أضف سؤال أو موضوع جديد          

كيفية التعامل مع الأعطال الكهربائية والابتعاد عن الخساير

up 5 down 0
هبووب الشمال 102
قبل 3 أسبوع و 2 يوم



بسم الله الرحمن الرحيم
السلام عليكم ورحمة الله وبركاته
مساكم الله بالخير
الله يبلغنا ما تبقى من شهر رمضان
زي ما انتم شايفين عنوان الموضوع لكن عندي نقطه احب اذكرها ماعليش فيه كثير من الناس يقول عندي السيارة تفتف غيرت بواجي وصفاية بنزين ونظف البوابه وبرضه تفتف يعني ماعليش مع احترامي الشديد تشخيصك للمشكله على عيني وراسي وشي جميل انك مهتم بصيانه الدورية تعرف ان القطع الاستهلاكيه تصلح تفتفه هذا حاجه حلوه لان بيني وبينكم الواحد يروح الورش اللي يقوله كويلات واللي يقول بواجي واللي يقول بخاخات ويدفع مبلغ وقدرة وبالاخير ما عالج الخلل يعني ما ادري لمبة الماكينة لما تولع حاطينه مزهرية بالطبلون
الحل ي شباب مجرد ماتولع لمبة الماكينة افحصصص لان المبة تولع اما حساسات او مشكلة بالكهرب عادي ادفع مية ريال ميه وخمسي فحص اول حاجه الفحص يعتبر تشييك لسيارة يصير عارف سيارتك من إلى هذي اعتبروها من ضمن الصيانة والأمر الاخر يطلع لك كود مثلا عندك الحساس الفلاني فيه خلل خلاص انتهى افحص كهربت الحساس اذا واصله اشتري الحساس وركب وانتهى بدل ما تروح عند الورش اللي يقولك كويلات وتروح تغيرها ونفس المشكله وتروح عند ورشه ثانية يقول لك بواجي وتغيرها ونفس المشكله يصير انت خسرت من الجهتين الاوله تروح تشتري قطع وتخسر نفسك وتبدل قطع كانت شغاله زي العسل وكل هذا ماعالجت الخلل خسرت من الجهتين ف اسلم طريقة ي شباب اول شي اهتم بالصيانة الدورية وثاني شي مجرد ماتولع لمبة الماكينة افحصصص وعالج الخلل ضروري جدا جدا وبتخدم معك لان التفتفه الكهربائية امورها كثيره جدا جدا وحساس الشكمان ي شباب اغلب حقين الفحص لما تفحص ويطلع عندك كود حساس الشكمان يقولك ماله ضرر بس صرفيه خفيفه يعني ما ادري من فين جابوا هالكلام السيارة الان صارت او اصبحت شغاله على كمبيوتر وحساسات اي خلال ف احد الحساسات يأثر على العزم مباشرة ويزيد صرف البنزين ويزيد الكربون على البواجي وداخل غرف الاحتراق ف صين سيارتك اول باول حسب الكتالوج تبعها وامورك تمام التمام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكله اخي الكريم في نظام الفحص التقليدي ماقبل التسعينات اللي ماشين عليه اغلب الورش مثلاً اول ماتعرض عليهم المشكله على طول يقولك افتح الكبوت ويقعد يطلطل في السياره واذا ماعرف الخلل وتوهق جلس يخمنلك ويقول ممكن كذا وممكن كذا وممكن ،،، الخ ويدخلك في متاهات كثيره انت في غنى عنها اهم شي يبينلك العامل بالورشه انه فاهم ويعرف كل شي لكن في الحقيقه مايدري وين الله قاطه ’ والكثير منهم لايملك جهاز لفحص السيارات وحتى لو ملكه ماقدر يتعامل معه ، واتوقع 75 او80 يالميئه من الورش على هاذه الحال مع الاسف ،
بصراحه ودي يطلع نظام جديد بمنع فتح اي ورشة سيارات الا بشروط محدده ومن ضمنها /
1_ توفير عمال متخصصين بالمهنه ولديهم شهادات مهنيه صناعيه معتمده
2_ خبره بالمجال لاتقل عن 5 سنوات في نفس التخصص
3_ يجب ان يتوفر بالورشه جميع اجهزة الكشف المخصصه للسيارات الحديثه
* وفي حال مخالفة هذه الشروط يتم اغلاق الورشه بالكامل مع الغرامه بلأضافه الى تسفير العامل المخالف خروج نهائي حتى يتم جلب البديل المناسب ،

اتوقع بس لو يطبقون هذه الشروط الثلاثه لكان انتهت قصة النصب والاحتيال من قبل عمالة الورش
وشكراً .


up 4 down 0
bakeetdo99 82
قبل 3 أسبوع و 2 يوم



انا حصلت معاية السيارة فيكتوريا ٢٠١١ فيها تفتفه وتقطيع رحت ٤ ورش الى يقول طرمبة بنزين
والى يقول صفاية البنزين وهل تصدق واحد قال ان المشكلة من داخل المكينة !!

اشتريت جهاز فحص ب ٦٠ ريال وفحصت ( لمبة المكينة ماكانت والعه )  وطلع كويل رقم ٤ وغيرته بنفسي والسيارة الان زي الحلاوة

انصح الاخوان اشتري جهاز فحص ب ٦٠ او ٧٠ لاتكلف نفسك وافحص بنفسك  ولا تكون ضحية تجارب سباكين الورش


up 5 down 0
دييكو 5240 11
قبل 3 أسبوع و 2 يوم



الفحص هو اول خطوة في الحل
 ولكن اكثر الناس تروح تصلح بدون فحص وتخسر وقت وفلوس على تنظيف أو استبدال قطع سليمة


up 2 down 0
abdulss 205
قبل 3 أسبوع و يوم



لايك لكاتب الموضوع


up 1 down 0
abdulss 205
قبل 3 أسبوع و يوم



أهم شي الفحص ..
وثانياً لاتصدق الميكانيكي أبداً وأشرط عليه إذا كان تغيير القطعه اللي إقترحها لم يغيّر من
الوضع شي هو يتحمل قيمتها .
لكن للأسف الشديد الغالبيه يصدقون الميكانيكي ويغير قطع مالها لازمه وبمبلغ وقدره ولم
يتغير في الموضوع شي والآخرين يتركون سياراتهم بكل بساطه إذا قال له الميكانيكي
تعال بكره وتلقاها جاهزه وحينها يستغل الفرصه الميكانيكي ويصكه ب2000 أو 3000
ريال والشغله تلقاها يمكن فيوز بريالين غير إنه يشلح منها قطع ويركب له غيرها مستعمله
والكثير الكثير الذي لايتسع المقام هنا إلى ذكره .


up 1 down 0
jakwar2004 351
قبل 3 أسبوع و يوم