أضف سؤال أو موضوع جديد          

ماريكم في فورد كراون فكتوريا؟

up 4 down 1
أبو.فهــد. 24
قبل شهر و أسبوع



السلام عليكم 
وش رايكم في فورد كراون فكتوريا؟ ٢٠١٢ او ٢٠١١ من ناحيت الاستخدام 
وصرف البنزين وقطع الغيار بشكل عام وش رايكم ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


توكل على الله ودور على النظيف
استهلاك البنزين من ١٠ إلى ١٣ لتر لكل ١٠٠ كيلو التانكي عندي ٦٠ لتر ٢٠٠٨ امريكي
قطع متوفر ورخيص اكثر مشكلة اوجهها الدينمو و الاضائة الخارجية ضعيفة
حجمها كبير يضايق في المواقف
هذا الي عندي وبالتوفيق


up 9 down 0
هيرو 358
قبل شهر و أسبوع



الله يجزاك خير 


up 2 down 0
أبو.فهــد. 24
قبل شهر و أسبوع



والله ياخوي سيارة ممتازه .. وعلى حسب استخدامك 
تبي مراتب مريحه ، تبي ثبات عالخط ، تبي صيانه رخيصه توكل على الله وخذها 

اذا ركبتها واستخدمتها وجربت الراحه ، بتكره باقي المواتر 
ومن ناحية البنزين اذا الموتر نظيف ومسواله تصفيه ، صرفيته حلوه

وبالتوفيق


up 1 down 1
m7md 33 756
قبل شهر و أسبوع



انا الصراحه خايف من الحراره


up 1 down 0
أبو.فهــد. 24
قبل شهر و أسبوع



اهم شي تكون نظيفة خصوصا الكهرب ما انلعب فيه


up 3 down 0
moh1234567 6
قبل شهر و أسبوع



الفورد روعه بما تعنيه بس من 2009 وفوق قاسيه وقللو من المواصفات لانهم قرروا توقيف الصناعة صرف البنزين كويسه لا هي تصرف ولا هي اقتصادية وقطع غيار ماتطلب وبنفس الوقت رخيصه بس عيبها الإضاءة سيئة للغاية وبالمواقف وزنها صعب شوي لان حجمها كبير بس اهم شي ف الفورد المحافظه على الصيانه الدوريه الموجوده ب كتيب السياره ضروري جدا تلتزم فيه


up 3 down 0
هبووب الشمال 80
قبل شهر و أسبوع



اخ فهد الحرارة تكاد تنعدم في الموديلات الاخيرة من 2009 الى 2012 وما تصير الا من وراء شديد قوي مثل الاهمال واتساخ الردتر وعدم غسيله مراوح او دينمو مراوح اهمال في الزيوت هذه اسباب الحرارة ف الفوردات باختصار فانت شك على النقاط هذه وافحص خراطش الرديتر وطبات المكينة الحرارة ما تيجي الا من ضرر في اللي سبق ذكره بالنسبة لصرفية البنزين متوسطة يا اخوي وهي في حدود 10 ونص كيلو لكل 1 لتر بنزين وهي مدرجة على موقع كفاءة الطاقة السعودي وقد تكون الوحيدة ال 8 سلندر المتوائمة مع متطلبات الطاقة السعودية قطع الغيار رخيص ومتوفر وعندك بدايل وخيارات كثيرة ما عجبك الوكالة تروح الصناعية محلات قطع الغيار تحصل اسعار الدرجة الاولى والثانية والتايلاندي والصني والاردني والهندي كله يجمل وكله يخدمك واسعارهم حلوة من ناحية الاستخدام احرص على النظيف والنظيف يبان من وقفته ولا يخبي نفسه سيارة لك وللزمن وين السيارة القوية المريحة اللي صرفيتها معقولة وصيانتها مقبولة جدا وين تحصله في ذي الايام عموما الله يباركلك وبالتوفيق


up 1 down 0
المعتصم بالله 6519 333
قبل شهر و أسبوع



الله يجزاكم خير


up 0 down 0
أبو.فهــد. 24
قبل شهر و أسبوع



الفورد اذا لقيته مخزن او نظيف وممشى قليل توكل وخذه اهم شيء الكهرباء والمكينه صافيه بترتاح حتى ركوبه له طابع خاص غير عن باقي السيارات استخدمته 10 سنين وقبل امس خبطت مكينته ههههههههه


up 1 down 0
abdulaziz bin ateeq 222
قبل شهر و أسبوع



عندي فورد ٢٠٠٩ فكتوريا
الموتر صرفه عادي لاهو يشرب ولا اقتصادي
ممشاه مريح مع الخط وراكد
قطعه ببلاش
عيبه اضائة الليتات الاماميه فقط
هذا اللي اشوفه والباقي والله موتر ماشاءالله


up 0 down 1
سبحان الله وبحمده221 3370
قبل شهر و أسبوع



بنزين حسب دوست رجلك ...
والقطع متوفره في وكاله وسعاره معقوله

والحراره ماتطلع الا اد فيه خراب في راديتر في المدينه لازم تكون معاه حبه حبه ولا يطخ عليك


up 0 down 1
ايدج14 15
قبل شهر