها حال باقي الشركات, ينتظروا الى اخر لحظة.
3-القطع قد تكون تصنعت في 2006 وبعدها تخلصوا من الربوتات ويعطوها شركات ثانية علشان تصنع قطع الغيار.
4- بعدها يكون مجرد تجميع حسب طلب الوكلاء, يعني اخر سيارة تجمعت في 2010 والفرق هو سنة الاستيراد و الاستكر اللي على السيارة.
5- الاسواق اللي تستخدم هذه السيارة هي الخليج و امريكا ( شركات+حكومة+ فنادق+تكاسي مطارات وبعض المدن مثل نيويورك). يعني ماشفت عوائل وافراد يشتروها ولهذا السبب بإعتقادي انهم ماغيروا شكلها وجعلوها سيارة اعتمادية جدا وتقطع مسافات كبيرة وقطع غيارها رخيصة.
وتلاحظ ان الشنطة كبيرة لتحميل شنط المسافرين ولكن المساحة الخلفية للركاب ضيقة.

استهلاك البنزين: شوف مكينة 4600 سي سي على قير 4 سرعات و وزن عالي!!
مايحتاج اقول لكن في وقتها كانت تعتبر افضل السيارات كفاءة في استهلاك البنزين, طبعا هي مكينة قديمة واحصنتها حول ال 225
والان أكثر مكائن ال6 سلندر 3500 سي سي تعطي 280 حصان بالراحة. وحتى ال 4 سلندر تيربو 250 حصان معظمها. تخيل 4 سلندر تعطي أكثر من 8.
كم الفل؟ السؤال هذا لازم ينتهي. انت تطلع سعة الخزان من الكاتلوج او من اي موقع وتضربه بسعر البنزين اللي تعبيه. لأن السعر متغير كل شهر و في نوعين بنزين, واللي بيعطيك رقم معين ماتعرف كم لتر اصلا كان موجود في التانكي قبل مايعبي.

في الاخير لو حصلت 2010 نظيفة وعدادها قليل و من شخص مطلعها وكالة مهتم أكيد بتكون افضل من 2012 مكروفة و مصدمة وماشية 400 الف, لأن الفرق هو رقم في الاستمارة


up 5 down 1
dell2012 1025
قبل 5 شهر و 3 أسبوع



لو تجيب كراون فكتوريا 2003 تلقاه نفس الـ 2011 بالضبط . . . . إكسسوارات داخلية وجنوط فقط اللي تفرق ,, ويمكن زيادة عدد أحصنة وسرعات معها ( مع إني أشك ) . . . .

وهذه تبي واحد فاضي ويدقق بقوة عشان يضحك على نفسه إنه ترى فيه ( فرق ) . . . .


up 1 down 0
خارج الوسط الرياضي 108
قبل 5 شهر و 3 أسبوع



الفرق بين 2011 و 2012 فرق جدا جدا جدا جدا جدا جدا جدا جدا جدا كبير وواضح وبتعرف من هالشي
.
.
.
.
.
.
رقم...بس
كلهم نفس الشي
الصرفية بالمدن ماتصرف بس بتعبي كل 3 أيام تانكي فل لأن التانكي داخل المدينة تمشيك بحدود 300 كيلو


up 3 down 2
3llawi96 3114
قبل 5 شهر و 3 أسبوع



من أفضل وانجح سيارات بالعالم
سيارات ما تطلب صيانه
ولا تخرب ماشاءلله تبارك الله
معي فيكتوريا ماشي فوق ٥٠٠ الف وللأن قوته ونشاطه كنه جديد
متانه وراحه وقوة مافي مثله
خذ فكتوريا وعيش اشهد بالله انه يستاهل فلوسه ريال ريال


up 3 down 1
سراب600 3403
قبل 5 شهر و 3 أسبوع



الفرق بين 2011 و2012 رمز فقط في رقم الهيكل
نزل 4 الاف سياره برقم هيكل في تصنيف الشركة يعتبر 2012

بالنسبة للصرفيه
داخل الرياض ايام الدوام استخدام رايق بدون تدعيس يجيب معك 450 كيلو اذا الموتر سليم من مجامعيه تزود شوي تنقص شوي حسب الاستخدام
خط ماشاءالله تبارك الله 650 الى 700 بالراحه
طبعا فيه عوامل كثيرة في الفورد يكون تاثيرها واضح على الصرفيه
ابسطها فلتر الهواء اذا قديم
وعندك الادبات مفرغه ولا لا
حساسات الشكمان نظيفه او لا
وامور كثيره مرتبطه ببعض كلها تتحكم في الصرفيه
طبعا اذا شفت رقم الهيكل في الفكتوريا عاشر رقم حرف C هذي طراز 2012 وموجود منها اربعة الاف سياره فقط
لكن فعليا اخر سياره كانت في شهر 9 عام 2011
طراز 2011 الرقم العاشر في رقم الهيكل يكون B
لكن فرق فعلي مافيه



up 2 down 0
ali400ali 211
قبل 5 شهر و 2 أسبوع