أضف سؤال أو موضوع جديد          

مفتاح سيارتك مهم جدا جدا لك

up 9 down 2
;كاسبر 949
قبل 3 شهر و 3 أسبوع



السلام عليكم
موضوع جديد ومهم وقد يكلفك الكثير

الان لو ضاع مفتاح سيارتك او انسرق او طاح في مكان ماتقدر تجيبه وماعندك اسبير
راح تجيب لك عامل وعشان يسوي لك مفتاح كم التكلفه وخصوصا بعض المحلات امكانيتها بسيطه ف مثلا
بعضهم يقول رح لتشليح جيب مفتاح عشان اسوي لك اسنان جديده
وبعضهم قد يقولك جيب لي سستم كامل
وبعضهم يقولك جيب لي سوتش مع المفتاح
وووووو الخ...
وراح تفك ديكور الباب ايضا وتغير اسنان القفل للمفتاح الجديد وتدخل في تكاليف وبعض السيارات لها قفلين في الابواب الاماميه يعني قد تحتاج تفكها عشان توحد المفاتيح
كم راح تكلف هذي وانت في محافظه او مدينه او انت في مقطعه
لذالك الحل يا اخوان ب ٥ ريال فقط
فصل لك مفتاح حديد يفتح السوتش ماراح يشغل السياره ولكن التكلفه راح تقل
بمجرد فتح السوتش راح يفصل لك مفتاح جديد ويبرمجه على سياراتك بواسطه جهاز وينسخ من كمبيوتر السياره على الشريحه الجديده
صحيح ان بعض المحلات يقدر يسوي لك مفتاح جديد بدون فك السوتش ولكن ماراح تنطبق على جميع السيارات
وان كانت تنطبق شوف كم الفرق
اعطيك مثال/
التورس بعض المحلات قال جيب السياره على سطحه ومايحتاج نفك السوتش ونعدل افصل لك مفتاح ب ٣٥٠ ريال قلت عندي مفتاح حديد يفتح السوتش بس مايشغل
قال ممتاز على كذا نفصل لك مفتاح ب ٢٠٠ ريال
وتقدرون تتاكدون من كلامي بالاتصال على اي محل وقول عندي مفتاح يفتح السوتش بس مايشغل كم التكلفه وشف كم راح توفر
لذالك حبيت افيدكم خسارة ٥ ريال تفكك من الهجوله بين محلات المفاتيح وبين التشاليح لان السيارات مو سوا
اصحاب السيارات البصمه فصل على مفتاحك ايضا لو تعطلت البطاريه ماراح تقدر تفتح سياراتك وانت ماعندك مفتاح لانه مفقود
وترتاح ايضا من فك ديكور الباب عشان يفك دقمة الباب ويغير لك الاسنان لمفتاح اخر
لان برمجة سياراتك اسهل من المفتاح.
اتمنى اني عطيتك فايده وسامحونا.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته 

فعلاً كلامك سليم ولو ضاع المفتاح ع طريق سفر في استراحه او مطعم ورطة وتحط الشخص في وضع محرج جداً خصوصاً لو معاه عائلة 


up 0 down 0
yasser alyasser 512
قبل 3 شهر و 3 أسبوع



نصيحه جداا. مههههمه
والأفضل مثل ماتفضلت اخونا

تضع مفتاح سبير تحت السياره بمكان جيد
انا قفلت ع المفتاح داخل. السياره مرتين اضطريت. اكسر المثلث وماتعلمت مازالت بدون سبيررر



up 0 down 1
امير الاصيل 1681
قبل 3 شهر و 3 أسبوع



وعليكم السلام
فعلا مهم الاسبير انا اول ماشريت سيارتي نسخت واحد
وحطيته بالبوك لان يمكن اقفل على المفتاح واتورط
الا البوك بجيبي وداخله مفتاك يفك الباب
واذا ضاع المفتاح مايمديك حتى تشيل السياره بسطه
لازم تفك القير وتنزله N عشان تسحبها مايمديك بدون مفتاح
الغريب بسيارتي ان المفتاح مايلف على اي طقه عشان اعشق القير
عكس باقي السيارات يلف بس مايشغل
اقصد المفتاح الحديد بدون برمجه


up 0 down 2
d7ooom777 392
قبل 3 شهر و 3 أسبوع



وعليكم السلام 

قد صارت معي مرتين ،،،مرة كسرت المثلث وكنت مضطر وقتها والمرة الثانية خذت لي قطعة خشب وحاولت افتح الباب من فوق القزاز ودخلت حديدة صغيرة وفتحت كنترول الابواب 


up 0 down 0
ابو حسين.......... 942
قبل 3 شهر و 3 أسبوع



صدقت لابد من مفتاح احتياطي

أنا عندي كامري يجي معها من الوكالة الماستر كي اللي لونه أسود ، بالاضافة للمفتاح الرمادي الاحتياطي.
لكن بالرغم من هالشي شريت مفتاح من علي اكسبريس ب20 ريال وقصيته ب4 ريال وبرمجته بنفسي على الكامري.
1- مفتاح علي اكسبريس أشتغل فيه.
2- الماستر كي يبقى بالبيت دائماً.
3- المفتاح الرمادي احطه بالسيارة بمكان الجني الأزرق مايعرفه (داخل الديكور) علشان لو كنت على طريق سفر وضاع مني مفتاح علي اكسبريس اكسر القزاز واشغل بالمفتاح الرمادي.
4- أيضا قصيت مفتاح حديد يفتح السيارة فقط وأخفيته في بودي السيارة الخارجي علشان ما أضطر أكسر القزاز.

أنصح الجميع بتجربتي
وبالتوفيق


up 1 down 0
khalil99ss 162
قبل 3 شهر و 3 أسبوع



نسيت نقطة: الريموت اللي يفتح الابواب والشنطة أيضاً يبقى بالجيب مع لواحة المفاتيح


up 1 down 0
khalil99ss 162
قبل 3 شهر و 3 أسبوع