أضف سؤال أو موضوع جديد          

للمستخدم والي عنده خلفية عن اكسبلورر 2016 حاب اشتريها

up 2 down 2



السلام عليكم ورحمة الله وبركاته ,,,
صبحكم الله بكل خير ومسره
يا اخوان لاهنتم اعجبني الاكسبلورر وحاب اشتريه ان شاء الله ، ياليت تفيدوني عن اهم مشاكله واسعار قطع الغيار
معي بحول الله حوالي 74 الف ريال و ودي بسيارة مرتفعة وتصلح للمدينة والسفر ، والاكسبلورر اشوفه مناسب للشغلتين .
ياليت تعطوني الصافي لاني بعتمد بعد رب العالمين على كلامكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته
والله ياخوي ماافتيك لكن مرة وحدة ركبته الصف الثاني ضيق
وفيه ناس يشتكون منه من ناحية القير
والعلم الاكيد بتلقاه عند اصحابه يفيدوك ان شاء الله
وفيه شبيه منه مازدا سي اكس 9 برضه اسأل عنه
وفقك الله


وياك ابو عبدالله
والله يجزاك كل خير .


قيرها سريع التخبيط الإكسبلورر ... المبلغ اللي معك يجيب فورتشنر ٢٠١٥ او ٢٠١٦ سته سلندر وسيع وعائلي ومرتفع ودفع رباعي قوي وسيارة تكد تتحمل جميع ظروف الطريق وقطعه متوفره وسهل التصليح وخراباته نادره ومرغوب عند إعادة للبيع... وترا الفورتشنر ٢٠١٦ شكل جديد بالكامل يفرق عن ٢٠١٥ ...


up 2 down 1



عزيزي متعب

روح نيسان وشوف اكستريل مرتفع عن الارض وجودة محركات

وشوف الموديل 2018 تلقى نص فعل نفس المبلغ اللي عندك




up 0 down 1
aboahmed2014 1143
قبل سنه



القير اللي يخبط على الاكسبلورر القديم ٢٠١٠ و اقل
اما اللي بعده نفس قير و مكينة التوروس ما في عيوب
لكن اختلف نظام الدفع ما في دبل ثقيل
دفع رباعي مستمر اساسه امامي مع نظام تضاريس الكتروني


up 1 down 0