اكسبيدشن 2011 علامات طبلون احتاج لمعرفتها من اصحاب الخبرة
0
0
إضغط هنا للإخفاء
السلام عليكم ورحمة الله وبركاته
الحمدلله اشتريت سياره اكسبيدشن 2011 بعد مدح الشباب لها
و فحصتها و كان هناك عدة اشارات بالطبلون
صورة ضغط الاطارات معطي فيه خطأ و معلق بإستمرار
صورة المكينة وقالي صاحبها هذي من حساس الشكمان ولا ادري شنو المشكلة فيها بالضبط
طبعا فيه رسالة الدبل اليوم جربنا الدبل و شبك و لكن كان فيه عدة ملاحظات كأن الموتر يمسك الدبل و يفصل قال راعي الفحص هذا من الجنزير يحتاج تبديل
بس رسالة الدبل بالطبلون تشتغل عند تشغيل السياره و اذا سويت لها RESET بعد ما أمشي ترجع العلامة
واتصلت على صاحبي عنده واحد مثله قال لي لف الطاره اقصى اليمين او اليسار و تحرك اذا السياره ثقيله معناتها الدبل شغال و اذا خفيفه مفصول
و ما شاء الله اول مشلت رجلي (اكرمكم الله ) من الفرامل مشت معناتها الدبل مفصول فعليا
وكذلك صورة الفحص موجودة بأكواد الأخطاء
لأن بصراحه ابي اسوي صيانة للسيارة بس ابي آخذ بخبرتكم عشان ما احد يضحك علي من أصحاب الورش
إبلاغ
الردود
يعني طريقة هواء الكفرات هذي عشان اكتشف اي كفر فيه مشكلة الحساس صحيح !
و الدبل ان شاء الله بسوي له تنظيف و فحص لان صاحب السيارة ما هو راعي بر من شراها و شكلها معلقه
1
0
نعم صحيح اذا كتب لك كمبليت تقدر اذا ولعت في اي وقت تصفط وتدق فلشر ثلاث مرات يعلمك وين المنسم
واذا ما اعطاك كمبليت فمعناها ان الحساس مكسور من البنشري او مخلص بطارية
وترا مراكز ميشلان احسهم يفهمون في الحساس
ونصيحة لا تخلي احد يلعب لك في الموتر مدام انه ماشي خله يكد والله ترى قوي ومريح جدا في السفر
او وديه الوكالة
الله يعطيك خيره و يكفيك شره
1
0
اهم شي ما عندك صرفيه بنزين عاليه....او تفتفه
الدبل .....وعدم فصل الدبل بعد التعشيق
لازم تشيك على دينمو الدبل لانه احيانا يشبك
ولا يرجع على وضع الدفع الثنائي العادي
والسبب دينمو الدبل معلق ..انتبه ترا يخرب
عليك الدفرنس الامامي.....ومجموعة الدبل ...
مع السرعات العاليه
لازم تشيك
وبالتوفيق
0
1
للأسف اخواني السياره رجعتها لصاحبها بشكل ودي بعد اكتشاف تلاعب بالعداد منقص 320 الف
و اللي ساعدني فيها لما شيكت على بترومين عشان السيرفس حقها و تم التأكد عن طريق موجز و الفحص الدوري
0
0
1 عبي الكفرات الاربع 37 psi
2 روح مكان هادي عشان تعرف تنسم الكفرات على رواق
3 حط القير فيP واسحب جلنط
4 اضغط فلشر 7 مرات راح تسمع صوت الهورن مع كتابة في الطبلون يقول نسم الكفر اليسار الامامي
5 لما يوصل ضغط الهواء في الكفر 34psi راح تسمع صوت الهورن ويكتب لك في الطبلون نسم الكفر الايمن الامامي
6 بعد ما تسمع الهورن تروح تنسم الايمن الخلفي
7 وفي الاخر الايسر الخلفي وراح يكتب في الطبلون كومبليت يعني الامور تمام
* اذا كلج معاك في احد الإطارات يعني الحساس الي داخل الكفر عطلان او مكسور او مخلص بطاريته
واما الدبل فيه هوز صغير مثل التاهو واليوكن عند اوقريب من الهوب الامامي تلاقيه منفقع والله اعلم
قبل 5 سنه و 3 شهر