أضف سؤال أو موضوع جديد          

ماريكم في جراند ماركيز ووش افضل موديل ؟

up 1 down 2
أبو.فهــد. 29
قبل 2 شهر و 3 أسبوع



ماريكم في جراند ماركيز ووش افضل موديل ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


سيارة انتهت من 8 سنوات توقفت صناعتها . وبالتالي انتهى عصرها واصبحت من الماضي.
شرابة وشفاطة بنزين 8 سلندر . وسيارة حساسة وتحتاج عناية خاصة وقتها.
حجم كبير وضخم وتتعبك بالاشارات والحارات والمواقف.

انتهت خلاص. نصيحة لاتفكر فيها ...


up 9 down 13
ابو.نايف999 118
قبل 2 شهر و 3 أسبوع



عز الله اذا اخذت النظيف انه بريحك وانه من افضل المواتر الي سقتها راحه وثابت وقطع غيارها الاستهلاكيه رخيصه لكن العيب الوحيد فيها البنزين ولو تثبت رجلك بالدعسه تقل صرفيتها



up 12 down 5
1919. 26
قبل 2 شهر و 3 أسبوع



بالنسبة للصرفية فل ب 81 ريال يمشي حول 550 كم داخل البلد ومن 600 الى 750 خط بسرعة 120 كم صحيح انه 8 سلندر لكن عدد الاحصنة قليل علشان الراحة في الخطوط وليس التسارع (ما عدا البوليسي) ركز على اخر موديل لانه احتمال النظافة فيه اكبر من غيره بحكم انه تصنع من 8 سنوات وحط في عين الاعتبار تاريخ دخوله للمملكة كل ما دخل متاخر كل ما كان احسن لان الاستعمال داخل امريكا اكثر من مثالي , وبعدين الموتر داخل ضمن السيارات الموفرة للطاقة في السعودية وله شهادة صادرة من موقع كفاءة الطاقة انه مطابق للمواصفات القياسية السعودية من حيث استهلاك الطاقة كل لتر يمش 10 كم ونصف


up 6 down 3
المعتصم بالله 6519 362
قبل 2 شهر و 3 أسبوع



الماركيز واللنكن والفكتوريا مواتر نادرة مصممة انها تعيش لفترة طويلة جدا (مع متابعة واهتمام طبعا) وقطع غيار رخيص متوفر وعدة فئات والله يكتبلك الخير اخوي فيها او بغيرها من السيارات


up 3 down 2
المعتصم بالله 6519 362
قبل 2 شهر و 3 أسبوع



انحش عنه نصيحه ,صح هو اريح موتر ممكن تركب فيه بس خلاص زمن هذي السياره انتهى عندي واحد وامبهذلني رايح جاي عالصناعيه كل شهر اربط فيه من تحت اغلب قطعه مجدد مافيه جديد


up 8 down 7
نايف الروقي العتيبي 3
قبل 2 شهر و 3 أسبوع



موتر طيب .. وكفو 

خذلك موديل ١١ اخر موديل وحاول تدور مخزن او نظيف جدا 

واذا تبي ترتاح فيه لاتركب الا اصلي نصيحه 

وحاول تاخذ فل اوبشن ( هايدروليك ) للراحه التامه (:


up 4 down 2
m7md 33 882
قبل 2 شهر و 3 أسبوع



من ٢٠٠٦ الي ٢٠٠٨ مواصفاته تجي كامله اما بعدها صار يجي بس جلد ومكيف لمس ومرتبه السواق متحرك


up 1 down 0
saif2257 112
قبل 2 شهر و 3 أسبوع



خذ وارد امريكي.   مستخدم ١٢ سنة. زيت وبانزين 


up 1 down 1
kayan0007 156
قبل 2 شهر و 3 أسبوع



لا تستعجل ماتدري يمكن يرفعون اسعار البنزين
الفورد كلها نفس بعض المعدل الاستهلاك داخل المدن كل 6 كيلو تاكل لتر بنزين ( حسب دعسته رجلك)
على الطرق السريعة كل 10 كيلو تاكل لتر بنزين ( حسب دعسته رجلك)
لو حسبناها داخل المدن الفل مايتعدى 450
اما الطرق السريعة الفل يمشيك 650
طبعن الكلام هذا اذا محركاتها على الشرط والفحص ومتهم ب الصيانة الدورية الموجوده ب كتيب السياره
( خصوصا زيت المحرك ) الاغلب يحط ثقيل غير الموصى به




up 1 down 1
هبووب الشمال 50
قبل 2 شهر و 3 أسبوع



نسيت نقطه
الفل حقها والمبه توها تولع 81 ريال بنزين 91
اما اذا صفرتها مره توصل 100 ريال
محدثك معه ماركيز امريكي
وفقك الله....


up 1 down 1
هبووب الشمال 50
قبل 2 شهر و 3 أسبوع



هبوب الشمال انا تعديتك ومستوا في الصرفية حسب بين ال 500 كم وال600 بالفل داخل المدينة وانا حسبتها تعتمد حسب دعستك وحسب الزحمات والاشارات وووو واذكر مرة عبيتها من الطائف والفل وصلني لين القدية ومرة تانية رحت فيها من الدمام ووصلت الرياض البنزين فوق النص بواجد كيف مدري هههههههه (السرعة في الخطوط 120 كم )


up 1 down 1
المعتصم بالله 6519 362
قبل 2 شهر و 3 أسبوع



٢٠١١ فل كامل من اروع الموديلات ولكن اغلبهم الحين مكروف مر عليها ٨ سنوات نادر النظيف وعموما قطعها رخيصة حتى لو حصلت شي يبيله شغل خفيف وسعره حلو موب خسارة


up 3 down 1
benz lover 369
قبل 2 شهر و 3 أسبوع



ما باقي الا اسايس الفورد لأجل البنزين
لن تستطيع التوفير الا بشراء سياره صغيره
لا تحرم نفسك من اجل البنزين


up 2 down 1
هبووب الشمال 50
قبل 2 شهر و 3 أسبوع



شوف ياخوي لما تشتري الفورد خذ بعين الاعتبار العمر 8 سنوات مو بسيط لازم تتأكد من التهريبات لانها لازم تصير ولاتحاول بس تشوف تهريب المكينة
لا بل طالع كل نقطة في السيارة وركز على الالتماس لانه الالتماس ماينكشف الا مع الوقت


وركز علرديتر لازم تشوف بعينك ماء اخضر او احمر واما اذا ماء حنفية فأنحش لان الماء العادي مضر للمكينة (يتبخر علحرارة 100ويعني مايوصلها اصلا ومايبردها والاهم يضرب بسبته الثيرموستات)ومجاري الرديتر ويسبب لهن صدء

ومن ناحية العملانية فالفورد تقريبا مستهلك كله ولن تجد الفورد الي ممكن يمشيك5 سنوات بدون مشاكل ممكن سنة او سنتين بحد اقصى بعدها تبدا احد القطع المهمة بالأهتراء وللعلم صرفية الفورد سيئة جدا
ولن يعلم سوئها إلا من ساقها فعلا تصرف بشكل غير طبيعي وبنسبة لكلام الشباب 650 كيلو

فهذا بلخطوط واما داخل المدينة من اشارات وتقاطعات وزحمة فثروتل يقفل ويفتح واستلم صرف



up 1 down 1
انت اخر امالي 611
قبل 2 شهر و 3 أسبوع



انا مستخدم للماركيز من فتره طويله السياره قويه ووتحمل وقطع غيارها متوفره والمكيف بارد
الماركيز يجي فيه انوار كشافات انت وحظك اذا تشتغل او لا , تقدر تجربها قبل تشتري الموترلان تعطي لليساره مظهر
البنزين بدون الدخول بتفاصيل , هالنوع من السيارات غير موفر والمفروض ماتهتم بالصرفيه اذا ناوي عليه
معلومه يمكن محد يذكرها لك الماركز دايم يجي عداده بالميل ما اقول مستحيل تلقى بالكيلو لكن نادر جدا تلقى , مدري لو هالامر يهمك او لا بس عشان تكون بالصوره
الانوار الاماميه مش حالك وحجمها قلق بالمواقف


up 3 down 2
99 fares 23
قبل 2 شهر و 3 أسبوع



انا اشوفه موتر حق الي مروق وبارد وراعي خطوط . ميزته راحه ووسع وشنطة كبيرة وعيبه النور الأمامي والبنزين .


up 2 down 2
abukaled144 29
قبل 2 شهر و 3 أسبوع



انا معي ماركيز وعارف كل شي فيه بالتفصيل الممل وانا من الناس الي اصلح بنفسي فلذالك اغلب خرباته قد مرت علي وكلها اصينها في البيت وعارف مشاكل ومزاياه

الموتر بشكل عام ممتاز من جميع النواحي ولا زالت مبيعاته ماشية وله عشاقه لكن بكل صراحة مو مثل قبل زي ما قلت له عشاقه بس الغالبية ما هم حوله بسبب ارتفاع البنزين ومرور زمن عليه

من ناحية البنزين هو 8 سلندر بس ترا 16 كام واحصنته قليلة وظغطه دايما منخفض حتى على السرعات العالية فصرفيته تعتبر جدا ممتازة كسيارة 8 سلندر وخاصة في الخطوط وحتى داخل المدينة

من ناحية العيوب والمشاكل مافيه ذيك المشاكل او تقدر تقول تافه وما تعيب السيارة
عندك النور الامامي ضعيف والمكيف الالكتروني مشاكله واجد وله حلول وانتبه من الي ماشية غالبا تحصل فيها ونة في الدفرنس تقريبا هاذي مشاكله الي تلقاها في كل الفورد

والمزايا كثيرة ان بغيت راحة ولا وساع ولا كشخة ولا خطوط ولا تكيف فالموتر مشاء الله تبارك الله
والاهم من ذالك ان مافيه تكنلوجيا كثير ولا فيه تعقيدات علشان كذا يدوم معك وكمان قطعه ما تخرب كثير وهذا من اسباب توقفه

افضل موديل من 06 الى 08 هاذي تجي فيها مواصفات
موديل 05 هذا مميز يجي هجين بين الجديد والقديم وانا امتلك 05 وصراحة من افضل الموديلات

نصيحتي لك اذا فلوسك بتجيب من هالمواتر الجديدة فابعد عن الماركيز


up 3 down 0
mercy_sa 1036
قبل 2 شهر و 3 أسبوع