أضف سؤال أو موضوع جديد          

هذا ماحصل معي بعد ما ارتفعت حرارة السيارة

up 15 down 1
مجرد مشاركة 218
قبل 2 أسبوع و 2 يوم



السلام عليكم ورحمة الله وبركاته
أسعد الله صباحكم بكل خير

فيه مشكلة صارت لي سيارتي جراند ماركيز وحبيت أوضح لكم المشكلة وطريقة حلها من باب الفائدة

أجواء المدينة المنورة كانت شديدة الحرارة هذا اليوم ولا أدري اش اللي خلاني أطلع في الظهر ولكن الحمد لله على كل حال وربما خيرة
المهم ما أخذت نص ساعة من مشواري وقبل ما أوقف عند البيت إلا امبير الحرارة فوق الاتش والدخان يطلع مع الكبوت وبسرعة طفيت السيارة والمويا تصب من تحت تقول الخرطوش مشقوق أو الرديتر انشق وصار يهرب
طبعا المويا حقت الرديتر كلها راحت..
فكيت الكبوت قلت أشوف وين التهريب ما لاحظت مكان التهريب إلا الغطاء يدخن والقربة عليها ماء!
قلت مستحيل الماء هذا يطلع من الغطاء مستحيل لأن الكمية كانت كثيرة جدا َوسريع والغطاء مقفل!
اتصلت على أكثر من واحد اللي يقول من اللي مشقوق واللي يقول الطبة منفقعة واللي يقول البلف قافل معاك وكل واحد يعطيني كلام..
الوكاد حملتها بسطحه وعلى أقرب محل رديترات ونزلت السيارة وقالي تشتغل قلت تشتغل والحرارة طبيعية!
قال لازم أعبي الرديتر مويا وأتأكد وين التهريب قلت ماعندك مشكلة شوف شغلك، عبى الرديتر مويا وشغلت السيارة ولا فيها تهريب!! قلت وش اللي صاير قال وين التهريب تشوفه قلت لا
طيب كذا تمام قال افحص عند ميكانيكي وبعدين جيب لي مويا أصلية نغير المويا أفضل، رحت للميكانيكي طلع مافيها شيء
رحت محلات قطع الغيار أجيب مويا أصلية وقلت بجيب معاي غطاء مرة وحدة، وبرجع المحل وقبل لا أوصل المحل حق الرديتر ترتفع مرة ثانية ويالله وبالله وصلتني عنده
قلت ارتفعت مرة ثانية وش الحل..
قال افحص المراوح ماهي شغالة
قلت طيب المرة الأولى وينك عن المراوح قال شغالة!!! وفعلا كلامه صحيح
تشتغل وأحياناً ماتشتغل وهذا سبب المشكلة كلها
جبت كهربائي وفحصها قال المروحة تحتاج تغيير وأشتري مروحة مع حساس ب1040 ريال
وأزبطها وأعبي المويا وحتى إعداد هذا الصك لم ترتفع الحرارة..

آسف جدا جدا على الإطالة ولكن حبيت أوضح لكم المشكلة بالتفصيل وانتبهوا من شغل المرواح لأنها قد تكون سبب في مشكلة ماتوقعتها وحتى حق الرديتر ماعرفها وبغت تسبب لي خراب للمكينة وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لايك +1 على نشرك للمعرفة ومشاركة المعلومة


up 1 down 1
نديم الطيف 171
قبل 2 أسبوع و 2 يوم



يعطيك العافية يا نديم الطيف
المنتدى تم وضعه لتبادل التجارب والمعلومات
يعلم الله إني استفدت من المنتدى يوم قالي الكهربائي جيب مروحة وأحسن تغير حساس لأنها قد مرت علي معلومة بهذا المنتدى في حال بتغير المروحة لازم تغير الحساس حتى ماتصير عندك إشكاليات وتخرب عليك المروحة من جديد

وفقكم الله لكل خير


up 3 down 0
مجرد مشاركة 218
قبل 2 أسبوع و 2 يوم



الله يعطيك العافيه ، ومعوض خير


up 2 down 0
m7md 33 1048
قبل 2 أسبوع و 2 يوم



الحمدلله انها جت على كذا والحمدلله انه ماتضرر الراس حق المكينه من الحراره 


up 1 down 0
fhody44 879
قبل 2 أسبوع و 2 يوم



صدقت المراوح تنكب مرة خصوصا لا جاك مطب سفرة وتخلخل فيش المراوح يشتغل ويفصل بمزاجه 

طرح ممتاز لايك 


up 2 down 2
benz lover 88
قبل 2 أسبوع و 2 يوم



كم ماشي موترك يالحبيب 


up 0 down 1
فتى حفر الباطن 139
قبل 2 أسبوع و 2 يوم



بعد ما انتهيت من حل المشكلة و غيرت المويا و المروحة . شوف الزيت لا يكون انحرق وفقد لزوجته . حاول تفحصه و تغيره لو لزم الامر



up 3 down 0
mh.saeed 178
قبل 2 أسبوع و 2 يوم



فعلاً زيت القير يتأثر وسبق صارت معاي والسبب فيش المروحه يكون ذايب ويشبك احياناً واحياناً يفصل وتسبب انه حرق زيت القير


up 1 down 1
mah9009 36
قبل 2 أسبوع و 2 يوم



أخوي محمد وأخوي فهودي الله يعطيكم العافية على الدعوات
أخوي بنز لوفر والله بغت تروح السيارة توضيب عشان المراوح وفعلا هذا درس لي لازم أنتبه لها وحبيت أنقل لكم التجربة

أخوي فتى حفر الباطن الموتر ماشي 460 ألف


up 0 down 1
مجرد مشاركة 218
قبل 2 أسبوع و يوم



أخويmh سعيد
ماغابت عن بالي فكرة الزيوت وراح أغيرها سواء محروق أو لا لأن الحرارة فوق الاتش والحمد لله عدت سلامات بفضل الله
أخوي mah9009 ملاحظتك في محلها وبإذن الله تعالى إني راح أفحص الزيوت كلها وأتأكد أفضل


يعطيكم العافية جميعا


up 0 down 0
مجرد مشاركة 218
قبل 2 أسبوع و يوم



وش ذا المراوح قيمتها 1040 ريال




up 0 down 0
aboahmed2014 1027
قبل 2 أسبوع و يوم



أخوي أبو أحمد والله زي ما قلت لك
أخذتها من محل السراني بطريق المطار بالمدينة المنورة مختص بالقطع الأصلي وغيرها
المروحة ب700 ريال أصلي
حساس ب340 ريال أصلي
قال الكهربائي الأفضل تجيب الحساس جديد وفعلاً سبق وأن شاهدت موضوع إنه الأفضل إذا غيرت المروحة تغير معاها الحساس والسبب ممكن ترجع لك المشكلة لأن المروحة جديدة والحساس قديم وسلامتك


up 0 down 0
مجرد مشاركة 218
قبل 2 أسبوع و يوم