أضف سؤال أو موضوع جديد          

مارايكم بـ تون كار لينكون - شرفنا ياخي شاقح

up 10 down 4
تسجيل جديد 166
قبل 8 سنه و 9 شهر



بسم الله الرحمن الرحيم 

احبتي الكرام كل عام وانتم بخير 

لي فترة أدور على موتر مريح وقطع غيارة مقبولة ويعيش معايه من خمس الى ثمان سنوات 

ولفت انتباهي لتون كار  شكلها جميل ووسيعه من الداخل ومريحه للعين 

اسألتي كثيرة على السيارة !

واهمها ... 

- هل قطع غيارها مثل الفورد والجراندي مركيز ١٠٠٪  اقصد المكينكيه 

- هل حقيقه انه لها خمس نمر تعشيق عكس الفوردات اربع نمر والأديتر يختلف
اما انها كلام فاضي
- هل من مجرب لها بالخطوط مثلا من الحجاز الى نجد 

طبعا اللي ناوي اشتريه من ٢٠٠٦

ارحب بجميع التعليقات والنصائح 

وكل عام والجميع بخير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


القطع الميكانيكيه نفسها 

الفرق في الاكسسوروات ونظام برمجة الكهرباء تختلف شوي

القير 4 نمر والفرق انه دفرنسه يجي اقوى من الفوردات العاديه بفارق بسيط 

الاكسسوارات والبدي اغلى من الماركيز والفيكتوريا القطع فكل مكان متوفره

الفيكتوريا والماركيز واللينكون يا انك تاخذها نظيفه ورده او لاتقربها بعدين تبلش فيها

وماتوقع انك تلقى لينكون نظيف مستعمل فالسعوديه لذلك انصحك بالاستخدام الامريكي بعد الفحص ويكون بطاقه جمركيه

لذلك دور فالصالات تلقى نظيف بس يمكن يكون غالي ومو مهم النظافه اهم من كل شي

اشوف استخدامه فالمدينه ماينفع لان حجمه كبير 

الخطوط خذ راحه وعزم خصوصا اذا كان هيدروليك يصير غرفة نوم ودك تنام فيه

الحراره لاتخاف منها اهم شي تحافظ عليه ولاتستخدم زيوت اعلى من لزوجة 10-30 وخلك على موتور كرفت 

اول ماتشتريه غير زيوته كامله حتى موية الاديتر خذها من الوكاله 

وتبي تعرف انه يكرف شوف موقع حراج اللينكون اللي معروضات للبيع فيه منها ماشيه فوق ال 300 الف وحالتها كويسه

حط فبالك انه الصالات فيه منها سيارات مضروبه وفيه منها النظيف لذلك لاتستعجل وعندك معرض فالشفى اسمع ركن او اركان الروعه صاحبه قصيمي  وهذه يجيب فوردات نظيفه وانا شريت من عنده

انوعه كثيره ويبدا الظاهر من سقنشر وبعدين شقنشر ليمتيد الخ

لاتاخذ كلام واحد شرى فورد تعبان وورط فيه ويجي يقولك تراه ابو الخرابات

شف ماركيزي حسبت المسافات اللي قطعتها وطلعت بمعدل 5500 كيلو شهريا مشيتها

طبعا كل فتره انزل الغربيه واروح المدينه واخر مره نزلت عمان والامارات وصلاله وكارفه خطوط وماشي


بس اهم شي انك تاخذ نظيف وتحافظ على تغيير السوائل بوقتها من زيوت وغيرها وزيت الدفرنس لاتقربه ابدا بس شيك عليه اذا ناقص زيده زيت من الوكاله مخصص للدفرنس

اذا جيت تفحص تاكد خلوه من الصداء 

ارفعه فوق وخل واحد يدعس فرامل للاخر وتعال من تحت وحرك عمود الدروان يمين ويسار واذا شفته يتحرك واجد اعرف انه الدفرنس فيه فضاوه وهج عنه

ادعس له من الصفر الى 130 دعسه متوسطه متواصله وركز سمعك ورى لانه اذا كان الدفرنس خربان راح يظهر صوت ونه على 80 الى 120  وهذا يعني الكرونه على بداية خراب

اما الحراره عشان تتاكد انه سليم من مشاكلها المروحه ماتشتغل الا مع المكيف واذا طفيت المكيف لازم تطفي المروحه

حاله وحده تشتغل فيها المروحه بدون مكيف اذا كنت ماشي فسفر وحر مسافه طويله تشتغل المروحه

اما اذا شفت المروحه مشتغله على طول بدون مكيف وعلى وسرعتها عاليه  تاكد انه السياره فيها مشكله فالحراره

يعني جرب تلفلف فيه نص ساعه فعز الظهريه 


up 18 down 2



والله التاوووووووووووون كار حلوو مثل الفورد لكن انتبه  انتبه لزم تشتري نضيف


up 7 down 1
البرنس 2006 2085
قبل 8 سنه و 9 شهر



والله يخوي شاقح كفيت و وفيت,
إسم المعرض أركان الروعة , و الرجال إسمه عبد الوهاب قمة في الروعة و الأدب و أخذنا من عنده سيارتين و الحمد لله توفقنا بها.
و كل عام و الجميع بألف خير.


up 6 down 1
abunwash 757
قبل 8 سنه و 9 شهر



ماعرف اسم الرجال بس اتوقع انه قصيمي

لكن اغلب سياراته نظيفه ومتخصص فالفوردات 


- هل قطع غيارها مثل الفورد والجراندي مركيز ١٠٠٪  اقصد المكينكيه 

جواب/ القطع المكنيكية وحده واللي يختلف أن اللنكون أعلى جودة لأنه مصنوع في أمريكا بعكس الفكتوريا والجراند مصنوعة في كند
اللنكون يتميز بان ديكوراته الداخلية متماسكة وما تتخلخل وتفكك مع المطاب  بعكس الماركيز والفكتوريا 

واللنكون عزمه أقوى من الفوردات لأن كرونته 3.27 وتعشيق الار بي ام يتأخر حتى يعطيك ما في بطن الموتر 




- هل حقيقه انه لها خمس نمر تعشيق عكس الفوردات اربع نمر والأديتر يختلف
اما انها كلام فاضي

جواب/ كلام فاضي

- هل من مجرب لها بالخطوط مثلا من الحجاز الى نجد 
نعم قطعت باللنكون من ساحل الشرقية إلى الحجاز والموتر شهادتي فيه مجروحه 


up 5 down 1
السموئل 1105
قبل 8 سنه و 9 شهر



تعديل :الفكتوريا والجراند ماركيز  مصنوعة في كندا


up 3 down 1
السموئل 1105
قبل 8 سنه و 9 شهر



حنا عندنا 3006 ماشاءلله موتر لايعلى عليه....قمة الراحة اصاله السيارات الامريكية هي السيارة الوحيدة اللي تذكرك بعز السيارات الامريكيه .....
اي سؤال حاضر..بس اهم شي دور لك الماشي قليل وافحص عند محل ثقة مو خرطي


up 2 down 0
talal abdullah 5421
قبل 8 سنه و 9 شهر



الله يعطيكم العافيه جميعا ما قصرتوا كفيتم ووفيتم 

والله يكتب اللي فيه الخير


up 1 down 0
تسجيل جديد 166
قبل 8 سنه و 9 شهر



ياجماعة انيق انسرقت عضويته لما ترك الجهاز مفتوح في المدرسة




وجا واحد الله لايوفقه ودخل في عضويته ويتكلم كلام بذيء لايفعله الى شخص قليل ادب 




انيق صديقي واعرفه شخصيا ولايليق هذا به 




فاتمنى الادارة تشوف حل وترجع له عضوتيته 




وانتبهوا تظلمون الرجال ،، 



up 1 down 0
TA CARS 854
قبل 8 سنه و 8 شهر