ناوي اشتري اكسبلورر

معي واحد 2013 وبعطيك بلمختصر أننننحشش

كم الموديل ،، اللي اعرفه صرفيته عالية شوي 

هو التانكي صغير هذا اللي يحسسك انه يصرف
مثل السانتافي
لكن افضل من ناحية الدبل نظام تضاريش
و التكييف الخلفي من فوق زي التاهو و اليوكون
فهذي ميزته عن غيره و سعره مستعمل معقول
شوف بعد المازدا CX 9 حول بعض بالاسعار

بعطيك برنت عن الموتر خصوصا فلوسك تجيب لك 2014 او 2015 نظيفات

- نظام الدركسون جاي كهرب مثل اغلب السيارات الحديثة وهذا دائما يضرب ويكلف مبلغ للتصليح وماراح تقدر تحافظ عليه لو شنو ماسويت
- الدبل دائما يهرب ويضرب معك ونزلت موضوع عنه سابقا
- المشاكل الكهربائية عد وأغلط وكل شي لازم برمجة (تغير كفر برمجة- تغير بطارية برمجة )
-البواجي اذا تبي تغيرهن لازم تفك وجه المكينة
-طرمبة الماء جودتها سيئة ودائما تخرب بعد فترة يعني كل سنة ونص وهكذا وطبعا سعرها مو غالي ولكن عشان يتم تركيبها لابد من فك المكينة
- عضلات السيارة ضعيفة كحال الفوردات تماما يعني بين 80الف الى 100الف تحتاج تغير المساعدات وكراسيهن وهذا لايجوز بنسبة لسيارة عائلية مثل هذا
-صرفية البنزين سيئة وبياكل جيبك
-قطع البودي مبالغ بسعرها فهي تجاوزت مرحلة الغلاء ووصلت لسعر السيارات الفخمة
- القير حقها يجي دبل كلتش لازم تهتم فيه اشد اهتمام وتراعيه بكل شي وتراعي زيته وتغييره الدائم

باختصار سيارة تصلح انك تاخذها جديدة وتستخدمها ثلاث سنوات علضمان ثم تبيعها واما تاخذها مستعملة وتستخدمها فـ بتطلع روحككك

اخر امالي
عطاك الزبدة 
يعني شف سيارة غيره
وباالتوفيق

الموديلات الاقدم كانت اقوى و اكثر انتشار. بالرغم من كذا
خراباتها كثير. و كثير منها معطله في الحارات. يامكينه ياجربكس.
و الموديل الاجدد قليلة الانتشار و اعتقد بسبب غلاء سعره و معقد و
مكلف في صيانته.

الله يجزاكم خير جميعاً , والله احترت مدري وش اخذ علماً اني ما اهتم بالدبل كثير , اهم شي سيارة عائلية وصرفيتها معقولة .

لا تبعد عن الياباني

السنة الجاية بينزل بشكل جديد كليا

في أمريكا اختبروه و عن قريب بينزل دوريات شرطة و عندنا اتوقع قبل نهاية العام و الله أعلم.