أضف سؤال أو موضوع جديد          

موستنج 2006 كيف

up 2 down 3
ابو محمد٢٤٦ -14
قبل 4 سنه و 8 شهر



يا اخوان معروض علي سيارة موستنج موديل 2006 مستعملة كيف هل تنصحوني بشرائها للعلم اني عندي أسرة صغيرة وبنفس الوقت انا شاب و ودي بسيارة رياضية وبسعر رخيص 
و كيف صرفيتها للبنزين ؟؟ هي gt ثمانية سلندر 
وهل هي زي ما يقولون حنطور و سواقتها صعبة وتنطح ولا كيف ؟؟ وبالنسبة لتسارع السيارة كيف ؟







إبلاغ إبلاغ



الردود


شوف موديل السيارة قديم شوي
اذا نظيف موتراتكالي
ايه gt يعني 8 سلندر 4.6 3v
الصرفية مدري عنها بس اكيد يصرف بالمدينة

ما يركب الحصان الا خيالة :)
وبتوفيق


up 1 down 1
faisal0 0 243
قبل 4 سنه و 8 شهر



والله عجبتني ما يركب الحصان الا خياله 


up 2 down 2
ابو محمد٢٤٦ -14
قبل 4 سنه و 8 شهر



أقولك كل اللي اعرفه. السيارة شبابيه وكلاسيك في نفس الوقت، الجيل اللي قبله كان تصميمه سئ جداً، ولكن القديم جدآ الى الان مرغوب وتشوفه في بعض الافلام، مكينة ٦ سلندر ضعيفة اكثر مما تتصور يعني تشوف بعض الشباب يسوقوها ومعدلين عليها وازعاج لين اخر الشارع وفي الاخير تجي كامري ولا التيما مع سواق ويطرحها، انا مجرب ٢٠١٥ في نفس سنتها لمدة اسبوع وعزمها كان مخيب للآمال. ، ال ٨ سلندر تعتبر مقبولة، أكثر قطعها الداخلية متشاركة ما سيارات فورد وسعرها معقول، هذه ميزة عكس السيارات الرياضيه الثانية قطعها تكون غالية. 
تقبل بنزين ٩١ لكن في نفس الوقت الصرفية عالية، يعني مافيها فصل سلندرات ولا قير ٨ سرعات والمكينة تقنيتها قديمة. ثبات السيارة انسى الموضوع كل الامريكي يحوس ومافيه ثبات ولا تقول وزن عالي يعني ثبات هذه نظرية خاطئة، الثبات في السيارات الرياضية تحصلها في الالماني و بورش ومؤخرآ ستنغر و جي ٧٠ تنافس اي سيارة في الثبات، حاول تفحص السيارة من اولها لآخرها لأن مكروفة من تدعيس الشباب وهذا موديل قديم وأكيد العداد واصل فوق ال٣٠٠ ولها اكثر من مالك. 
وبالتوفيق


up 0 down 3
dell2012 1044
قبل 4 سنه و 8 شهر



تسلمم على وقتك و ردك يا غالي 


up 1 down 2
ابو محمد٢٤٦ -14
قبل 4 سنه و 8 شهر



اشوف تاخذ لك سياره مديل حديث افضل لك بغض النظر عن فئتها اوشركتها هذي مديلها ٢٠٠٦ معاد باقي فى العمر كثر ماراح نصيحه اخو الحين انت عاجبك شكلها او عزمها بس صدقني مافيه شي اريح من تركب سياره وتدق سلف وتروح اي مكان تبي بدون ماتوسوس منها ٢٠٠٦ لها فوق ١٣ سنه هذي نصيحتي لك والله يرزقك بلي تتمناه


up 1 down 1
k 6 4 i 1234
قبل 4 سنه و 8 شهر



معك اسرة ابعد عنها


up 0 down 3
mfh2009 372
قبل 4 سنه و 8 شهر



من جد معك عايله وتركبهم سياره شبهه؟؟؟!!


up 0 down 0
melody 49
قبل 4 سنه و 8 شهر



كيف شبهه ؟؟ يعني زي سمعة الكادينزا مثلا ؟؟


up 0 down 1
ابو محمد٢٤٦ -14
قبل 4 سنه و 8 شهر



الفل حقه 70 ريال قبل الارتفاع والحين اتوقع 84 ريال



up 0 down 0
mr.nfs 5
قبل 4 سنه و 8 شهر



من الاخر إلى ماجرب ها السياره لا يتفلسف
السياره قطعه رخيصه ومتوفر الحمدلله
لكن إذ تبي تشتريها خله معك سياره ثانيه!



up 0 down 0
mr.nfs 5
قبل 4 سنه و 8 شهر



بالنسبة لتسارع جبار اذ محركه نضيف السياره مو مكرووفه!!
رحمه رغم أنه 4.6 اجيب من صفر إلى 100 =6 ثواني


up 0 down 0
mr.nfs 5
قبل 4 سنه و 8 شهر



اي الحمدلله معي سيارة عائلية ثانية 


up 0 down 1
ابو محمد٢٤٦ -14
قبل 4 سنه و 8 شهر



اذا عندك سيارة ثانية اشترها واحرص على فحص القير والمكينة والشاصي
السيارة قطعها رخيصه وعمليه وصرفيتها للبنزين معقوله بالنسبة ل 8 سلندر اما العزم لاباس فيه كويس


up 0 down 0
abosaad702 3
قبل 4 سنه و 8 شهر