طريقة تفعيل التشغيل عن بعد للاكسبلورر

20 0

لايمكنك التصويت حتى الحصول على 20 نقطة على الأقل
إضغط هنا للإخفاء

farees_113 86
قبل 5 سنه و 10 شهر

طريقة تفعيل التشغيل عن بعد للاكسبلورر
هذي الطريقة هي لسيارات اكسبلورر من فئة XLT 
للموديلات من 2011 الى 2015
لان جهاز التشغيل موجود من الشركة المصنعه وهو يحتاج لتفعيله فقط وتغيير المفتاح
ولا حاجة لشراء وتركيب اي جهاز ..








حبيت انقل لكم تجربتي في تفعيل خاصية التشغيل عن بعد خطوة بخطوة وباقل التكاليف واقل مجهود ليستفيد الجميع..












اولا تواصلت مع بعض الاشخاص اللي يسوون الشغله هذي وهم للاسف قلة قليلة على مستوى المملكة وكانت لي ملاحظتين ( اسعار غاليه نسبيا - لايوجد ضمان ان المفتاح اللي معاهم اصلي بل احدهم سوا لي بلوك يوم طلبت منه فاتورة المفتاح من الوكالة او الموزع )
فاتجهت للوكالة لكن للاسف تعامل سيئ ..طلبت من الموظف اني اكلم المختص بالفحص والبرمجة فرفض . قال احجز اول قلت و بعد الحجز طيب قال تدفع حق الفحص اللي هو لايقل عن 350 ريال فقلت ماراح احجز ولا ادفع الا بعد ما اتاكد من الموظف هل يسوي لي الخاصية هذي والا مايعرف
فاتجهت للفرع الرئيسي للوكالة وكانت لي نفس التجربة.
فبدأت اعتمد على نفسي بالبحث في المواقع الامريكية وجمع المعلومات حتى تاكدت ان الخاصية هذي موجودة ومركبة من المصنع
Factory build in
وجمعت لكم الطرق الصحيحة والسهله وهي كالتالي:
1- شراء مفتاح من الوكالة مضاف فيه زر التشغيل عن بعد ورقم القطعه 164-R7999 وسعره 370 ريال




2- قص المفتاح من محل المفاتيح ( بخمسة ريالات نسخته) بعد محاولات من اكثر من محل بان  اعطيه 50 الى 70 ريال لان المفتاح فيه شريحة وممكن يخرب.




3- برمجة المفتاح ، ويتم بطريقتين 
الطريقة الاولى :
يدوية تسويها بنفسك بشرط وجود مفتاحين الوكالة معاك وهي كالتالي ( تحط المفتاح الاول في السويتش وتفتح السويتش لحد ماتطلع نغمة التنبيه طن طن طن وتقفل السوتش وتطلع المفتاح .. بعدين تحط المفتاح الثاني وتعيد نفس الطريقة وتطلع المفتاح بعدها تحط المفتاح الجديد وتفتح السوتش  لحد ماتطلع نغمة التنبيه طن طن طن بتلاحظ ان الاقفال كلها قفلت وتبرمج المفتاح ، قفل السوتش وطلع المفتاح ( الخطوات كل مفتاح لازم ماياخذ اكثر من خمس ثواني)
بعدها اعد ادخال المفتاح الجديد وشغل السيارة وراح تشتغل السيارة باذن الله ..
الآن ازرار المفتاح (الفتح- الاغلاق-الانذار ) كلها شغاله ماعدا زر التشغيل عن بعد.
الطريقة الثانية:
لو ماعندك مفتاحين الوكالة تروح لمحلات المفاتيح ويبرمج لك المفتاح بخمسين ريال.








4- تفعيل خاصية التشغيل عن بعد 
تجنبا للبحث والتعب حاول تفعل الخاصية عند اي واحد عنده وصلة وبرنامج IDS الخاص بسيارات الفورد
انا حاولت تفعيل التشغيل عن بعد عن طريق بعض الاجهزة لكن ماوجدت الخاصية موجودة او احيانا تكون هذه الاجهزة ماتطلع كل خواص الوكالة مثل اجهزة (Gscan - Autel - launch - Autoland )
الطريقة كالتالي:
يشبك الوصلة ويفتح الشاشة الرئيسية
يختار body
بعدين security
بعدين remote start
بعدها تحي رسالة تنبيه وتاكيد يختار Yes
‏under the tool box tab: body --> security --> remote start




بعدها يطفي السيارة ويطلع المفتاح
قفل السيارة واضغط زر الاقفل مرة وزر التشغيل مرتين 
وتم تفعيل تشغيل السيارة بنجاح
وستلاحظ ان خيار التشغيل عن بعد انضاف عندك في الطبلون في الاعدادات.




التكلفة بالنسبة لي:
قيمة المفتاح من الوكالة 370 ريال
تكلفة قص المفتاح 5 ريال
تكلفة البرمجة مجانا لاني كنت اشتغل في مجال استيراد اجهزة الفحص واكسسوارات السيارات واستيراد بشكل عام 
ولكن عموما تفعيل الخاصية كما لاحظتم لاياخذ الا حوالي دقيقتين وارى ان مبلغ 50 ريال كافي.
يعني تكلفة الشغلة كلها 425 ريال




ملاحظات هامة:
* للاسف الشديد وجدت كراهيه وكذب وغش ومحاولة تضليلي من اغلب الجنسيات والحرص على عدم اعطائي اي معلومة مهما كانت صغيرة وكذلك اللعب بالاسعار وايهامك فوق انه بيسوي لك الشغلة بمبلغ خرافي تبغى والا روح الوكاله ب500 ريال وهكذا
وهذه المعاناة بدأت من قص المفتاح ، وبرمجته ، وتفعيل الخاصية عن طريق اجهزة الفحص.




* الخاصية هذي سمعت انها موجودة في التورس SEL ولكني لا اعرف لأي الموديلات .. ولكن عرفت طريقة لاكتشاف هل الخاصيه موجودة او لا وهي ( الذهاب مباشرة لمحلات الفحص والبرمجة ويقوم بنفس الشرح والخطوات اللتي تم شرحها .. لو ظهرت من ظمن الخيارات تفعيل خاصية تشغيل الريموت remote start معناته ان الجهاز مركب من بلدها ويستطع تنفيذ الخطوات كما في الشرح.. واتمنى اي واحد من ملاك التورس SEL تنجح معاه يتواصل معي عشان احدث الموضوع .
* 
* بالنسبة للاخوان في جده فيه واحد عنده نفس جهاز الوكالة ويفعل خاصية التشغيل في محل اسمه (المحترف للبرمجة ) في شارع الاسكان .. واتمنى من باقي الاخوان في كافة المدن تزويدنا بالورش اللي عندها جهاز الوكالة ويفعلون الخاصية هذي.
* 
* لا تتهاون في قدراتك ابدا فالحمد لله اعطيت اكثر من واحد من اصحاب الورش الكبيرة والضخمه المعلومة واللتي انصدمو منها وماكانو يعرفونها.








وضعت لكم تجربتي هذه ليستفيد الجميع .. ويستطيع اي واحد نقل التجربه ونسخها ولكن رجاءا لاتنسون الدعاء لي ولوالدي ..

إبلاغ

الردود