أحبتي حذاري من ورش الفحص التي هدفها الماده
13
2
إضغط هنا للإخفاء
السلام عليكم ورحمة الله وبركاته
اخواني
اخوكم السهل الممتنع احب ان ينقل لكم ما يعتقد ان البعض قد يجهله( وان قلت الاكثريه تجهله )
عند شرائك سياره من السوق
اول مايخطر ببالك هو ان تذهب للفحص قبل الشراء
وهذا هو الصحيح وهو القرار السليم
ولكن
وإنني لا أُعمم
!!!!!!!!!!!
لا أعمم
بل أخص مع انهم على الغالب هم الاكثريه
( اقصد المراكز التي تنتشر بجانب المعارض )
انا بحكم شرائي للكثير من السيارات وبحكم انني قد بعت الكثير
أصبحت لدي خبره جيده جدا اعرف كذبهم من صدقهم في شرح الاعطال
التي يقولون عنها ( بعد الفحص والتجريب )
وان اكثرهم لايوجد لديه ذمه ( وأشهد الله على ذلك من واقع تجربه )
يعني تماماً مثل غش الشريطيه لان الغالبيه من الشريطيه غشاشون
ولا اعمم ( يوجد نسبه تريد الكسب الحلال )
ندخل بالموضوع وعفواً على الاطاله
1
..................................................................
سياره موديل على سبيل المثال ؟؟ 2011
تكون شبه وكاله
في حال انه لم يجد اعطال يبدأ بالتذاكي على الشاري وبعض اخواننا لايعرف
ولايقتنع لانه يعتبر ان اي بائع هدفه البيع والغش
ويعتبر المركز هو كاشف الغش ( حسبي الله ونعم الوكيل )
يكتب لك تصفيه 400 ريال او 500 اجور يد + بواجي + + الخ .......
مع ان السياره صافيه لدرجة انك تحس انها طافيه ( هدوء التشغيل )
ويوم تقول له يا اخوي السياره صافيه وعزمها تمام ولافيها كربون ولا ولا
يقول لك
الكمبروتر قال كذا ( الكمبيوتر قال كذا بعضهم والله مايعرف يتكلم بس جايبينه يتعلم بنا )
والشاري يخاف ويهون
وبه منهم يعرف ان السياره مابها شي ويجلس يحاول ينزل
وبعضعم يرجع يسوي لها تصفيه لانه فرحان بموتره الجيد ويقول خلني استخدم مو خساره
وهو مايدري انهم ضحكوا عليه !!!!!!!!!!!!!!!!!!
وأشهد الله انها صارت كثييير بمواتر وكاله ( شهادتي انا السهل الممتنع الموضوع ليس منقول )
..........................................................................................................
2
.......................................................................................
سياره على سبيل المثال 2007
حالتها في الطريق ممتازه لاحذف ولارجه ولا تسمع اصوات في الطريق الترابي
تروح السياره لفحص
ويقول لك
ياشاري
السياره هذي تبي تربيط كامل وتغيير اذرعه هي حالتها طيبه بس ننصحك لازم تربطها
والشاري بعضهم يشري لانه يعرف انه كلام فاضي
وبعضهم يحاول ينزل
وبعضهم يهون يبي شي مابه شي يحسب ان كلامهم صحيح
يقول لك هذي سياره منهكه رايحه بر
..........................................................................................
3
.........................................................................................
سياره على سبيل المثال 2006
وتبديل قيرها رايق وسلس وممتاز وقوي ولاطقه ولا ولا ولا ولا 100%
بعد الفحص يقول
ياشاري
غير زيت قير وفلتر قير
والشاري كالعاده يخاف او يهون او يستذكي وينزل وهو عارف انه مافيها شي
....................................................................................
4
......................................................................................
سياره على سبيل المثال 2000
مافيها اي تهريب زيت وبطنها نظيف يعني 95% حالة بطنها
وبعد الفحص
ياشاري
لازم تغير صوف ال وال وال وال و
سوا الموتر تشليح
مع انك مافيه الا شبه تنديه مثلا بوجه او !
يعني ان غسلته راح سنه ماطلع بداله
وكالعاده خاف الشاري او هون او حاول ينزل
................................................................................
5
.................................................................................
سياره حالتها ممتازه جدا
بعد الفحص للمحرك
ياشاري الموتر مكينته طيب
ولكن لازم نشيك على وجه الراس ( شلون يمدح ويذم والله العظيم هذي صارت معي عدة مرات )
ولازم نشيك على الدينمو ( طيب الدينمو كهربه ممتاز )
يعني على اساس انه يعطونه نصائح قبل الشرا )
ولازم تغيير السيور
والشدادات
................................................................
والكثير الكثير من القصص
ما ابي اطول الموضوع الى حد الملل
...............................................................
اكيد تقولون ليه يسوون كذا
1 الزباين اللي يهونون عن الشريه يرجعون يفحصون عندهم واجرة فحص من جديد
2 ان شرا اللي فحص راح وسوا تصفيه وتربيط وتغيير سيور ومشدادات وبكرات
وهفي يا فوتير اسعارهم سياحيه ( بسياره مابها شي ) تغيير بلاوجع قلب
أكتفي بهذا الشرح
وأشهد الله مره اخرى انني لا ابالغ بلعكس انني قد اختصرت الكثير الكثير
من غشهم ولعبهم
ولا اعمم قلت البعض او الاكثريه
تحياتي لكم
إبلاغ
الردود
وفعلا كلامك صحيح مليون بالميه وحصلت معي كثير وانا متعامل مع واحد فلبيني من 5 سنين اعرفه والحمد لله كل السيارات اللي نفحصها عنده سليمه ويعلمنا الملاحظات البسيطه اللي فيها
وبالنسبه لاخوي شيخ المعارض انا انبهك من ساسكو لانه فحص فااااااااااااااااااااااااااااشل وهقني في موتر اقسم بالله للحين ادعي عليهم ولما مره جيت ببيع سياره قال عمود الكرنك خربان اقوله موتري من 5 سنين استخدمه تستهبل انت قال والله انه خربان
ورحنا انا واللي بيشتري لفحص ثاني قال السياره سليمه والصوت هذا اسمه بلانسر وقيمته 500 ريال مع التركيب والحمد لله ركبه صاحب الموتر واتصل علي وقال راح الصوت وذاك النصاب خلاه عمود كرنك الله لا يوفقه يارب
وانا انصحكم بفحص بهجة عسير ممتاز جدا جدا والفلبيني اللي فيه مجنون ومتعاملين معه نااااااس كثييييييييييييييييييييييييييييييير
وبالتوفيق لي ولكم والله يرزقنا بالرزق الحلال
3
0
خذ الموتر اللي تبيه واتفق مع راعي السياره ورح انت وياه افحص في تي محل يعجبك واذا. رفض فهي خيره اعرف ان موتره فيه بلا
من مراكز الفحص بالخبر في الصناعيه الثقبه / الشبل
في الدمام ورشة سهم
بالتوفيق
3
0
اهم شي الموتر وقفته طيبه ومشيته حلوه
وبعد كذا فحص سمكره عند سمكري مختص
وفحص ميكانيك وكهرب واذرعه ومقصات وخلافه وانتهى
اصلا الكمبيوتر مجرد قرائه لشغلات معينه
2
0
1
0
2
0
2
0
تم تقييمك
1
0
1
0
1
0
1
0
1
0
0
0
لاهنت
1
0
اخواني الكرام بالنسبة لموضوع الفحص موضوع جدير بالاهتمام لأنك كزبون ما تدري وتخاف من الشريطي وتخاف من محل الفحص ومع كثر المحلات ما تدري منهو الصادق ولكن هناك معلومه لازم الكل يعرفها وهي ان جميع اجهزة الكمبيوتر الموجود تفحص الأجزاء الكهربائية والإلكترونية
وليس لها دخل بتاتا في الأجزاء الميكانيكية ومن هنا لازم نعرف ان التهريبات والحذف والاصوات تعتمد وبشكل كامل على الفني اللي قاعد يفحص وعلى خبرته وقد تختلف المعلومة من فني لآخر
والشي الاخر المهم ان هناك اجزاء واشياء استهلاكيه يجب تغييرها بدون اللجوء للفني وبقرار من صاحب السياره كما هو مسجل في كتالوج السياره مثل صفاية البنزين وزيت المكينه والقير وفلتر الهواء وفلاتر المكينه والقير وسير التيمن وسير المكينه طبعا من واقع خبرة فحصت عند محل اتجاهات امان فحصهم ممتاز جدا ودقيق ويشرح لك كل كبيره وصغيره بعد وكالة الفلاح ع اليمين انصحكم به
وجوالهم 0555750389
0
0
غالبا يطلع عندهم تصفية ماكينه بس واحيانا مساعدات فقط
سيارات سالفج والله مضروبه واكلم الزبون واقوله واحيانا في صور متوفره وقت الصدمه والله يقولي ان الفحص قال سليمه من الحوادث
والله فحص الكومبيوتر كلام فاضي((الا بعض الاجهزه الخاصه بالالماني))
الفحص يبيله
ميكانيكي شاطر +سمكري فقط والكهرباء تقدر تفحصها من الظفاير والفيوزات
قبل 12 سنه و شهر