مهم جدا لا اصحاب التورس
7
1
إضغط هنا للإخفاء
السلام عليكم
كيفكم يالربع اسأل الله ان يسعدكم ويرزقكم اينما كنتم
ندخل عالموضوع سريع...
بعض المشاكل اللي تصير لا اصحاب التورس والاعتقاد الخاطئ لفهم بعض الصيانات
١- طرمبة المويه/
اول سبب لعطل طرمبة المويه في التورس هو موية الرديتر كثير اقابل ناس تصير عندهم هالمشكله
ويقولك فيها عيب مصنعي صحيح العيب المصنعي موقعها وليس فيها بعضهم يزود مويه وبعضهم يشتري مويه لشركه ثانيه
وبعضهم مايدري عنها ويقول ليش اغير المويه وهي ماترتفع حرارتها او ناقصه
لذالك لو سألت الوكاله تقولك تغيير المويه كل ٧٢ الف كم وحسب كتيب السياره كل ٣ سنوات او ١٦٠ الف بحد اقصى
وضروري تكون مويه اصليه اسمها (( موتركرفت )) سواء اخضر او برتقالي ماتفرق اهم شي اصليه والسبب
ان موية التورس تجيك زيتيه عشان تزيت الطرمبه من داخل وماتواجه اي مشاكل في الطرمبه اللي ممكن تكلفك الى ١٥٠٠ ريال
وماعليك في الدراهم الكلام من يعرف وزنية الجنزير لان له وزنيه خاصه ولو ما انوزنت راح تحس معك اكسنت قومتها جدا ضعيفه.
ف احرصو على تغيير المويه
٢- مراوح التورس كثير ماتستهلك فيها الصغيره وكان سعرها ٥٢٥ ريال مع الضريبه
الان ارتفع سعرها ل فوق ١٠٠٠ ريال في بعض المحلات وبعض المحلات يبيعها لك ب ٧٠٠ وعليها ويقولك امريكي
معناته درجه ثانيه مو اصليه وكاله فلا تفكر انك حصلتها في محل ب ١٠٠٠ واللي جنبه ب ٧٠٠ انك كسبان تاكد ان مكتوب عليها موتركرفت نحت عالبلاستيك وليس طباعه الوان
وطبعا بدل ماتدفع مبلغ وقدره عشان اصلاح مروحه وحده عطلانه وبسببها تغير طقم مراوح
يوجد لها اصلاح وبأقل تكلفه وعليها ضمان والحمدلله لي فتره شغال على هذا الموضوع وشيك على تقييمي في حراج وتلقى اللي يسرك
واذا خلاص نويت تغييرها لاتترك القديمه لان العمال يصلحونها ويبيعونها على غيرك وياخذون منه الرجيع عشان يصلحونها ويقولك وكاله مستعمله نظيف
وانت ماتدري لذالك بيعها في حراج تجيب لك ٥٠ الى ١٠٠ وممكن ازود ولعلمك الدينموات تركب على بعض الاختلاف فقط في حجم الريشه
من يواجه هذي المشكله يتواصل معي ويبشر بالخير ويشهد الله ما اركب شي لسيارتك الا وكأنه لموتري
واللي شاك في مصداقيتي بيني وبينه الله يجي اصلح سيارته ويروح شهر شهرين ٣ لين يقتنع انها شغاله وامورها تمام ويحول فلوسي او تبقى في ذمته.
وهذا جوالي ٠٥٣٢٣٢٣١٩٥
طبعا هذي اغلب المشاكل اللي نواجها احنا اصحاب التورس والفلكس والايدج وكلها نشتغلها ومثل ماقلت ب ضمان وبسعر رمزي
وسلامتكم جميع...
إبلاغ
الردود
لاخلى ولا عــدم
2
0
للمعلومية كل مكينه لها توقيت بعض السيارات توقيتها يكون عئ البكرات والبعض يكون علئ الجنزير والبكرات والبعض يكون علئ صدر المكينه والبكرات كل شركه وطريقتها لاكن مع احترامي لك لوغلط فئ التوقيت مثل ماقلت السياره ماراح تشتغل وحتئ لواشتغلت راح تتكسر البلوف طبعا انااكلمك من واقع خبره انااشتغل ميكانيكا والله يوفقك ويجزاك خير علئ النصائح بس حبيت اعلق علئ هذي النقطه واتمنا ماكون ضايقتك
3
0
معلومتك غير صحيحة واحد اعرفه معه تورس غير طرمبة الموية فك الثلاجة بس ابداً مافك المحرك ولا راس المحرك حتى
1
2
اسم العضويه ما يجي فيه الرمز (;) كيف سجلته ؟؟؟
0
0
الله يعطيك العافيه على مجهودك
والله انا افكر اشتري تورس ومتردد من الناحيه هذه
استخدم سيارة الشركة فورد تورس لكن الصيانة على الشركة في الوكالة والوكالة غالية
لكن اذا اشتريتها اخاف من سالفه طرمبة الماء تخرب او تضعف وانا ما ادري بها وابتلش بها
0
0
ما اتكلم عن الكويلات والبواجي هي اللي بس ينفك ثلاحة المكينه ولكن الطرمبه لازم فك الدنيا ذي كلها وبعض الورش الغير احترافيه تنزل المكينه كامله ولكن البعض وهي مكانها يفك الجزء الايمن كامل عشان يوصل لطرمبة المويه
بالنسبه ل not be الموتر حافظ على صياناته وغير موية الرديتر كل ٧٠ الف وراح تعيش معك باذن الله
والموتر كفو ومايعيبه شي ولكن اهتم بالصيانه فقط واسعار القطع جدا معقوله ماعدا الاكسسوارات وهذي كل السيارات كذا تكون غاليه
وسلامتك
0
0
قبل 4 سنه و 6 شهر