أضف سؤال أو موضوع جديد          

فورد الجديدة

up 11 down 4
talal abdullah 5421
قبل 8 سنه و 10 شهر



السلام عليكم اخواني الاعضااااااااااااء...وكل عام وانتم بخير ..(:


حمدلله اشترينا فورد توروس 2013 SE ستاندرطبعا قيمتها 99 الف انطباعي عنها ممتازة السيارة لينه مع الطريق وهادية وغنية بالمواصفات وبكتب تقرير عنها بالتفصيل وتقييم للي مايحب التفاصيل
..









- المواصفات الخارجية:
اسطبات خلفية (LED) النور والفرامل والاشارة

جنوط الومنيوم كبار مقاس 18 على كفرات ميشلان.

شمعات عدسة للانوار.







-المواصفات الداخلية :
السيارة ماشاءلله مجهزة صح مابخلت عليها ابد.وتعطيك شعور انها فل .



مقاعد كهربائية للسائق والراكب مع دعم للظهر.


الدرج مبطن بمخمل مثل اللينكون واللكزس والمرسيدس.


الاضاءة توماتيك.


نظام ماي كي للتحكم
بالمفتاح مثل تقييد السرعه والمسجل وغيرها...


مسجل سي دي ويدعم التلفونات الحديثة.


نظام بلوتوث يقترن بالتلفون وتتحكم بواسطة السيارة من مقاطع

صوتية واجراء مكالمات مع صوت صافي بدون تشويش.


وهذي احلى ميزة دركسونها كهربائي مثل السيارات الفخمة الغالية يعني خفته ودقته ويعطيك شعور بالمتعه ..على فكرة مالها زيت دركسون ..



فيها كومبيوتر رحلات عن الرحلة ومعدل استهلاك البنزين
وكم يوصلك


بوصلة.

مراقبة ضغط الكفرات.

تعتيم للمراية الوسطية.

عدادات ليزر مو مثل الموديل اللي قبله.



-مواصفات الامــان:


السيارة ماخذه 5 نجوم في اختبارات التقييم من معهد التأمين على الطرق السريعه.

6 آيرباقات (للسائق والراكب وفي المقاعد وستائر بالجانب).





نظام آسيست درايفر(
مساعدة السائق) يمكن تطفيه.

مرايات جانبية تكشف الزاوية الميته .




ABS و EBD



-المحركات:

المكينه الاساسية جديدة وهي 6 سلندر3.5 291 حصان
القير 6 تعشيقات وفيه وضعية سبورت ..القير تتحكم فيه +و- عن طريق زر مثبت على عصا القير.




-العـــيوب:

1-الانوار نوعا ما مو ذاك الزود النور منتشر مو مركز.

2- المقاعد لما تقعد تطول ساعتين ونص تحس بتعب بظهرك مثل سيارات هالوقت.


3-التحكم بالمكيف غبي الهواية مانقدر نغلقها ونفتحها الا المكيف يشتغل يعني مو مستقلة والشي الثاني المضحك اي شي تضغط عليه من ازارير المكيف يشتغل تضغط مود ولا الهواية ولا اي شي يشتغل (مادري ليش حاطين زر on/off)هههههههههههه.



هذا شي يمكن فيني انا شخصيا وهو ابوابها لاجيت تفتحها مقابض الباب مادري شلون ماعجبتني وحتى الباب ان صكيته مو مثل اللنكون والفكتوريا الباب يستقر بالقفل سمته وحدة ..مادري هذا رايي تمنيت تكون اكثر احكام







.




-الــتـقيـــيم:

السعر بالنسبة للسيارة ومواصفاتها 10/10
العزل الصوتي10/10
متعه القيادة 10/10
راحة الركوب(المقاعد) 7/10
ليوته المساعدات 9/10
برودة التكييف 8/10
استهلاك البنزين 9/10
الثبات والتماسك 10/10


نسبة الرضا العام عن السيارة 9/10









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يعطيك خيرها ويكفيك شرهـآ.. بس بصراحه بالفل كامل احلا ..~) كفيت ووفيت


up 1 down 1
yazeed793 7884
قبل 8 سنه و 10 شهر



ما شاء الله مبروك
الله يعطيك خيرها ويكفيك شرها 


up 1 down 1
wdwd 247
قبل 8 سنه و 10 شهر



اول شي الله يعطيك خيرها ويكفيك شرها وألف مبروك

وياليت اللي عندنا بالمنتدى كم واحد زيك ينزل تقرير عن سيارته لكي يتطور مستوى المنتدى

وانا عن نفسي طرحت موضوع عن سيارتي ومشاكلها وفيه كم عضو ماقصروا وطرحوا مواضيع مماثلة

والله يعطيك العافية وكل عام وانت بألف خير


وعندي استفسارات

سمعت ان العزل الهوائي بعد سرعة 140 كم/ساعة لك عليه وقرأت عن ذلك في منتدى فورد
فمنهم من يقول يسمع صوت صفير ؛ واللي يقول صوت تنسيم بسيط فقط ؛ وخلافه من الأوصاف
فحبيت استفسر منك هل هالكلام فعلا موجود ام لا وايش السيارة اللي كانت معك قبلها لأن وصفك للعزل يعتمد على سيارتك السابقة
فلو كانت هايلوكس مثلا فاكيد بيعجبك عزل التورس وهكذا؟

وقرأت ان الرؤية الخلفية متعبة؟

كيف وضع اصوات الديكور بالسيارة؟

-بصراحة هالسيارة اكثر شي معجبني فيها خاصية التشغيل عن بعد كلالالالالالالالام وتريحك بالصيف والبرد بس متخوف منها وهل هي بنفس جودة السيارة اليابانية ام حساسة وتلزم لها صيانة ومن هالكلام











up 2 down 1
ماكسيما 2008 6744
قبل 8 سنه و 10 شهر



سيارة تحمل هذا التقييم في الامان اضافة الى متانتها و جودتها و سلاسة قيادتها بــ99 الف فقط , خيار رائع جدا جدا ,الله يعطيك خيرها ويكفيك والمسلمين شرها


up 1 down 0
ريموت كنترول 734
قبل 8 سنه و 10 شهر



شرفني مررروووركم ولكم احلى لايكات ..^^^تسلم مكسيما((: وانت بالف خير صوت الصفير ماتعدينا 120.لكن ابشر بالخبر اليقين راح نمشي 160 وفوق وبعطيك خبر..
الديكور توه جديد ههههههه الله يستر مافيه شي الى الآن.
سيارتي هوندا اكورد وكلامك صحيح 100% مجربين الازيرا والاوبريس ومرسيدس اي بالمقارنه مع السعر يطلع عزلها ممتاز ومستوى سيرها حلو مع عيون القطط والمسطحات الخشنة



up 3 down 0
talal abdullah 5421
قبل 8 سنه و 10 شهر



شرح جميل مشكور 


up 1 down 0
السهل الممتنع 6391
قبل 8 سنه و 10 شهر



يعطيك خييرها ويكفيك شرها ،،،، لو تراجع ردودي في اغلب المواضيع كنت انصح بأقتناء هذي السياره الناس اللي باقي تفكر بالكامري والاكورد ومدري شنو والتورس مهضوم حقها معنا وحده 2012 ماشالله تبارك الرحمن دفع رباعي ،،، فعلاً موتر يعطيك خيرها ويكفيك شرها


up 2 down 0
شكلين مابحكي 3159
قبل 8 سنه و 10 شهر



نسسيت اقولك ياغالي ،،، هذي مجموعة معارض تبيعها ب 91 http://www.saudisale.com/SS_a_mpg.aspx
الا اذا كان هناك اختلاف في بعض الموصفات ف الله اعلمم


up 2 down 0
شكلين مابحكي 3159
قبل 8 سنه و 10 شهر



  الف مبروك  واهنيك على اختراعك 
بالنسبة للسيارة جربتها وقعدة معي سنة واكثر مشي على طرق سريعة ولم اشتكي من اي تنسيم هوا ء 
وبالنسبة للروية فانا اتفق معك الروية شبه معدومة 
وبالنسبة للديكور العيب ذا جاء ب2010 فقط وتم حله 2012


up 1 down 0
mr.abuud 1708
قبل 8 سنه و 10 شهر



تسلمووووووون ولكم احلى لايكات ....
شكلين مابحكي مااقصرت وشرفني مرورك يابعدي ((:
اخ مكسيما الرؤية ضعيفه ورا بالنسبة للموديل الاساسي لكن الموديلات الاعلى فيها حساسات وكاميرات خلفية وجانبية ...
اما بالنسبة للصوت مشينا بسرعة 130 وفعلا فيه صوت هواء يدخل من باب السائق كأنك نقرت نقرة سريعه على الدريشة وانفتحت الصوت فيه فتحة يدخل بسببها يطلع تصفير خفيف شكله من ربل الباب لاني شفته مختلف عن الراكب ....
نصيحة لجميع الاخوان من بغا تورس 2013 يشتري الدفعة الثانية .....ومشكور مكسيما على التنوية (:


up 0 down 0
talal abdullah 5421
قبل 8 سنه و 10 شهر



سياره مكينتها 3.5 6 سلندر


مواصفات ولا اروع مقابل سعر 99 الف


اعتبرها منافس شرس خصوصا انه اغلب السيارات اللي في فئتها 4 سلندر بنفس سعرها او اكثر ومواصفات اقل


لكن وانا اخوك لازم تئمن عليها تامين شامل مايندرى عن قطعها غاليه ولا رخيصه


خويي معاه تورس 2010 ليتيمد دفع رباعي والعزل فيها اكثر من رائع وماكى الا من نظام السينك تعطل عليه وتم اصلاحه


لكن يبدو انه المديلات الجديده ظهر فيها عيب واحتمال مثل ماقلت الدفعه الثانيه تكون سليمه


لذلك اي سياره تنزل جديده لاتاخذ من الدفعه الاولى وانتظر اللي شروها وتابع اخبارها فالمنتديات عشان تعرف هل فيها عيوب او لا



up 1 down 0



عندنا 2010 نفس العيوب اللي ذكرتها وتقيمك للسيارة صحيح وموضوع حلو وكويس تنقل تجربتك لناس يعطيك الف عافيه استغرب من اللي يقول عزل التورس مو كويس واللي يقول ما هي راسيه صدقني اصلا ما عنده السيارة يحبنا للفتوي عيوبها النور العالي مو قوي المكيف مو قوي مره وسط والمراتب قاسيه نوعا ما والباقي صراحه ابداع 


up 1 down 0
محمد الغامدي سونتا 2013 14
قبل 6 سنه و 11 شهر