أضف سؤال أو موضوع جديد          

ماهو الزيت المناسب للماركيز

up 2 down 0
المنصوري 15 12
قبل 12 شهر



السلام عليكم اخواني 
عندي استفسار والموضوع يفيد الكل ان شاء الله 
عندي ماركيز ٢٠١١ ماشيه ٢٧٠ الف كيلو 
توي شاريها من شهرين 
غيرت الزيت لها ايسي ديلكو حق الوكاله 
مشيت عليها ٢٠٠٠ كيلو لقيت الزيت نقص وانا حاط ١٠w٣٠ زي ماهو مكتوب بالكتلوج 
رحت الميكانيكي قال خل السياره ١٠ دقايق شغاله وبعين خلاني ادعس لها بيشوف فيه دخان او لا المهم ماطلع شي قال مكينة السياره ممتازه والسره مافيها تهريب وبلوف التبخير ماعليها زيت نهائي  ونصحني اغير زيت توتال او كاسترول 20w50
وقال لا تمشي عليه اكثر من ٣٠٠٠ كيلو وغيره قال لان الزيوت مو مثل اول كلها معاد تصنيعها وش تنصحوني فيه ياهل الخبره 
وش اغير له انا اول سيارتي النترا ٢٠١٢ كنت احط لها كاسترول 20w50 وامورها تمام لين بعتها 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انت كم علبة حطيت من البداية


up 2 down 1
ادميرال2002 234
قبل 12 شهر



20w50 ثقيل جدا جدا جدا 

انا معي اكورد ٢٠٠٧ اعبيها 5w30 واسافر م تنقص 
وعندي تشارجر اعبيها 5w20 ماتنقص 

سيارتك فيها شي الزيت ماله علاقه نهائيا


up 2 down 4
مشاااووير 51
قبل 12 شهر



سيارتي فحصها مكينتها تمام لاكن جنني النقص مع اني فحصت السياره تمام عند ورشه متخصصه وما شاء الله وكاله وغيرت الزيت مع السيفون ٦ علب وشوي من السابعه عشان الزيت مايجي لتر كامل 


up 2 down 2
المنصوري 15 12
قبل 12 شهر



وجربت دعست لها مافيه دخان ابد وبلوف التبخير ماعليها تهريب ومحتار والله 


up 3 down 0
المنصوري 15 12
قبل 12 شهر



فكيت لي بلف التبخير ولقيت فيه زيت اللي طالع للثروتل شكل المشكله من بلوف التبخير بغيرها ان شاء الله 


up 1 down 0
المنصوري 15 12
قبل 12 شهر



نعم أخي العزيز قد تكون المشكله من بلف التبخير تأكّد منه ونصيحه لا تستخدم الزيت الثقيل 20W50


up 1 down 4
jakwar2004 420
قبل 12 شهر



استخدم موتركرفت 5w20 او 5w30 اثقل بشيء بسيط
وغيره كل 3500


up 0 down 3
ابوخالد1397 2869
قبل 12 شهر



العلبه ب١٢ريال.


up 0 down 1
ابوخالد1397 2869
قبل 12 شهر



الافضل لااجواءنا
10w40
للمحركات الجدد
وبعد ممشى 300 الف كيلو
يصبح المحرك فيه توسعات من الاحتكاك مع مرور الوقت
فلازم تغير الى 20w50 لتغطيه التوسعات
وبالنسبه اللي يغير زيت 5w30
حبيبي فك غطاء الزيت وناظر داخل المحرك تحصل لون الحديد تغير واصبح احمر او اسود زي قدر الطبخ لما تحط زيت وتخليه على النار
انا عارف كثير مو عاجبه كلامي وبيعطي دس لايك
ولست مهتم لاني اشوف في الورشه عندي سيارات جدد اندمرت من سبه الزيت وخاصه اللي يقول يمشي عليه 15 الف


up 0 down 6
qoowoop 129
قبل 12 شهر



الزيت عندي حده ٤٥٠٠ بالكثير واغيره اما زيوت ابو ١٠ الاف ما اعترف فيه والحمد لله انا فحصت بلف التبخير بنفسي فكيت اللي الموصل في لي التبخير ودخلت اصبعي الصغير في اللي ولقيت عاني مطلع عيار زيت مو اصبع من كثر الزيت اللي عليه والحمد لله اخذته ب ٦٠ ريال اصلي وغيرته بنفسي ويجي واحد يقولك شغل يده ٥٠ ريال والله فريته بالزراديه لاني شفت مقطع كيف يفكه ما اخذ مني ٥ دقايق الله يخلي اليوتيوب والله فادنا 


up 2 down 0
المنصوري 15 12
قبل 12 شهر



وبأذن الله بحط كاسترول ١٠w30 لاني فتحت كتاب الوكاله الموصى للمكينه ١٠w٣٠ 


up 1 down 1
المنصوري 15 12
قبل 12 شهر



تمام وعطنا النتيجة بعد مدة 


up 4 down 0



حبيبنا المنصوري ...
احذر من زيت 20w50 ... ثقيل جدا
و محرك السياره ما يتحمل هذا النوع

رساله هامه للجميع..::: يا اخوان غير
الزيت اللي توصي به الوكاله لا تزود ف
العيار للنوع ولا تنقص ... نصيحه ...


up 1 down 2
لا للغلاء 817
قبل 12 شهر



امر مهم جدا:::>> ... الوكاله تقول لك
>>>>>بالكتالوج
ممكن ينقص لزيت ...
ويقولو اضف الزيت لحد اعلى العيار ...
وهذا شي طبيعي
انه ينقص كل 3000 الى 4000 كيلو
لذلك النقص الخفيف ما يعني التبويش
هذا ( ط ب ي ع ي) والنقص بالعاده نص
لتر او لتر الا ربع ... .... ....


up 3 down 1
لا للغلاء 817
قبل 12 شهر



كاسترول 30-10 زيت مكرر مايسوى وتصنيفه قديم جداً SL !!

اذا بتركب 30-10 فركب زيت موتر كرافت تنصيفه اخر تصنيف
SN PLUS ونصف تخليقي ويساعد في توفير البنزين
وزيت امريكي مستورد ممتاز جداً 


up 3 down 1
عبدالله 711 791
قبل 12 شهر



عزيزي انا معي فورد ماركيز واحط زيوت ثقيله بالتحديد 20w50 كاسترول والي يحذرك ومدري ايش ماعنده فورد


up 0 down 1
99 fares 13
قبل 11 شهر و 4 أسبوع