مساعدة يا أصحاب الخبرة أو اصحاب اكسبلورر
0
0
إضغط هنا للإخفاء
السلام عليكم
اعزائي حاب استفيد من أصحاب الخبرة واللي مرت عليه سواء المشكلة او ممكن يعرف حلها حسب خبرته
المشكلة الأولى / عندي فورد اكسبلورر 2011 مشكلته الدقمة او السنتر حق الأبواب
تسكر كلها لكن باستثناء باب السائق .. لو يجي أي شخص يقدر يفتح الباب حتى وانا مقفل الباب
والمصيبة الانذار ما اشتغل لحظتها ولا شي
ملاحظة (((( الأبواب بصمة يعني مجرد ما ألمس مسكة الأبواب تفتح .. وفيها أرقام سرية لذلك جرى التنويه ))))
السؤال / وين أروح هل أروح للوكالة ؟؟ هل أروح لكهربائي ؟ دلوني بالرياض بارك الله فيكم
-------------
المشكلة الثانية / سيارتي ماشيه 142 ألف وحاب أغير زيت القير
هل فيه محل معين يغير الزيت ؟؟
هل تنصحوني أروح للوكالة أشتري الاغراض وأروح لمحل مختص بتغيير زيت القير
لان حسب ما سمعت ان زيت القير حساس جدا ومو أي واحد يتفلسف فيه
--------------
المشكلة الأخيرة / احيانا وانا مهدّي او امشي 30 او 40 .. احس موتري ينتع بشكل بسييييط جدا او احس برجفة .. قلت يمكن الشارع سيء لكن مالها دخل ..
لكن احساسي وظني ان فيه نتع يعني بشكل اوضح تحس ان واحد قاعد يدف السيارة على دفعات
وسلامة قلبكم واعذروني على الاطالة الله يسعدك ما استغني عن كل الأعضاء
اخوكم أبو سلطان
إبلاغ
سيارات للبيع
الردود
0
0
0
0
بالنسبة للقفل حق الباب ترى شيء طبيعي ان القفل يخرب بعد ماشاء البه استخدام كم سنة
روح محلات تصليح الابواب و ان شاء الله تزين امورك
وزيت القير نصيحتي اذا ما تقدر على قيمة شغل الوكالة ( هم اساسا غاليين )
فروح بترومين سعرهم كويس ومعاك فاتورتك يمديك تراجعهم في اي فرع اذا لاقدر الله صار شيء
وترى شغلهم نظيف
النتعه ما اقدر اخدمك فيها
ونصيحة وحافظ على صيانتك الدورية ، خذ دفتر الصيانة من الوكالة وامشي عليه برى
غير بواجي وفلاتر وغيرها خذ القطعة من الوكالة وغيير برى عند واحد شغله نظيف
بالتوفيق
قبل 6 سنه و شهر