ارتفاع الحراره واحتمال توقف عمل المروحة يا أهل الخبرة لاهنتم
1
1
إضغط هنا للإخفاء
الله يسعد اوقاتكم جميعاً بكل خير
اخواني عندي ماركيز 2011 وكنت واقف عند الاشارة وفجأة قلب المكيف حار وشوي ارتفعت الحراره فوق النص وطفيت المكيف ع طول ورجعت الحراره طبيعي مع المشي المهم وقفت عند البيت واشغل المكيف وخلال وقوفي رجعت ترتفع الحراره ونزلت اشيك ع المروحه لقيتها شغاله لكن ضعيفه مالها حتى صوت لان مع المكيف تكون المروحه ع اقوى سرعه وصوتها واضح وبدون المكيف مالها صوت المهم الان مع المكيف مالها صوت وضعيفه وبدون مكيف تكون طافيه وماتشتغل ابداً
طبعا الحين اروح واجي عليها بدون مكيف وبدون ماادخل الزحام لانها اذا طولت واقف في زحمه او اشاره ترتفع ولكن اذا كنت ماشي تكون ع النص وماترتفع ابدا بحكم منطقتنا بارده شوي
ياليت اللي عنده علم او مرت عليه المشكله يفيدنا بمعلوماته وكم تكلفتها ممكن لاني ناوي بكره اروح الصناعية اخلص امورها وحبيت اعرف قبل اطب بين قروشه الصناعيه عسى الله يعين والله يجزاكم خير جميعاً ويشرفني مروركم
واسف ع الاطالة
إبلاغ
الردود
2
0
2
0
عندك احتمالين يالكتاوت ي دينمو المروحة اضربها بحديدة وشوف تصير اقوى او لا
1
0
شكرا لكم
0
0
وافينا وش يصير معك
1
0
كهربائي يشيك لك ع كتاوت المروحه..
الطريقه يفصل افياش المروحه ويجيب سلك دايركت من البطاريه
اذا اشتغلت المروحه بشكل سليم معناه الكتاوت مضروب او ضفيرة المروحه.
اذا باقي ضعيفه المروحه تكون المشكله من قلب المروحه... ع خبري مروحه الفورد تباع كامله مع البرواز
1
0
شريتها عن طريق قطع الغيار موزع معتمد لقطع فورد
المروحه = 810
الكتاوت حقتها = 380
شغل اليد = 100
الاجمالي = 1347 مع الضريبه
والحمد لله الامور تمام الان حبيت اشارك الجميع بالتفاصيل للفائدة والله يووفقكم جميعاً
2
0
اقول شي
ليتك شاري الكتاوت بس بدون المروحه
لان نفس الشي صار معي وقالوا لي غير المروحه ومن هالكلام
وغيرت القطعه ذي بس والي يومك الحمدلله الامور طيبه والسياره مع السواق يكدها يومياً ولا احلى شي
1
0
انا معي ٢٠١١
في رمضان نفس ما صار معك صار معي
غيرت كتاوت لها وجلس ابو ١٠ دقايق وضرب
طلع المروحه نفسها فيها التماس وسبب في ضرب الكتاوت الاول والثاني
وغيرت مروحه كامله وانحلت المشكله
1
0
0
0
0
0
قبل 5 سنه و 4 شهر