أضف سؤال أو موضوع جديد          

ياليت تفيدوني بورشه رش وسمكره سيارتي انصدمت

up 0 down 0
n-j-m 79
قبل سنه و 7 شهر



سلام عليكم 
تعرضت سيارتي وهي متوقفه لصدمه الله يكافيكم الحوادث واللي صدمني 
انحاش كان اخر اليل وهي متوقفه امام المنزل الصدمه في البيبان 

السياره موديلها 2013 فورد ابي ورشه ممتازه فيه الرش والسمكره
موقعي شرق الرياض مريت ورشه اسمها الضويان في النسيم
وطلب سعر شغل يد فلكي اللي يعرف ورشه الله يرضى عليه يبلغني
اهم شي الشغل واللون مايكون فرق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته أسأل الله ان يعوضكم خير وان يجازي المتسبب بما يستحق

منجد اصبحت الكميرات ضرورية في المنزل للمراقبة جاري اشترى سيارة جديدة ويتم وضع نفايات عليها اكرمكم الله وبعد تركيب الكميرات حصل اولاد الجيران !!!كلم ابوهم وانكرو وحلفو يمين وعند استعراض الكميرا سكت الاب ومن الخجل شد من الحارة ونقل


up 2 down 0
العمدة 1434 1188
قبل سنه و 7 شهر



الله يعوضعك

دامها في البيبان ان شاء الله
تلقى في التشليح نفس اللون بلد فك وركب
وترى بعضهم يقبل الرجيع


up 0 down 0
أبو عبدالرحمن435 -42
قبل سنه و 7 شهر



نصيحة دور في التشاليح احتمال تلاقي نفس المودل ونفس الالوان وبوية بلد , بعدين روح على محل تلمع محترم يلمع السيارة وكدة وحد اللون وسلامتك


up 1 down 0
المعتصم بالله 6519 451
قبل سنه و 7 شهر



اتفق مع الإخوان
اذا الضربة على الأبواب نصيحة أشتر بابين مع مفصلاتها
وركبها ونفس اللون لا تحتاج رش ولا سمكرة

ولو حسبت البيبان الثنين تلقاها نفس سعر السمكرة والبوية وشغل اليد

واللي بيركبها لك ما ياخذ منك 200 ريال كحد أقصى او انت ركبها بنفسك

كلها تفك سويتشات الكهرب اللي متصله بالباب وتفك الباب وتركب الجديد

والله يسهل أمرك ويعوضك وحسبنا الله وكفى



up 2 down 0
الاحترافي 1438
قبل سنه و 7 شهر



الله يعوض عليك نقول ان شاء الله دفعة بلا عنكم يارب


up 0 down 0
ابو ريناس -1
قبل سنه و 7 شهر



الحمدلله على السلامه

والله يعوضك بالخير

ما ازيد على كلام اخواني اللي فوق افادوك


up 0 down 0
aboahmed2014 1117
قبل سنه و 7 شهر



نفس ما تفضلوا الاخوان لكن ازيد عليهم انك تحاول تاخذها سادة بدون الديكورات الداخلية و القزاز ( الدريشة) اذا اللي عندك سليمين 

يعني توفر على نفسك اكثر.  بكذا نفس قطعك تنقلها على الباب الجديد ديكورات و قزايز  انت شوف و لك القرار و معوض خير ان شاء الله


up 2 down 0
بدر الباثفايندري 1096
قبل سنه و 7 شهر



0535580075
هذا في الصناعيه القديمه ممتاز شغله بس شد عليه في الوقت


up 0 down 0
saif2257 120
قبل سنه و 7 شهر