محادثة مع تاجر سيارات جشع

(وش خصنا بهيك امور)

هذا الرد يكفيك .. إذا كان الوكلاء ( أقصد التجار أصحاب الوكالات السعوديين ) مسلمين الشركه لوافدين وهو يأخذ المعلوم وماله دخل فماذا تنتظر أن يعاملوا البلد وأهلها !؟

ماعليش أنا ألخمت أنت من تكلم معرض وإلا وكيل وإلا إيش بالضبط ؟؟؟؟؟؟؟؟؟؟

هو مدخل الحابل بالنابل
جالس يكلم تاجر يستورد سيارات امريكيه مستعمله وبعضها جديده اصفار حسب الطلب بموصفات امريكيه تكون افضل من المواصفات الخليجيه
المستعمله تكون ماشيه قليل حول 10 الاف كيلو
ويجيب اصفار حسب الطلب
ويبعها بسعر اعلى من الي ذكرها صاحب الموضوع

لو ان افراد المجتمع يتوعون
وتصير ثقافة
ترك السلع اللي وكلاءها من هيك
صنف ابو شكم
وطقته والله ليتادبو ولا يقدر يتكلم
لكن للاسف المقاطعه عندنا ما يسويها
الا الطبقه المتوسطه او الاقل
والطبقه المترفه ما فكرو في احد
والطبقه المترفه ( يحبو هيك حكي )
:)

شوف من حق اي شخص يعرض سلعته باي سعر يرغب فيه وللمشتري حق القبول والرفض
اذا لم يكن هناك تدليس او غش
فخلاص بكيفه لو يعرضها بمليون

meshal alharbi
لا يا عزيزي ليس من حقه.
عرض السلعة بسعر مرتفع هذا من رفع الاسعار وإيهام الناس أن هذا سعرها.
إذا نويت تبيع سيارتك ودخلت حراج تشوف الاسعار وتلقى واحد عارض سيارته بسعر معين يجي في بالك أنه هذه الاسعار تنزل او تزيد خمسة الاف او تنقص.
لكن المصيبه هو السعر المبالغ فيه بشكل جنوني.
هو كذا حط سعر لهذا النوع وهذا الموديل من السيارة او السلعة او الجهاز.
تجي انت وتبني على السعر وتعرض سيارتك بنفس السعر. وربما تكون سيارتك افضل مواصفات من سيارة ذاك الي بنيت على سعره وفي بالك ان سيارتك تسوى أكثر.
ويجي ثاني يضع نفس السعر لسيارتك وهكذا.
يجي اخوك او أبن عمرك او ابن خالك يقولك ياخي جيت بشري مثل سيارتك ولقيت الاسعار عالية!
ويمكن انت لو بتشتري نفس السيارة بس موديل أحدث تلقى الوكيل رفع سعرها بحكم ان المستعمل ارتفع. بالتالي انت رفعت على نفسك وعلى غيرك السعر.
وصارت مثل كرت الثلج كل ما تتدحرج تكبر.
شوف سيارات كم كان سعرها ووين وصل وهي نفسها.

اتفاق غير مباشر على رفع السعر
والناس تشري وهي مغمضه
يجيك واحد وياكثرهم في حراج يرمي سومة والله لا فيه تفاصيل ولا فيه إلاصورة وحدة للسيارة مو واضح انها دبل او فتحة او او

وكثير يشتري سيارة ما يعرف مواصفاتها الدليل يقولك فيها دبل؟ مع ان الصورة قدامه واضحه الدبل او مكتوب عليها 4WD

ترا عرض السلعة بسعر عالي على مبدأ هو حر في سلعته, نفس الي يجي ويسوم سومة عالية ولا ناوي يبيع يشتري
بس اوهم البائع ان هذا سعر سيارته وأوهم المشترين ان هذا هو السعر وسحب نفسه وتلقاه مامعه حق بنزين او مراهق ما يملك سيكل.

حتى المعارض اغلبهم إلا من رحم الله يقولك السيارة مسيومة بكذا او محدوده بكذا
ولما تتصل عليه او ترسل له شخص آخر يختلف الكلام.

البعض يطيح بشخص معه فلوس ماهي فارقه معه
او يطيح بواحد جاهل متوهم من الاسعار الي يشوفها بحراج ويشتري وهو مغمض
او تبقى السيارة ثلاث وأربع شهور لم تباع وينصدم صاحبها بالواقع.

معرض عنده سيارة معروضة علي ب 120 الف ريال وجلست اتابعها ثلاث أشهر الآن عارضها ب 115 الف وهي حقها بالكثير 90 الف
شوف كم طرح من سعرها! هل تتوقع بايع بخسارة! مستحيل.
هذا هو الجشع والطمع والغبن
غبن البائع واشري سيارته برخص تقريبا شاريها ب 90 شوف كم يبي من وراها 20 الف ريال! هل هذا مكسب معقول!

يقول النبي ﷺ: (رحم الله امرءًا سَمْحًا إذا باع، سَمْحًا إذا اشترى، سَمْحًا إذا اقتضى)