أضف سؤال أو موضوع جديد          

مشاكل الفورد والطفيه

up 1 down 1
sami 2472 1
قبل شهر



السلام عليكم اسعد الله مساكم

مشكلتي ب فورد كروان فيكتوريا 2005 تطفي علي

اذا كنت ماسك خط مثلا ورجلي الله يكرمكم على الدعسه تقول من طفا الموتر فجاءه
وهي تمشي .بغيت اجيب العيد والله ستر .غيرت صفايه ينزين قبل 3 اشهر تقريبا وسلكت والحين وديتها الفحص.. اللي قال عندك طرمبة بنزين واللي قال البوابه تحتاج تغير
لكن انا خالفت الامور ذي كلها وقلت ابدى بالاصغر رحت لكهربائي وفك بوابه الثروتل ونظفها وسلكت معاي حق ابو اربع ساعات كذا وطفت بعدها.. وادق سلف مباشره تشتغل ماتتاخر
بحثت واستفسرت قالو احد ذي الاحتمالات
حساس منظم الهوا او حساس عمود الكرنك او طرمبة بنزين

اتمنى تفيدوني الله يعافيكم لاني تعبت والله من مشاكلها واللي يعرف ورشه ممتازه بالطايف لايبخل علينا بالاسم والمكان وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
صراحة هالمشكله اكيد كلن بيقول شي
هذي يبي لهاكهربائي عنده ذمه وضمير 
لن اعطال مثل كذا كلن بيلعب لعبته
لاكن اي احد يقول اضبطها لك اشرط عليه اذا ماضبطها
راح ادفعه قيمة اي قطعه يغيرها بدون فايدة
وباالتوفيق


up 1 down 1



ادفع 50 ريال على فحص كمبيوتر وتعرف اش الخلل
ولا القيل والقال وفي الاخير نفس المشكله
وتخسر وقت وفلوس على الفاضي


وعليكم السلام ورحمة الله وبركاته
نصيحتي خذ الموتر الوكاله وافحص كان تكلفة الاصلاح مناسبة لك صلحها عندهم ولا صلحها برا على الاقل تعرف المشكلة
هذي طريقتي بسيارتي
وبالتوفيق


افحص ادفع 100 حق فحص يطلع لك المشكلة يعتبر تشييك على السيارة يصير عارف المشكلة وتروح تغيره وانتهينا بدل ماتروح عند كهربائي يقولك والله عندك طرمبة بنزين وتروح تغيرها ونفس المشكله وتروح عند واحد ثاني يقولك لك حساس منظم هواء ونفس المشكله يصير انت خسرت من الجهتين غيرت قطع كانت على السيارة شغاله زي الحلاوة وشريت قطع على اساس تعالج المشكلة وكل هذا ماعالجت المشكله ممكن المشكلة فيش حساس الكرنك مو مشبوك صح ف اسلم طريقة افحصص بمركز خاص بالفورد وانتهينا بلا تسال فلان وعلان ويش اصلح وماصلح


up 1 down 1



غبر كتاوت الطرمبه حتى لو قالك سليمه ماتتعدى ٣٠ ريال واذا ماضبطت عندك مشكله في الظفيره شكلك توك مغير مكينه


up 0 down 3
saif2257 111
قبل شهر



لا ماغيرت المكينه لكن ببدى بالاصغر فالاصغر


up 0 down 1
sami 2472 1
قبل شهر



صارت معي فالفورد وكان السبب غريب وعجيب وهو حساس القربة،، اذا تبغى تتاكد انه حساس قريبه او لا فيه اختبار بسيط جداً وهو انك تفصل الحساس و امش فالخط اذا ماطفى فهو منه بس لازم تغيره لان اذا فصلته او هو خربان يصرف بنزين ويكربن بالمكينة


غيرت طرمبة بنزين وصفايه بنزين ولازالت تطفي للاسف .. الوافي حساس القربه هذا وين يكون بالتحديد


up 0 down 0
sami 2472 1
قبل 4 أسبوع و يوم



والله جنني هالموتر ركبت طرمبة اصليه وصفايه بنزين اصلي ونفس المشكله


up 1 down 0
sami 2472 1
قبل 4 أسبوع و يوم



حساس القربة فوق قربة الهواء الي فيها فلتر الهواء وسو زي ماقلت لك افصل الحساس اذا ماطفت اعرف انه منه وغيره بعدها لاتخليه مفصول لانه يسبب كربون للسياره ويزيد صرفية البزين


up 1 down 0
الوافي الساخر 614
قبل 4 أسبوع



افضله وامش بالسياره


up 0 down 0
الوافي الساخر 614
قبل 4 أسبوع



حليت المشكله يا اخوان بفضل الله .... طلعت من حساس طرمبة البنزين والله يوفقكم ويسعدكم جميعا
قيمة القطعه من التشليح ب 80 ريال والتركيي ب 30 ريال وضبطت السياره الحمد لله ..علما اني خسرت قيمة الطمبه والصفايه لكن الحمد لله لي وللزمن ونستفيد منها شكرا لكم ولو اقذر انزل الصوره نزلتها لكن هي تجي فوق البخاخ مسمارين فقط


up 0 down 0
sami 2472 1
قبل 3 أسبوع و 6 يوم