أضف سؤال أو موضوع جديد          

تهقون خبطت مكينه الفورد او لا

up 1 down 1
fahad5056 5
قبل سنه و 2 شهر



السلام عليكم 
شريت فورد ماركيز ٢٠٠٥ 
جربت الموتر وجلس معي يوم مافيه شي 
وجيت بسافر عليه شيكت على زيت المكينه وعلى الماء كل شي تمام
توكلت على الله ومشيت حول ٦٠ كيلو وبدا الموتر ينتع نتع خفيف ويرجع طبيعي
وتاشر لمبه البطاريه 
وفجاءه وتولع لمبات كثيره بالطبلون ويطفي الموتر 
وقفت وفتحت الكبوت وشيكت على الزيت كامل ولا فيه شي 
وجربت اشغل يدق سلف وتحس الموتر دقته ثقيله ومايشتغل 
جربت اكثر من مره مايشتغل تهقون خبط ؟
مع العلم انه قبل مافيه اي صوت بالمكينه الا صوت رمان مكره وخفيف مو قوي 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احتمال كبير طرمبة البنزين خربت
انا معي اكسبدشن وقد نتع علي وبدا يتنافض وطفي
ولا عاد اشتغل.. خليته نص ساعه الى ساعه واشتغل
ولكن اذا احتمى يطفي عليك
وهذا بسبب طرمبة البنزين
غيرته وبفضل من الله اموره تمام من ذاك اليوم
له سنتين ماشكى من شيء الحمد لله


up 0 down 0
ابوخالد1397 2869
قبل سنه و 2 شهر



طرمبه البنزين صوتها واضح اول مادق سلف اتوقع مافيها شي 


up 0 down 0
fahad5056 5
قبل سنه و 2 شهر



احتمال يكون من السلف المشكله بسيطه ان شاء الله لاتتهور ماهي سالفة تخبيط لاتستعجل


up 0 down 1
راكان443 148
قبل سنه و 2 شهر



هل سير الماكينة مرخي ؟؟ وشيك على الشداد بطريقك

اذا هم تمام الدينامو منتهي عندك




up 1 down 2
benz lover -78
قبل سنه و 2 شهر



السلف يدق طبيعي بس المشكله بصوت المكينه نفسها ثقيل
والدينمو اتوقع اموره تمام لان بعد ماطفى اكبس النور قوي 
وكل شي شغال ولا فيه ضعف


up 2 down 0
fahad5056 5
قبل سنه و 2 شهر



بطاريه السياره
الدينمو مايعبي للبطاريه
خلال 60 كيلو الموتر يسحب كهرب من البطاريه فقط حتي انتهت
الدينمو عطلان عندك ياكتاوت يافحمات او تغير



up 2 down 1
ماجد المطلق 10846
قبل سنه و 2 شهر



الموتر بعد ماطفى جربت اكبس بالنور عشان اشوف وضع الكهرب
والنور قوي ومافيه ضعف وشغلت النور الداخلي ونفس الوضع قوي


up 0 down 0
fahad5056 5
قبل سنه و 2 شهر



مو دليل
البطاريه ماتقوم الماكينه حمل زايد عليها
عطها اشترك تشتغل معك 10 دقايق وتطفي


up 2 down 1
ماجد المطلق 10846
قبل سنه و 2 شهر



دام ولعت لمبة البطارية بالبداية المشكلة الله أعلم أنها كهرباء


up 0 down 0
سامي 999 4
قبل سنه و 2 شهر



شغلك كهرباء واضحة  اذا البطارية تمام والسلف تمام  فممكن سحبية كهرباء او التماس 


up 1 down 0
جبال معانيق 278
قبل سنه و 2 شهر



يا انه سير منقطع او مشكلة فالكهرباء والمكينة ان شاء الله سليمة


up 0 down 0
zax_makkah 248
قبل سنه و 2 شهر



لمبة البطارية يعني دينمو . افصل اصباع البطارية والسيارة شغالة لو طفت دينمو خربان


up 0 down 1
mfh2009 341
قبل سنه و 2 شهر



تكبيسك بالنور ماهو دليل انا عندي سيارة الدينمو حقها خربان وامشي فيها بالبطارية اشغل مكيف وتشتغل المروحة كل شي يضعف وتطلع لمبات الدنيا بالطبلون اطفيها كل شي يرجع طبيعي وهي على البطارية الدينمو مايشحن


up 0 down 0
7amood1930 180
قبل سنه و 2 شهر



مدام قلت اشرت لمبه البطاريه قبل مايوقف هذا الدينمو خرب


up 1 down 0
qoowoop 130
قبل سنه و 2 شهر



الله يعطيكم العافيه جميعا ماقصرتو 
لمبه البطاريه كانت شغاله مع راعيه اللي قبلي اكثر من شهر 
ماشكى منها 

تواصل معي واحد اسمه ابراهيم التركي وعطاني حلول الله يعطيه العافيه افادتني 
قالي ان المشكله التماس بالموتر وفعلا شيكت على الفيوزات ولقيت واحد مقصوص 
وغيرته واشتغل الموتر وقص على طول الفيوز مره ثانيه وطفى 
ولفيت عليه سلك واحتمى لكن وصلني الحمدلله وبشوف له حل عن قريب ان شاء الله

واللي خلاني اتوقع انها مكينه ان تشغيلته ثقيله ويكع كانها مكينه 
لكن بعد ماغيرته رجع طبيعي 

المهم الله يعطيكم العافيه جميعا وماقصرتو 


up 2 down 1
fahad5056 5
قبل سنه و 2 شهر



اما بالنسبه للاخ اللي يقول افصل اصبع البطاريه والسياره شغاله 
يالغالي المشكله انها ماتشتغل تدق سلف بس ماتشتغل والحمدلله انحلت


up 1 down 1
fahad5056 5
قبل سنه و 2 شهر