أضف سؤال أو موضوع جديد          

حادث بسبب حفره

up 30 down 1
;كاسبر 793
قبل 2 شهر و 3 أسبوع



السلام عليكم

قبل فتره وانا ماشي في امان الله ضربت في حفره واللي تضرر الكفر ومخوش بسيطه في الجنط
وبصراحه انقهرت من شكل الحفره فقلت بجرب اشوف فيه تعويض او الكلام اللي نسمعه غير صحيح
اتصلت على الامانه ٩٤٠ وعملت بلاغ واعطوني رقم وقالو اتصل عالمرور وفعلا جاء المرور وصور السياره والموقع كامل
وقال يوم الاحد تروح للمرور تاخذ الاوراق وتكملها صحيح فيها مرمطه ولكن كنت بجرب
رحت للمرور اعطاني اوراق لتقدير الحادث واتجهت لمركز تقدير ودفعت ١٥٧ ريال وبعدها عطوني التسعيره وانصدمت من المبلغ بصراحه
موتري اللي تضرر كفر ومخوش بسيطه في الجنط وشفت المبلغ وتحمست اكثر ههههههه
المهم اتجهت لمرور العزيزيه بما ان الحادث تابعه لمنطقتهم واعطاني اوراق ل ادارة التشغيل والصيانه وديتها لهم وجلست اسبوع
ووصلتني رساله لمراجعة المرور وارسلوني لمرور الناصريه عشان بيانات الشركه اللي ماسكه صيانة الطريق
بعدها اخذت الاوراق ورجعت لمرور العزيزيه واتصلو على مسؤول الشركه وافادو ان عليهم مطالبه لي انا بسبب حفره لم تعمل لها صيانه
وموعدي اليوم الثاني طبعا محد جاء وتم الاتصال عليهم وبلغهم العسكري ٣ اتصال سوف تحال للمحكمه اذا ما انحل الموضوع
طبعا الموضوع هذا الى الان اخذ مني وقت حول شهر بس كنت اوقات اروح واقات اتكاسل
المهم ردت الشركه تبي مني مهله اسبوع ويعطوني قيمة التعويض وقلت للعسكري مافيه مشكله
وبعد اسبوع اتصل علي مندوب الشركه واعطوني تعويض ٣٠٠٠ الاف ريال والحفره صلحوها بعد
لذالك يا اخوان حبيت انقل لكم تجربتي ماضاع حق وراه مطالب
لو ريال لا تخليه الوضع تغير الان وش ذنبي اروح اشتري كفر قيمته ٧٥٠ ريال من جيبي الخاص
لو كل واحد يشتكي من الحفر والله ماعاد نحصل ولا حفره ولكن احنا نتكاسل ونتحطم ومحد بيعطيك شي وتروح وتجي ولا بتاخذ شي
انا لو اروح لهم كل يوم اسبوعين والفلوس معي لذالك لاتخلي حقك وانا اخوك
لو لاسمح الله صدمت رصيف البلديه تغرمك ولو صدمت لوحه او عامود تدفع قيمته فليش اخلي حقي وهم يطالبون بحقوقهم
حاولت احمل الصور بس الموقع رافض.
عموما اسال الله ان لايريكم مكروه في انفسكم او في من تحبون







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله انك كفو ، خير مافعلت فيهم


up 2 down 0
m7md 33 674
قبل 2 شهر و 3 أسبوع



تصرفك صحيح ولو كل واحد بلغ عن مشكلة من المقاول لأصبح المقاول حريص كل الحرص على اصلاح الحفرة من البداية

المشكلة تبدأ بحفرة صغيرة وتكبر وتكسر السيارات والمقاول ما حرك ساكن


up 3 down 0
أبو عبادة 4276
قبل 2 شهر و 3 أسبوع



وعليكم السلام 

خير ماعملت انك بلغت عليه واخذت تعويض وبكذا سيارات الناس سلمت من هذي الحفرة وومكن الشركة عملت فحص لجميع الشوارع لتجنب الخساير وتقليل الشكاوى


up 1 down 0
ابو حسين.......... 820
قبل 2 شهر و 3 أسبوع



هناك أضرار غير ظاهرة نتيجة الرجة قد تظهر فيما بعد 


up 2 down 3
ibra 3796 -31
قبل 2 شهر و 3 أسبوع



حنا مساكين ما نطالب بحقوقنا .
مدري طيبه او..............
وقد يكون تكاسل .........


up 1 down 1
لا للغلاء 585
قبل 2 شهر و 3 أسبوع



قصتك انتشرت بالقروبات ☺


up 1 down 0
meem34 179
قبل 2 شهر و 3 أسبوع



احسنت كاسبر لاتخلي فايرس قدامك
وموضوع حقيقة يستاهل تتناقله القروبات 
الدال ع الخير كفاعله
وراعي الاوله راعي الموضوع  
امسيك باللايك


up 1 down 0
صوت الأرض 92
قبل 2 شهر و 3 أسبوع



أحسنت
ما ضاع حق وراه مطالب





up 1 down 0
alhkami 297
قبل 2 شهر و 3 أسبوع



عز الله انك كفو بيض الله وجهك يالذيب ..ان شاء الله ينتشر موضوعك و كل الناس تشكي هالشركات النصابة وتتعدل شوارعنا


up 0 down 0
ابو محمد 154 44
قبل 2 شهر و 3 أسبوع