أضف سؤال أو موضوع جديد          

محتار وابي رايكم

up 3 down 7
ابو سعيد 119 -5
قبل 3 شهر



السلام عليكم كيف الحال 
يا اخوان انا معي جينسس 2016 ولها معي تقريباً ثلاث سنين وما اشتكيت اي شي من السياره وانا من النوع اللي يحب التغيير 
وجت في بالي اني ابيعها واشتري موستنج موديل 2017 استعمال نظيف لأني من فتره قبل ما اشتري الجينسس عندي هوايه للسيارات الرياضيه فا وش رايكم 
علماً بأني مو راعي سرعه ولا شي بس تعجبني المواتر الرياضيه في الشكل فقط ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


سيارة الهوايات مثل التاريخية - الفارهة جداً - الرياضية لا تجعلها سيارتك الرئيسية. اذا ما تقدر يكون عندك ثنتين فانا اقول مالك حاجة بالموستنق


up 2 down 2
مستنيرمستاء 2
قبل 3 شهر



انت منت راعي سرعة ومعاك جنيسيس 2016 لها معاك 3 سنوات
انا اقول احمد ربك على الي عندك وتفكيرك غير سليم
سيارتك معاك لها 3 سنوات وعارف كل مشاكلها وتقول انك ما اشتكيت منها
اجل ليش الفسقة عشان شكل
الجنيسيس لازالت من السيارات الفخمة والي تلفت النظر




up 6 down 5
ms3al 1615
قبل 3 شهر



خلك على قردك لا يجيك اقرد منه
معايا سياره رياضيه جينسس كوبيه ومليت منها وقاسيه بالمطبات ونازله للارض
تفرح فيها سنه سنتين وتضطر تبيعها لان تبي سياره اكبر خصوصا لو متزوج وعندك عيال

السياره الى معاك فخمه وتقضي اللزوم ولو فلوسك زايده ما يمنع تشتري وتطيح الى براسك ولكن كل شي له ضريبه
خصوصا لو مليت وتبي تبيع السيارت الرياضيه مالها سوق وبيعتها ثقيله


up 5 down 1
فـــ9ـــد 397
قبل 3 شهر



صحيح اتفق مع اخوان واذا مره طاقه معك اجرها شهر وطيح الي في راسك

وفر فلوسك سيارتك غيرك الف يتمناها موتر خدوم وكرف ومريح وعائلي وكل شيء

موستنج والله لا طقها حلى ولا احد يناظرها


up 1 down 0
mohammed1368 70
قبل 3 شهر



انا وجة نظري غير عن الشباب 

دامك بخاطرك شي ياخوي وتقدر عليه ( ومابيسبب ضرر لك بميزانيه ولا )

توكل على الله ، الموستنج اختيار جميل جدا واعتمادي وقطعه ارخص من مثيلاته 

وشكل ٢٠١٧ صراحه روعه ، ولو قدرت تاخذ كشف افضل وافضل ، عشان تنطرب فيه 

لكن اذا متزوج وعندك عيال يفضل يكون موتر ثانوي وليس اساسي 

وحتى لو مو متزوج خذ معه موتر صغير اكسنت يارس كذا ، حق دوامك او مشاوير صغيره 

وبالتوفيق


up 4 down 4
m7md 33 674
قبل 3 شهر



تقول( جت في بالي اني ابيعها )
يعني ليس هناك حاجة!

أنا مريت في مرحلة زي كذا وخسرت فلوس عشان حب التغيير والله إني نادم كل الندم
ليتك ماتندم مثلنا وسلامتك


up 2 down 0



جمع لك 15 الف او 20 ع حسب قدرتك

واشتر موستنج 2008 واططررررب نفسك واذا مليت منها بيعها

موترك لاتفففكه ابدا وانتبه تغلط

انا معي موستنج 2011 سياره ممتازه بس للمعلوميه ممله جدا جدا 

تستمتع فيها فتره معينه وبعدين تمل منها 



up 0 down 0
shaker.alotibi 9
قبل 2 شهر و 4 أسبوع