أضف سؤال أو موضوع جديد          

صوت في ماكينه اكسبديشن 2013؟

up 3 down 0
عبدالكريم الصايغ 16
قبل سنه و 4 شهر



سلام عليكم ورحمه الله وبركاته. ظهر عندي صوت تكتكه في الماكينه جهه الراكب. واقلقني. جيت كذا مهندس قال تكايات او صبابات. ويقول ممكن تعض فالعامود. وش رايكم هل منها ضرر. وياليت اذا تعرفون ورشه فالرياض زينه تدلوني.  وكم تكلف اذا بشتغلها وشكراً 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الأفضل الاستعجال في إصلاحها. زميلي في العمل معه اكسبي يشن ٢٠١٣ نفس موديل سيارتك وطلع عنده نفس المشكله واهملها وراحت عليه الماكينه ووضب السياره ب١٠ آلاف تقريبا والمهندس يقول له هذا بسبب انه لايغير الزيت الا بعد ٨ آلاف كيلو. حسب تعليمات الشركه


up 4 down 2
sabal 582
قبل سنه و 4 شهر



اخ عبدالكريم
اذا انت تستخدم زيت 5w20 المكتوب على غطاء الزيت
فانت ما عندك مشاكل في التكايات والصبابات
افصل البطارية شوي وارجع اشبكها يمكن حساس الكرنك
او انك غسلت السيارة بستم ودخلت الموية على الكويلات
غير بواجي من الوكالة وهذا رقمها ولازم تكون واقف على راس الانسان الي بيغيرها
عشان تتاكد انه غيرها كلها ترا بعضهم لك عليه
وهذا رقم البواجي
HJFS24FP/SP-509

وإذا ما تسنعت فانت من الناس الي يغير 20W50
والله يعينك على التكايات


up 2 down 0
m1m1m1m1m1 438
قبل سنه و 4 شهر



فيه حساس خاص بوزنية
البلوف والتكايات ويجي منه
اثنين على كل راس حساس
الله العالم انه يحتاج تغيير
شيك على الحساس اللي جهة
الراكب.... غيره ...وتظبط ان شاء الله


up 0 down 0
لا للغلاء 818
قبل سنه و 4 شهر



صوت التكايات يطلع اول تشغيل السياره واذا احترت يروح ؟؟ 


up 1 down 0
وعلى نياتكم ترزقون 311
قبل سنه و 4 شهر



بخصوص الزيت. من اول مااخذته من الوكاله. اغير موتر كرفت ١٠،٣٠ 
وماحفظ علي السياره لان اغلب الوقت واقفه بس اخر مره تقريياً الزيت اكثر من ٣ شهور ماغيرته وماشي حوالي ٧٠٠٠ نسيت اغيره. 
بخصوص البواجي لها اكثر من سنتين مدري احد يدلني على ورشه بروح لهم بعد العيد. وشكراً لكم 


up 1 down 0
عبدالكريم الصايغ 16
قبل سنه و 3 شهر



اللي يقول حساسات وين مكانها. فالسياره لاهنت. جيت واحد فلبيني اشتغل عنده من قديم قال هذا تكايه. شغل اليد ٧٠٠ ماهو مشكله لكن المشكله مايوجد قطع غيار بحق ان منطقه الرياض تبعد عني ٥٠٠ كيلو.  وشرايكم هل افكه واشوف احد يجيبها لو اني اسافر عليه لرياض. ترا تقروشت من التفكير 


up 0 down 0
عبدالكريم الصايغ 16
قبل سنه و 3 شهر



السلام عليكم في واحد متخصص في الامريكي وماشاء الله شغله ممتاز اسمه ابوجهاد له مقاطع على اليوتيوب قناته اسمها قروب تاهو ويوكن ابوجهاد رقم التواصل واتس اب 0581690899
وبإذن الله يفيدك


up 1 down 0
yahya alajlani 673
قبل سنه و 3 شهر



وعليكم السلام. ابوجهاد موقعه وين. الله يعافيك


up 0 down 0
عبدالكريم الصايغ 16
قبل سنه و 3 شهر



في الرياض ، ويعافيك


up 0 down 0
yahya alajlani 673
قبل سنه و 3 شهر



اذا مثل صوت الطق في المكينه هذي عصافير المكينه فيها واحد مجيم ويضرب بالعمود
وراح يخوب عليك العمود مع الاستعمال وتكلفت اصلاحه بسيطة
ينفك غطاء البلوف وتتغير طبعاً كل المعندسبن الي كشفت عندهم يقولون التكايات والي يقول توضيب والي يقول مخبط وطلعت المشكله مثل ماقلت لك



up 0 down 0
badr11554 3
قبل سنه و 3 شهر



الاخوه الافاضل. بعد عناء شهرين. بين الورش اللي قال تكايات واذا مشحمه لازم نفك المكينه برا واللي قال خله عادي بيمشيك سنتين قدام. كلام كثير جيت فلبيني قالي بفك غطاء البلوف ونشوف. فكيناه وطلع واحد من العصافير او يسمونه كفر تكايه والخمدلده غيرتها كلها العصافير وطلعت السياره مثل اول واحسن بدون صوت. الحمدلله


up 0 down 0
عبدالكريم الصايغ 16
قبل سنه و شهر