استفسار بخصوص فورد ايدج

أحياناً المشي في المطر وغسيل السيارة يخفي كثرة التهريب 
وسيارات الدفع الرباعي لا يتضح تهريب زيت الدبل إلا مع الشد
 على السيارة في طلوع أو رمل
 وزيت الدبل كميته قليلة جداً جداً 
قد تكون أقل من نصف لتر يعني حدود 450 مل أو أقل 
وهو لا يتغير على دورات قريبة مثل زيت المكينة 
حتى يتم تعويض النقص في الزيت الجديد
لو أنك نظرت في  الزيت حين غيرته هل كان ناقص نقص كبير
لعرفت حجم التهريب 
أما وقد غيرت زيت الدبل فنصيحتي لك أن تتابع معايرته بشكل دوري
بعد كل أربعة أشهر أو أكثر لتعرف حجم التهريب ولتعوض النقص
لأن تغيير صوفة الدبل مكلف وقد يخرب معهه أشياء أخرى 
ولأن هذه الصوفة صوفة الدبل بالذات يوجد معها ترشيح 
حتى في المديلات الأخيرة.

وعليكم السلام ،، انت مثل مشكلتي ونزلت موضوع قبل يوكيم توني اكتشف زيت الدبل وتغييره ، بس ما وصل لحاله ان يهرب زيت ،،
وصحيح كميته قليله تجي نص علبه ،، وعشانه قليل يحترق بسرعه وكل 20 الف كم تغيره ، هالملعومه توني اعرفها
بس للاسف حاليا بتعدى 200 الف كم وانا ما غيرته وسألت ميكانكيين كالعاده الاسطوانه يقولك غير على مسؤوليتك ،، انت كم ماشي على موترك ؟

^^ موتري ماشي ٨٠ ألف حاليا وغيرته وكان الزيت منتهي أسوود وسألت خويي معه إيدج ٢٠١٢ ماشي 300 الف أو أكثر قال ماعمره غير الزيت والسيارة سالكه معه

الله يعينك ،،، انا توني مغير زيت الديفرنس الانه ضرور جدا جدا ،،، قبل تضرب عليك العكوس ،، انتبه منها قالولي علبتين وامس كفت علبه فقط .
قالي واحد من المنتدى ان في دفعتين للايدج ،، تراك نفس فئي نص فل خوفتني sel ما غيرت زيت ولا مره :(
لازم نشوف لنا حد خبير في الايدج تورطنا فيه

^^^ ال SEL يعتبر ممتاز بالنسبة للميتيد ١ و ٢ و سبورت مواصفاته ممتازة ولافيه اكسسوارات زايدة بس سالفة الزيوت ذي أول مرة أعرفها طلعت مشكلة وأعرف ٣ من أخوياي مغيرين الدبل بحوالي ٥ آلاف بسبب إهمال زيت الدبل هذا اللي خلاني أفكر أمس وأغيره

بالنسبة للأخ في الرد الأول الزيت أول ما فكه أمس نزل كثير ولا كان ناقص يمكن علبة كاملة اللي نزل

*_* مغيرين زيت دبل على 5 الالف ،، ومهملين !!! ، المهم الحين لمى غيرته حسيت بالفرق ؟ ان شاء الله ما أثر عليك بشي
تنصحني اغيره

^^^ ولاحسيت بأي شي الحمد لله أموره تمام، والتهريب اللي عندي طلع تهريب بسيط من الصوفية الخلفية اللي ماسكة مع العمود وشغلتها بسيطة الحمد لله

^^^ بالنسبة للتغيير والله ما أدري هل فيه ضرر اذا طول او مافيه؛ اسأل وشف ان شاء الله ما منها ضرر

الحمد الله انه ما خرب عليك شي ،،، ناوي أغيره بس بصبر عليك كم مده لين اتأكد انه ما يضر
ماحد يعطيني جواب محدد في الورش او للي عندهم ايدج ، كلن ضايع

كلمت رجال ،، احمد ال الشيخ قال فك عمود الدبل وريح بالك

يا عزيزي الكتلوج فيه كل شئ عن
الصيانه والتغييرات ...ارجع له
ولو ما عندك ممكن تحصل عن طريق النت

لا للغلاء

ياعزيزي ،،،انا ما دريت ان في زيت للبدل اصلا ولا كان حرصت عليه /،، وانا محتار اغيره بعد ما تعديت الممشى المطلوب او لا