تحويل مكينة فيكتوريا من بنزين الى ديزل

سيبك من هذا المشوع الفاشل مع احترامي وتقديري لك . حط في بالك تغيير مكينة وقير ومدري عن الدفرنس ولازملك توليف طرمبة ديزل وعندك العزم بيطيح وتكالف التحويل ممكن توصل بن 15000 ريال الى 20 الف ريال وعندك طرمبة الديزل مجرد ما تتسخ تخرب وتصلحها وتغيرها بلاوي. الله يعيننا وياك

عموما يمديك تمر الاتراك اللي مخرج 17 اذا كنت من اهل الرياض هناك في ورش للديزل ممكن تاخذ رايهم وتسالهم وهم اعلم مننا بعد الله سبحانه وتعالى بهذه الامور

حسبتك خسرانه
وبيطلع عليك اغلا من بيعة السوق

خذ لك موتر موفر مستعمل بقيمة التحويل اصرف لك واجد

غير السياره اوفر لك وش لك بوجع الراس بتقلب ديزل يعني بتغير كل نظام السياره فقط الهيكل الخارجي يبقى نفس ماهو واساسا م اتوقع تقدر تغير فكتوريا لديزل وماخبرنا مكاينها يجي منها ديزل

ياخوي قيمه تكاليف تغيير المكينه الى ديزل تشتري فيها سياره ديزل موديل قديم ويكون شد بلد

خلي فورد واشترلك سياره اقتصاديه

وهي بنزين يلا تمشي اضعف سيارة اداء بفئة ٨ سلندر تبيها تموت زيادة

انسى الموضوع تمامااااا

ههههههههههههههههههههههههههههههههههههههههههههههههه 
يسعدكم ربي 
وربي ردودكم تفتح النفس 
يعطيكم العافيه و كنسل المشروع (: 

المشروع يمكن يكلفك كثير فوق 10 الاف ريال

العشرة الاف هذي عب فيها بنزين لمدة سنة ونص وريح راسك

صعب جدا تحويل مكينة فورد الى ديزل.
لان محركات تختلف اختلاف كلي عن محرك البنزين.
محركات الديزل تتكون من الحديد المصبوب عكس محرك البنزين الذي يتكون من خليط من الحديد الخفيف والالمنيوم ولاتحتوي على كويلات وبواجي ومنظم وقود
هي تعمل على طرمبه خاصه بها وملاصقه بالمحرك وايضا سخانات تقوم بتسخين الديزل وبخاخاتها ابضا تكون داخل المحرك تقوم بصخ الديزل داخل حجرة المحرك مباشرة على البلوف والبساتم
هذا غير الكمبيوتر والضفيره.

الا اذا اردت استبدال المحرك البنزين بمحرك ديزل وهذا مكلف جدا .

مافيه شي مستحيل ،الافضل تروح التشاليح وتقايس مكاين فورد الديزل اللي تجي على الونيتات او الاسعاف واحتمال تحصل طلبك

الي يقولك تكلف 15 واكثر اتحدى لو يعرف شي عن الحرلج والتشاليح
اطلب المكينة وظفيرة ونيت فورد 2017 وفوف الديزل من دول الخليج
وشفلك ميذلنيكي يركب الكراسي توليف
بعض المكاين تجي 4 نمر وبعضها 5 على حسب وانتبه لموضوع القير فقط لاغير