ماركيز يطلع دخان خفيف وغير متماسك

برضه الطبلون عندي يشتغل ويطفى كثير واغلب الوقت طافي
مشغل برنامج بالجوال عشان اعرف سرعتي
احد يعرف حل هالمشكله؟

اعتقد بعد ٧٠٠ الف خلاص عمر المحرك انتهى

ممكن الدخان جلد بلوف والله اعلم بالنسبه للأصوات يبغالك تروح ميزان وتفحص من نحت بطن الموتر اكيد في قطع قديمه وانتهت يبغالك تغيرها بس ذا الي عندي والله اعلم وان شاء الله يفيدونك الشباب

اذا فيه ريحة زيت محروق و نقص زيت احتمال جلد بلوف تحتاج
تغيير مع التشييك على اجزاء المحرك من الداخل الجنزير و الشدادت
مع تغيير طرمبة الماء و الزيت بما إن السيارة ممشاها فوق 300 الف كم
و مكينة الفورد عملية ما شاء الله

ادا على طبلون عندك الفيوز ،، للي تحت الدركسون ،، انا صلحتها وما خد شي مني بس تقدير له عطيته
صار لي ست شهور من ورشه لورشه وما صلحه الا هو ولا طلب مني شي

والدخان احيان يكون طبيعي ، خاصه ادا دقيت سلف من اول تشغيل يطلع ،،، تقدر تشيك عليها قبل تتكلف كثير ،، حدود تصليح بين 3500 الى 4500

مادام السيارة مشت 700 الف ما شاء الله. فالافضل انك لا تشتغل فيها
بمشروع تصليحات سواء توضيب للمكينه او اصلاحات اسفل السيارة من
اذرعه و مساعدات و جلود و غيره. لانك حتدخل في تكاليف عاليه جدا
مع نتيجه قصيرة المدى.
اذا مازلت تحب الفورد خذلك موديل احدث مثلا 2011 و يكون ماشي قليل
حتستمتع بسواقته لانه كل شيء فيه جديد و غير مستهلك و حيمشيك فترة طويله
بدون مشاكل بإذن الله.

تأكد في البداية من جلد البلوف

حصلت لي نفس مشكلتك هذه جلد بلوف وافضل شي تغيرها بدون ماتفك الراس المكينة شغل اليد 400 الى 600 ريال

سويتها في الاحساء ورشة حبيب البطي

قيمة جلد بلوف الاصلية 350

بالنسبة للدخان غالبا انه جلد بلوف بحكم الممشى وجلد بلوف من علاماتها يطلع دخان متقطع

لها حل مؤقت وهو استخدام زيت ثقيل او في واحد من الشباب حط زيت حق سيارات ديزل ومشاء الله عزم ولا ينقص قطرة بس ما انصحك فيها

اما الحل الثاني هو تغيرها بالزرقينة بدون فك الراس شغل اليد 500 والقطع حدود 400 يعني حول 1000 غير معاها وجيه اغطية الروس

وتشييك بسيط للمحرك مثل القطع الاستهلاكية فلاتر صفاية سيور الخخخ

والافضل تسوي تصفية شاملة للمحرك تنظف ثلاجة بوابة بخاخات بواجي الخخخخخ

بالنسبة للبطن ف غالبا انها جلد مقصات مسامير توازن جوازات حولها

المقصات سواء العلوية او السفلية يجيلها جلد مستقلة نوع امريكي ممتاز والجوازات والاذرعة ومسامير التوازن خذها وكالة

ونظام التعليق الخلفي شيك عليه فقط

طبعا انت لا تغير الا الي يقولك عليه الميكانيكي علشان ما تخسر نفسك بس انا اقلك الخرابات مبدئيا بحكم خبرتي في الفورد

كمان لا تنسى تشد البطن كامل مثل جلد البودي ترتخي مع الوقت

التكلفة حدود 3000 ولو تكملها توديها التلميع ينفظوها من الصدام للصدام مع الداخلية

بكذا كانك ئسويت تجديد كامل للموتر وان شاء الله يكمل المليون

ماشاء الله... يعطيك خيرها ويكفيك شرها وعقبال تكمل مليون

الدخان اذا كان اسود وخصوصا عند الوقوف الطويل  هذا كربون ومعناته في مشكله بالاحتراق واغلبه بواجي  واحيانا حاجات ٣انية.

شكرا بحجم السماء لكل من فادني وممتن لكم