بخصوص ثلاجة المكينة اخذ جديد ولامستعمل

المشكلة ياخوك ماتبان الثلاجة من النظر لازم تركب عشان يبان فيها تنسيم او لا لذلك خذ جديدة افضل لك 

لا تاخذ من الوكالة
مر على محلات القطع كلها ويمكن تحصل درجة اولا بنصف السعر
اهم شي لا تاخذ مستعمل عشان تحس لها تاريخ صلاحية
فترة وتخرب بدون سابق انذار

ابد الثلاجه خذه من التشليح لو ضمان ٥ايام اهم شي ينضفونه

الاصلي غالي... شوف التشليح واشرط عليه ضمان شهر اقل شيء.. وابحث عن العمالة الفاهمة بالتركيب.
كان معي ماركيز وبدت تهرب الثلاجة وينزل الماء على البواجي ..وحصلتها غالية واخيرا ب300 ريال من التشليح ومع التركيب وزي الفل.

اشكولله اخذت اليوم جديدة اصلي بي 1150 من غير الوجيه

اشكولله اخذت اليوم جديدة اصلي بي 1150 من غير الوجيه

مبروكه والجديده ماهي خساره بدل قروشة التشاليح
هذي عطلانه هذي تنسم وخسارة شغل

بالنسبة للفورد يفضل إنك تغيير دائرة التبريد كاملة
خاصة اذا ممشى السيارة كثير وبدأت عندك مشاكل في الحرارة
ثلاجة المكينة لا تأخذ الا الأصلي مع الوجه او القازقيت من موزع معتمد يكون عليها ختم او نقش كلمة ford اما صيني او أمريكي ما تنفع
و عمرها قصير و سعرها غالي حدود 700 وأسأل مجرب

يفضل تغير معها :
طرمبة ماء
بلف حرارة
الرديتر إذا كان تجاري و قديم ركب جديد مكسيكي
و ماء أصلي موتركرفت + مقطر

و كل 100 ألف كم غير ماء رديتر أصلي و بلف حرارة


وبأذن الله تنسى مشاكل الحرارة و تعطل الطرمبة و الثلاجة
سنوات إن شاء الله.