سبب تآكل هوبات التورس الخلفية بشكل متكرر؟

ممكن رجلك حارة على الفرامل عشان كذا تتأكل.. بعدين انت قصدك انتهاء قماش الفرامل ويطلع صوت !!!. أما إذا الهوب يتأكل هذي مشكله ثانيه...وضح زين ... بعدين سالفة الخرط للهوب تزيد المشكله من تجربه ... ركب قماش الفرامل ولا تخرط لأن القماش جديد ويتشكل مع الهوب

وعليكم السلام 

كيف تقصد تآكلت؟؟؟ تقصد الهوبات نفسها تتآكل او القماشات (تتكسر) ؟؟؟؟

او تقصد صوت صفير ؟؟؟ 

ياليت توضح زيادة

المقصود أن الهوبات تفقد ملمسعا الناعم ويصير ملمسها متآكل مثل اعوجاجات خفيفة مع العلم أن تم خرطها واستبدال الفحمات بجديدة قبل شهرين.. والفحمات الجديدة لم تستهلك بعد.. وبالنسبة للصوت يطلع صوت احتكاك شيء مع الهوبات كأن صوت احتكاك حديد

يا شباب
انتبه تترك القماش حتى اخر نفس
لانه يحك ف الهوب ويخشنه وتحتاج تخرطه
افضل طريقه ...كل فترة 20 الف شيك على القماش
بطريقه سهله جدا .....كشاف جوالك ...
من برا تاكد القماش لا زال فيه سماكه ....وعلى اخر ربع
من استهلاك القماش غيره ......انتبه تتركه يمسح

عندي نفس مشكلتك تورس 2013 من شريته وكالة بعد ممشى 500 كيلو طلع صوت الاحتكاك زمان رحت للوكالة وصرفوني يقولون وسخ وتراب في وجه العدو على الهوب ونظفناه ما أمداني اطلع من عندهم الا والصوت راجع وطنشت الموضوع وبعدها بفترة غيرت الفحمات لقيت الفحمات جديدة باقي فيها عمر بس غيرتها عند العضيب وخرطت الهوبات يقول الفني الفحمات مبلطة وغيرتها بجديدة وكالة بعد فترة اسبوع الى اسبوعين رجع صوت الاحتكاك بعدين طنشت السالفة لاني مالقيت لها حل

ياخي غريب الفورد مافيه صوت صفير زي الكامري 2002 الله يذكرها بالخير كانت تجر الصوت جر عندي التورس الفحمات غيرتها على ميه الف من وكالتها ماطلع لها صوت من فضل الله بس حسيت انها ماعاد تمسك قمت غيرتها