فقط لأصحاب الاكسبلورر والمازدا cx9 - كيف التكييف والصرفية؟

وايضا راحة الجلوس لصالح مين

الكسبلورر من ناحيه التكيف ممتاز ثلجه مشاءالله بس اذا وقف يقل نسبه التبريد وهذا في اغلب سيارات الامريكي والبنزين على حسب رجلك اذا انت راعي تدعيس الله يعينك بتعبي كل يومين

بالنسبة للاكسبلورر 2017
التكييف ثلاجة ماشاء الله تبارك الله
صرفية البنزين متوسطة
راحة الجلوس متوسطة تميل الى القساوة
الرساوة ممتازة جدا

بتكلم عن تجربتي للاكسبلور مكيف ماهو مثل ياباني لكن ماهو مثل كوري في النص يعني

اذا تمشي بالسيارة وتحوس مكيف حلو بارد ماهو ثلاجه بارد

واذا وقفت يبقى بارد بس يقل شويتين بس يبقى بارد

اما كوري لوقفت يفصل

ياباني ثلاجه واقف ولا ماشي مكيف مازدا ما جربته عشان احكم عليه

لكن فيه ناس حسب تجاربهم من رواعي السيارات يقول اول ما تشتري موتر ثلاجه

بعدين يبدا يخف مدري وش السبب

صرفيه اكسبلور ههه تراه يشفط بنزين مثل ٨ سلندر بس لا تخاف اهون من فتك ولاند