أضف سؤال أو موضوع جديد          

هل تؤيدون فكرة تركيب مكينة موستنق 6سلندر لكراون فكتوريا

up 1 down 1
sulaiman_alhabib -1
قبل شهر و 3 أسبوع



سلام عليكم ورحمة الله وبركاته
عندي فكرة وهي اني اركب مكينة موستنق 6سلندر على كراون فيكتوريا وخصوصا انه فيه توفير بنزين اكثر من مكينة الفيكتوريا
هل تشوفون انها فكرة زينة ولا؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت تحسب الشغله فك مكينه وركب الثانيه ترا يبي لك ظفيره ويبي لك كمبيوتر ويبي لك تغير طرمبه بنزين والقير وحاجات كثير الشغله مو انك فك وركب وخلاص وين بتجيب كمبيوتر فكتوريا 6 سلندر وين بتجيب ظفيره حقه الموستنق تختلف والكمبيوتر ماراح يركب  


up 1 down 0
fhody44 290
قبل شهر و 3 أسبوع



لا ترى ماعندي مشكلة بالتكاليف هذي... حاسبت حسابها


up 0 down 0
sulaiman_alhabib -1
قبل شهر و 3 أسبوع



طيب الضفيرة تختلف؟


up 0 down 0
sulaiman_alhabib -1
قبل شهر و 3 أسبوع



انا اللي قاعد اخطط له اني اشتري مكينة موستنق V6 واركبه مع القير حقه وابرمجها واركب طرمبة بنزبن رياضية واركب تيربو او توين تيربو...
ادري انها سالفة طويلة عشان كذا بديت بالمكينة.... :)


up 0 down 1
sulaiman_alhabib -1
قبل شهر و 3 أسبوع



ما راح توفر بالنزين العكس بصير وزن السيارة وحجم االمكينة بزيد صرف البنزين


up 3 down 0
ra3d777 378
قبل شهر و 3 أسبوع



اذا معك فلوس والفكرة قابلة للتطبيق سوها لا تترك شي في خاطرك

شف موتري لعبت فيه زي ما ابغى

بس انا من الناس الي اشتغل بنفسي فما تفرق معي كثير

اذا انت من الناس الي زي كذا دوس

وكمان عندي واحد ركب مكينة نافيجيتور 32 بلف طبعا بنفسه وغير معه الدفرنس الى 3,73 ما اتذكر المهم انه فوق3.55

ان كان تبغى اعطيك رقمه فما عندي مشكلة


بس سالفة توفيرالبنزين شيلها من راسك


up 1 down 2
mercy_sa 894
قبل شهر و 3 أسبوع



كيف لو معك اكسبدشن حجم مكينته 5400
الكراون و الماركيز اخف صرفيه 4600
اذا تسوق بركاده و المكينه نظيفه ما تصرف
بفلوس التوليف شف لك سيارة صغيره ٤ سلندر
تحصل ب١٠ الاف تمشي حالك اذا مرة الصرفيه متعبتك
مع ان فلوس التوليف و مكينة الموستنغ خلها بنزين للكراون
او بع و اشتري موستننغ مع ان مالظاهر توفر بنزين مكينتها
افضل سيارة ست سلندر بالتوفير الماكسيما
لانها جمعت بين مكاين نيسان الموفرة و قير CVT


up 0 down 0
1405-1985 1313
قبل شهر و 3 أسبوع



طيب انت الحين بتفك مكينه الوكاله وتركب 6سلندر عشان توفر كذا مااستفدت شي بتركب 6 وتعدل عليها !!! طيب خل حقه الوكاله وعدل عليها وخلصنا لونقول بتركبها بتخليها ستوك بدون تعديل اقول اوكي بتوفر 
وبعدين ترا مايمديك تركب المكينه 6 سلندر على موترك اول حاجه كيف بتجلس المكينه لازم تاخذ مكينه بكراسيها طيب كيف بتجلس كراسي الموستق على الفكتوريا ؟ ماتركب الى فى حاله وحده تقص الكمر حق الموستنج اتركبه على الفكتوريا طيب وش الي حادك تقصص ولحام وقروشه 
وعندك الكمبيوتر كيف بتركب حق الموستنج على الفكتوريا الفيش ماراح يركب الى بتوليف يعني تقطيع اسلاك وقص وحوسه ! 
وعندك ضفيره المكينه كيف بتركب حقه الموستنج على الفكتوريا الى بتقطيع اسلاك ولحام وقروشه وكلما طبيت فى مويه ولعت لك لمبه ومره طالعه نفضه ومره كتمه ماتدري من ايش اذا تبي نصيحتي فك عمرك وش الي حادك على هذا كله ياخي اذا كنت هاوي تعديل خذلك موتر قديم كرسيدا اي شي وعدل عليه على راحتك 
واصلا الفكتوريا ماتصلح لتعديل اكثر الي يستعملونها تحصله ابوعيال ماتصلح تعديل ومدري ايش 
هذي نصيحتي لك واناترا اكلمك عن خبره معي كابرس معدل طبعا ماخذه عشان اعدله مو استخدام يومي حق ويكند 


up 5 down 0
fhody44 290
قبل شهر و 3 أسبوع



اذا كانت بخاطرك سوها لكن اذا تبي تركب مكينة ركب حق الاكسبيدشن ولا 5.0 لان الكراون فكتوريا حلاتها 8 سلندر


up 1 down 4
ali-911 3027
قبل شهر و 3 أسبوع



وتخلي القير عادي وتستمتع بحياتك


up 0 down 2
ali-911 3027
قبل شهر و 3 أسبوع



توفر شوية ريالات بنزين وتدفع مقابلها مئات الريالات صيانة ومشاكل أنت في غنى عنها، ركب مكينة فكتوريا نظيفة واشتر راحة راسك، علماً بأن مكينة الفكتوريا عملية وقوية وصرفيتها بالوقود معقولة جداً . بالتوفيق


up 1 down 0
أبو جـود 2744
قبل شهر و 3 أسبوع



مكينة الموستنج 24 بلف الـ 6 سلندر

مكينة الكراون والماركيز والتاون كار 16 بلف الـ 8 سلندر

يعني ماتصرف بنزين كانها 4 سلندر

فلاتغرك المظاهر هههههههههه


اعمل تصفيه للمكينه


up 0 down 0
abdulaziz al-malki 969
قبل شهر و 3 أسبوع



يعطيكم العافية جميعاً على الردود

طبعا مسالة توفيز البنزين حطاها اخر اهتماماتي:) لاني بمكينة ال8سلندر حق الفيكتوريا احس صرفيتها كويسه وقريبه من حق 4 سلندر

بس انا ودي اني اعدل ع الموتر وكذا
ف قلت بركب مكينة موستنق 6 سلندر لانها اول شي تجيك 300 حصان وقوية وتجيك قريب من صرفية المكينة حق الفيكتوريا واقل منهابعد
بس والله مب خايف الا من مسالة تجريح الاسلاك اخاف انها يصير فيها التماس لاقدر الله مستقبلاً
والشي الثاني : اتوقع اني بشتغل بنفسي اللي اقدر عليه والباقي عادي بالورشة
عشان كذا عندي هواية تعديل...،
وانا ذك اليوم لقيت مكينة موستنق 6سلندر موديل 2014 او شي زي كذا ب4000 وشوي
يوم شفت السعر جتني الفكرة هذي بما ان الفيكتوريا مريحة وواسعة وفخمة ولا اصلا كان شريت سيارة ثانية صغيرة

طيب تتوقعون كم بيكلفني اذا عدلته؟ عشان اشوف يعني تقريبا كم يطلع :)



up 0 down 0
sulaiman_alhabib -1
قبل شهر و 3 أسبوع



**مسألة توفير البنزين حاطها اخر اهتماماتي


up 0 down 0
sulaiman_alhabib -1
قبل شهر و 3 أسبوع



ra3d777 ترى حجم المكينة 3.7 لتر


up 0 down 0
sulaiman_alhabib -1
قبل شهر و 3 أسبوع



Mercy_sa

ايه طبعاً اغلب الشغل باذن الله بسويها بنفسي


up 0 down 0
sulaiman_alhabib -1
قبل شهر و 3 أسبوع



Fhody44 ايه انا كنت شايف ناس مركبين مكينة موستنق 8 سلندر على فيكتوريا ف اتوقع 6 سلندر بيركب بس بشوية تعديل


up 0 down 2
sulaiman_alhabib -1
قبل شهر و 3 أسبوع