ماسبب تقطيع وتفتفة الاكسبدشن عند الدعس على الدواسة

عندك ضغط الطرمبة ماهوب كافي لذلك تقطع جب طرمبة من التشليح وجرب

احتمال كبير من صفاية البنزين

احتمال كبير المحطه اللي عبيت منها..بنزينها موب كويس وخرب عليك السياره..حاول تطلع البنزين برى وتعبي من مكان كويس..

البنزين خلص وعبيت عقبه خمس مرات ونظفت التانكي وصفاية البنزين
لكن طرمبة البنزين انا شاك فيها لأن إذا لفيت او اخذت مطب يقطع الموتر
حتى الكمبيوتر ماطلع اي شي اكيد

طرمبة بنزين.. صارت لي باكسبدشن على يدي وكاله.. كنت طالع من الهدا وفجاه بدا يتنافض الموتر وطفي..وشلته على سطحه.. واليوم الثاني شغلته واشتغل.. ويوم احتمى بدا يقطع وطفى.. ولا يشتغل الا لما يبرد.. وغيرته.. مليان بمحلات قطع الغيار طرمبة بنزين. كلفتني ان ماخاب ضني مع التركيب من 700 الى 1000 ريال.. والسبب يعود اني كنت مهمل بتعبيه البنزين. كنت اعبي عند اي محطه.. وكنت اعبي اذا فضي مره.. والمفروض اعبي من محطات موثوقه مثل ساسكو.. وما اخليه البنزين يفضى. لان لو فضى. تتجمع الاوساخ والرواسب وتقفل المجرى. فتبدا تقطع معاك وتحتمي وتطفي
اذا مشكلتك مثل مشكلتي. فغير الطرمبه...
موفق

طبعا غير طرمبته حقت فورد اكسبدشن.. وتراها مليانه بقطع غيار فورد بالرياض. التقوى والجواد الادهم والكثير الكثير بالصناعية القديمه

هذا وصف اذا انك بالرياض
واتوقع بجده مليان برضوا
طبعا انا طفت علي بالطائف.. وتم اصلاحها هناك وشروا لي القطعه اصليه وركبوها. ويالله من فضلك.. له سنتين معي ماشاءالله من اجمل مايكون
الطرمبة منتشره بقطع الغيار الكبيره.. دور وبتحصل ع طول

ابو خالد في الحالتين الطرمبة تسحب من اقل نقطة في خزان البنزين لذلك لو في اوساخ راح تسحب سواء فل السيارة او فاضي لكن المهم ان طرمبة البنزين تسخن وتعتمد على البنزين في تبريدها اذا كان الخزان فل فهو يغطي الطرمبة ويبردها اما اذا الخزان فاضي راح تحتر الطرمبة ومع الوقت تجيم

الله يجعلكم ماترون مكروه
والله السيارة تعطلت بتبوك ولا حصلت عند المحلات طرمبة الا احد عنده موديل ٢٠٠٩ والوكالة لازم طلبية واحتمال ماتركب المهم جبتها بسطحة
للجوف.

تاكد من غطاء تانك البنزين انه سليم و الربلة.ماهي مقطوعة

تاكد مافي تهربب هواء.بعد حساس الماس اير فلو من عند فلتر الهواء لين الثروتل

نظف حساس الماس اير فلو بمنظف الكترونيات

جيب بخاخ اي سي ديلكو وفضي تقريبا نص العلبة او اكثر بشوي في التانك عبي مباشرة ب ١٠ ريال بنزين
على نص تانك بنزين .

بعدها فك البطارية.مع تشغيل السويتش و البطارية مفصولة لمدة ٥.دقائق

بالتوفيق

ولاتنسانا من اي دعوة.طيبة

الله يعافيك ويسعدك يارب.. جاري العمل على ذلك

على كلام بعض الخبراء انه لازم تغير حساس البنزين اللي فوق المكينة اذا غيرت طرمبة البنزين لأنه لهم علاقة مع بعض وتغيير الطرمبة الحاله مايكفي لأنه يصير دفع البنزين مب قوي