مشكلة بالدينمو تعبتنا ولم نجد لها حل أبدا

في ورشه احمد الحربي في ابها -تواصل معه او ارسلها له

حياك
الله اعلم المشكله من اسلاك البطارية الموجب والسالب 
بدلهن حتى لو يوصلن احتمال فيهن ضعف 
والله يسر امرك

وعليكم السلام ورحمة الله وبركاته
اعمل فحص في الوكالة افضل

الفيش الاسود الموصل في الدينمو فيه المشكله , افحصه او بدله

ممكن اللي ركب لك الدينموا ماركبه زين ارحع له خله يشد الصواميل زين

كل الي ذكرتم

سويناه قبل مافي أي أمل

وصراحة فقدت الأمل

بيعها تشليح وريح راسك اكيد فيها مس السياره

شيك على الاسلاك الي موصله في البدي

عرفت جزء من المشكلة وماادري كيف احلها

من بعد السحور وانا افك واركب ، ادور للمشكلة


ومعي قطعة للفحص ، وطلع لي مع مشكلة الدينمو مشكلة بكويل رقم ٥ + بخاخ رقم ٥

السالب مايوصلها بالرغم يوصل البقية


المهم مديت سكلك عريض من سالب البطارية على جسم الدينمو مباشرة


بمجرد مايلمس الدينمو كأنه يلتمس ويشتغل ويشحن ولكن يعطي فولت عالي جدا يوصل H


طبعا السلك الي وصلته بدون ربط بس المس الدينمو حتى يشتغل وأتركه

واطفي السيارة وارجع اشغلها طبيعي

لكن لو تركتها نص ساعة مثلا ماعاد يشحن الدينمو

ايش العلاقة بين البخاخ والكويل

ولما اوصل سلك سالب لجسم الدينمو يلتمس ويشتغل ويطلع صوت زي الزنه


ملاحظة // لكي اعرف ان المشكلة مو من البطارية ولا الدينمو ركبت كذا واحد ونفس المشكلة

الدينمو الي يطلع فيه صوت ركبته بسيارتي الثانية وممتاز لاصوت ولاشي وفولت ١٤ ونص

المشكلة لها علاقة بشي يخص كويل وبخاخ رقم ٥ مع الدينمو

لكن ماادري ايش هي

واضح ان كهربة السياره ملعوب فيها مالك الا تدور لك كهربائي فنان

الحمدلله حليت المشكلة

لكن الغريب ايش علاقتها بالدينمو



بعد مافقدت الامل بالورش من الصباح وانا شغال فيه مانمت غير ساعتين



طلع في سلك سالب داخل ظفيرة المكينة وانجرح احد اسلاك البخاخ رقم ٥ ويلامسه


رممت الظفيرة وعزلتها والحمدلله كل شي تمام


شكرا لكل الي ردو

صراحه انا مارديت لان ماعرف حل .. 
لكن متابع للموضوع .. 

وكتبت لك الحين اهنيك على جهدك واصرارك لمعرفة الحل .. 

بالتوفيق اخوي 

والله شكرا لك انت طرحت المشكلة واشتغلت وفكرت وابدعت وصلحت وشاركت الحل معنا
هالحين اكيد انك تشعر بالانتصار والراحة النفسية كون الشغل بيدك واظافرك

ان شاء الله اخر الاعطال وعقبال موتر وكالة للجميع يارب

ما شاء الله

بالتوفيق