العـــــــــــــــــــــــــــــــــــــموم ثابت

عز الله انگ صدقت وأحلى لاايگ

قال صلى الله عليه وسلم 
لايدخل الجنه قاطع رحم 

الله يلطف بحالنا وجزاك الله خير على التذكير

الله يذكرك الشهاده ولك لايك 

ازورهم عشان صلة الرحم ولا هم مايسووون


مايدقون على جوالي الا وقت المصلحه


يا انه عنده تقديم فالرياض وجاي يجلس عندي او عنده شغله بيخلصها ويدق علي طبعا عشان يجلس عندي


بس انا على طوووول اكرشهم


مره جاني رقم غريب رديت والا يقولي اخبارك وعلومك كيف امورك انت بخير والله اشتقنا لك ؟


قلت من معي ؟ قال ولد عمك ....


قلت هلا حياك ((( طبعا شاقح عارف انه ولد عمه متصل عشان مصلحه بس ))) هههههههههه


قال ابد بس حبيت اطمن عليك واخذ اخبارك بس المهم انا عندي تقديم فالرياض وماعرف شي فيها ؟


قلت انت متصل علشان صلة الرحم ولا عشان تبي مصلحه تخلصها وبعدين تسحب علي مثل العاده ؟


تهاوشت معه وكرشته ههههههههه


اللي متواصل معي وفيه خير اخدمه بعيوني وهم ينعدون على الاصابع


واما الباقي فصارو عارفيني انه انا شخص ماتمشي معاي المصالح المؤقته


يعني لحد يدق علي عشان مصلحه


وبيني وبينكم القرى هذولي ماعندهم الا المشاكل والقيل والقال والشماته لذلك انا ازورهم اسلم عليهم وامشي ماجلس نهائيا

وانت بخير وصحه وسلامه .. شاقح غلطان المفروض تساعده مهما يكون زيارته لكك مصلحه ولا لا لان وانا اخوك الدنيا دواره يعني يجيك يوم انت تدوره احسبها زين قبل تكرش العالم خخخخخخ

اهم شي زور كبار السن اما الي قدك واصغر منك اسحب عليهم

اثاري الي عندكم عندنا




وانا مستغرب

فيه واحد حاط ديس لايك مسوي نفسه بطران ههههههههههه


يارجال اقسم بالله مافيهم الا من رحم ربي


كنت شغال فكارفور وكان راتبي 2400 ماكان احد من جماعتي يطالع فيني ولا حتى يضرب لي حساب


اتصل عليهم اتواصل معاهم محد حولك هذا لاني مطفر وعلى قد حالي


بعد ماتوظفت فمستشفى وصرت استلم راتب وقدره وصار لي منصب


جاتك الاتصالات من الديره من كل مكان !!!


توهم يعرفوني او كانو ناسيني ههههههههههههههههههه


جوك الحين يتصلون وتجيك الرسائل واللي يلمح يبغاني اتزوج من عنده واللي يبغى مصلحه من المستشفى


!!!!


طيب وينكم عني يارسرابيت يوم كنت طايح فالرياض استلم راتب 2400 واتصل عليكم ابي مساعدتكم لي محد كان معطيني وجهه


ياهوه سلف وارده بعدين انا وضعي صعب ظروفي صعبه تكفون ...


والله محد وقف معاي منهم ولا حتى سئل عني كلهم ساحبين علي لاني مطفر ومحتاج


وحاليا اي واحد من هذولي اللي سحبو علي زمان يتصل علي او يفكر يطلب شي والله انه لينكشر سلام سلام وفوجهه بعد


وحدهم اجيهم عشان صلة رحم اسلم عليهم وامشي


قالو ايش قالو احنا اصلا نحبك ونبي نزوجك ونساعدك !!!!


حبتكم القراده واحد ورى الثاني


5 سنين طايح فالرياض متمرط متبهذل مطفر اخلص دوامي واروح اشتغل كداد عشان اوفر مصروفي الشهري حق الاكل وايجار الغرفه


ماعمر احد فيهم اتصل لو مجامله قال تبي مساعده محتاج شي ؟؟؟؟؟


خلوني شماته بينهم يقولون هذا طايح لا دور على شغله صاحيه ولا شي قاعد يكد بين الخطوط ليه مايشوف شغله صاحيه !!


لعنو ابو ابليسكم هو انا لاقي شغل زين عشان ابعد عن كلامكم يالسرابيت


الحين بعد ماالله فتحها علي من حيث لاتحتسب جتك اتصالاتهم جاتك خدماتهم وانا فقلبي نار على ال5 سنين كانو ساحبين علي ماخذيني شماته


ليت صدام وفر صواريخه ورماها على الديره وكتم بلوفهم واحد ورى الثاني


وياليتهم يتركونك فحالك لابعد ولد عمي شاف معي سياره جديده قال شلون جبتها وانت توك موظف ؟


بعدها طبت فيها خرابات مدري من فين جات يعني عيانين


عيونهم حاره وحقين قيل وقال وفتن واي غلطه بسيطه يكبرونها وينشروها ويتكلمون فيها وفصحابها !!!


اقسم بالله العظيم انه واحد من جماعتنا انطرد من الديره ومامعاه الا المتوسطه لصقوا فيه انواع الجرائم والتهم واكلوه بالكلام


طلع الرياض مطفر واشتغل فمكتب عقار ماكمل 4 سنوات الا هو معاه شبح وفياقرا وعنده اراضي وبنى بيت اهله فالديره


وصار الان متدين ويصلي فيهم بعد وصار اماهم اذا نزل الديره


وسبحان الله بعد ماكانو يقولون انه فاجر وانه راعي خراب وفيه وفيه


الحين رجع لهم غني ماديا وصارو يصلون وراه


وقاله لي بنفسه


قال شوف تفتكر هذولي اللي سووا فيني كذه وكذه واتهموني ؟


الحين كلهم صارو يصلون وراي ويحترموني والبعض راح تسلف منه ههههههههههههههه


يعني قلبت عليهم الدنيا


خلني ساكت بس والله اني فالرياض مرتاح ومبسوط مفتك من شرهم


واعتقد نزلة عنهم حلقه فطاش ماطاش يوم راحو ديرتهم وانقلب فيهم الجمس وصارو شماته والكل عارف هذه الشي


قال ايش قال جماعتك والله حدهم صلة رحم ابو نص ساعه وتخب عليهم بعد

 اهم  شي الشيبان  سلم عليهم  والولدين  وخوال وعمان    وباقي  سيفوووووووووووووووووووووووون 

أنيق شكلك تعاني من الشي اللي اعاني منه هههههههههههههه

قصدك اللي يدرسون فيها 4 سنوات بعدين يتخرجون مدرسين هههههههه لالا مادرستها


بس درست فيها دورة سكرتاريه تنفيذيه ودورة طبيه ودورة حاسب فمعاهد برى على حسابي


بس انت لاتعتمد على دراسة الجامعه بسسسسسس


شوفلك دورات حاسب وانجليزي وانصك تاخذلك دراسة دبلوم سكرتاريه طبيه فالجامعه انا كنت بدخل فيها ب50 الف تتخرج وتلقالك وظيفه لانه المجال الطبي فاضي من السعوديين