رايكم بالسياره ماشيه 300 الف

على حسب
اذا تعرف راعيها معرفه شخصيه ويحافظ عليها والقيمه مناسبه ركز مناسبه
مافيه ضرر
ولكن حط في بالك راح تحتاج تغير قطع استهلاكيه لن لهم عمر افتراضي
جلد مسامير توازن سير طربمه ماء الخ
ولي تحكم مبلغ الي معك ممكن بقيمه الى معك تجيب لك سياره موديل السنه 2018

السيارة مُستهلكة خلاص و ماشية كثير جدا جداُ . ولها 6 سنوات .وراح تتبعك وتكره اليوم...
نصيحة مُحب . مبلغ 25000 ريال الى 29000 ريال . الي عندك يجيب لك سيارة
جديدة وكالة اصفار ياباني ممتاز .اتراج ميستوبيشي + صني ستاندر.

لاتستعجل وتتورط .

ما شاء الله ماشيه كثير
اغلب القطع سواء الاستهلاكية ولا غيرها راح تحتاج تغييرها مهما كان صاحبها محافظ لان لها عمر افراضي

كارفها كرف الويل ٢٠١٣ وماشية ٣٠٠ لو انها ١٥٠ معقولة شكلها راغي خطوط وانت ماتعرف سجل الصيانة حقها هل مهتم او لا 

ابتعد عنها

من السيارات الحساسة لازم كل فترة تغير طرمبات و فلاتر و سيور
لو انها من الياباني اقول ممكن اذا بستخدم وسط الديره اذا سعرها لقطه
اما بتكمل عليها سفريات و توصلها ل٤٠٠ الف ما تضمن القير و المكينه
الشكر لأمانة صاحبها واضح ما لعب في العداد
و في ناس تضطر تسافر او دوامها بعيد
انا بالشهر امشي على سيارتي ٥ الى ٦والاف وقت دوام المدراس
بالسنه ٥٠ الف ممكن اكثر الله يعين السيارة مجرد وسيلة مواصلات بالاساس

خلاص منتهيه حتى لو محافظ عليها غير ان الصرفية تزيد طرديا مع عداد السيارة وفوق هذا مشاكلها الروتينية طرمبة موية وطرمبة بنزين وبلف حرارة وعلبة هيدروليك الدركسون والخ

اذا ما اشتريتها الأفضل تصرف النظر عنها، ماشية كثير جدا تعتبر على موديلها

على حسب راعي الموتر احيان يكون ممشاها عالي لكن نظيفه ، خويي اشترى اف جي ٢٠٠٩ وماشي فوق ٣٢٠ الف وكنت اقوله صاحي انت ممشاها واجد ، لكن يوم ركبتها ماشالله تبارك الله كأنها وكاله ، متماسكه وعزم وكل شي فيها نظيف ولا قربعه ولا اصوات .